[706] Sammādiṭṭhiyā katame pañca nirodhā vikkhambhananirodho
tadaṅganirodho samucchedanirodho paṭippassaddhinirodho
nissaraṇanirodho vikkhambhananirodho ca nīvaraṇānaṁ paṭhamajjhānaṁ
bhāvayato tadaṅganirodho ca diṭṭhigatānaṁ nibbedhabhāgiyaṁ samādhiṁ
bhāvayato samucchedanirodho ca lokuttaraṁ khayagāmiṁ maggaṁ bhāvayato
paṭippassaddhinirodho ca phalakkhaṇe nissaraṇanirodho ca amatā
dhātu sammādiṭṭhiyā ime pañca nirodhā imesu pañcasu
nirodhesu chandajāto hoti saddhādhimutto cittaṁ cassa svādhiṭṭhitaṁ.

[707] Sammādiṭṭhiyā katame pañca vossaggā vikkhambhanavossaggo
tadaṅgavossaggo samucchedavossaggo paṭippassaddhivossaggo
nissaraṇavossaggo vikkhambhanavossaggo ca nīvaraṇānaṁ
paṭhamajjhānaṁ bhāvayato tadaṅgavossaggo ca diṭṭhigatānaṁ nibbedhabhāgiyaṁ
samādhiṁ bhāvayato samucchedavossaggo ca lokuttaraṁ
khayagāmiṁ maggaṁ bhāvayato paṭippassaddhivossaggo ca phalakkhaṇe
nissaraṇavossaggo ca nirodho nibbānaṁ sammādiṭṭhiyā ime
pañca vossaggā imesu pañcasu vossaggesu chandajāto hoti
saddhādhimutto cittaṁ cassa svādhiṭṭhitaṁ.
Sammādiṭṭhiyā ime pañca vivekā pañca virāgā pañca
nirodhā pañca vossaggā dvādasa nissayā.

[708] Sammāsaṅkappassa .pe. Sammāvācāya .pe.
Sammākammantassa .pe. Sammāājīvassa .pe. Sammāvāyāmassa
.pe. Sammāsatiyā .pe..
Sammāsamādhissa katame pañca vivekā vikkhambhanaviveko
tadaṅgaviveko samucchedaviveko paṭippassaddhiviveko nissaraṇaviveko
vikkhambhanaviveko ca nīvaraṇānaṁ paṭhamajjhānaṁ bhāvayato tadaṅgaviveko
ca diṭṭhigatānaṁ nibbedhabhāgiyaṁ samādhiṁ bhāvayato samucchedaviveko
ca lokuttaraṁ khayagāmiṁ maggaṁ bhāvayato paṭippassaddhiviveko ca
phalakkhaṇe nissaraṇaviveko ca nirodho nibbānaṁ sammāsamādhissa
ime pañca vivekā imesu pañcasu vivekesu chandajāto hoti
saddhādhimutto cittaṁ cassa svādhiṭṭhitaṁ.

[709] Sammāsamādhissa katame pañca virāgā vikkhambhanavirāgo
tadaṅgavirāgo samucchedavirāgo paṭippassaddhivirāgo
nissaraṇavirāgo vikkhambhanavirāgo ca nīvaraṇānaṁ paṭhamajjhānaṁ
bhāvayato tadaṅgavirāgo ca diṭṭhigatānaṁ nibbedhabhāgiyaṁ samādhiṁ
bhāvayato samucchedavirāgo ca lokuttaraṁ khayagāmiṁ maggaṁ bhāvayato
paṭippassaddhivirāgo ca phalakkhaṇe nissaraṇavirāgo ca nirodho
nibbānaṁ sammāsamādhissa ime pañca virāgā imesu pañcasu
virāgesu chandajāto hoti saddhādhimutto cittaṁ cassa svādhiṭṭhitaṁ.

[710] Sammāsamādhissa katame pañca nirodhā vikkhambhananirodho
Tadaṅganirodho samucchedanirodho paṭippassaddhinirodho
nissaraṇanirodho vikkhambhananirodho ca nīvaraṇānaṁ paṭhamajjhānaṁ
bhāvayato tadaṅganirodho ca diṭṭhigatānaṁ nibbedhabhāgiyaṁ samādhiṁ
bhāvayato samucchedanirodho ca lokuttaraṁ khayagāmiṁ maggaṁ bhāvayato
paṭippassaddhinirodho ca phalakkhaṇe nissaraṇanirodho ca amatā
dhātu sammāsamādhissa ime pañca nirodhā imesu pañcasu
nirodhesu chandajāto hoti saddhādhimutto cittaṁ cassa
svādhiṭṭhitaṁ.

[711] Sammāsamādhissa katame pañca vossaggā vikkhambhanavossaggo
tadaṅgavossaggo samucchedavossaggo paṭippassaddhivossaggo
nissaraṇavossaggo vikkhambhanavossaggo ca nīvaraṇānaṁ paṭhamajjhānaṁ
bhāvayato tadaṅgavossaggo ca diṭṭhigatānaṁ nibbedhabhāgiyaṁ samādhiṁ
bhāvayato samucchedavossaggo ca lokuttaraṁ khayagāmiṁ maggaṁ
bhāvayato paṭippassaddhivossaggo ca phalakkhaṇe nissaraṇavossaggo
ca nirodho nibbānaṁ sammāsamādhissa ime pañca vossaggā
imesu pañcasu vossaggesu chandajāto hoti saddhādhimutto
cittaṁ cassa svādhiṭṭhitaṁ.
Sammāsamādhissa ime pañca vivekā pañca virāgā pañca
nirodhā pañca vossaggā dvādasa nissayā.

[712] Seyyathāpi bhikkhave ye keci balakaraṇīyā kammantā
Kayiranti sabbe te paṭhaviṁ nissāya paṭhaviyaṁ patiṭṭhāya evamete
balakaraṇīyā kammantā kayiranti evameva kho bhikkhave bhikkhu
sīlaṁ nissāya sīle patiṭṭhāya satta bojjhaṅge bhāveti satta
bojjhaṅge bahulīkaroti .pe. Satta bojjhaṅge bhāvento satta
bojjhaṅge bahulīkaronto vuḍḍhiṁ virūḷhiṁ vepullaṁ pāpuṇāti
dhammesu .pe. Pañca balāni bhāveti. Pañca balāni bahulīkaroti
.pe. Pañca balāni bhāvento pañca balāni bahulīkaronto
vuḍḍhiṁ virūḷhiṁ vepullaṁ pāpuṇāti dhammesu .pe. Pañcindriyāni
bhāveti pañcindriyāni bahulīkaroti .pe..
Seyyathāpi bhikkhave ye keci vījagāmabhūtagāmā vuḍḍhiṁ virūḷhiṁ
vepullaṁ āpajjanti sabbe te paṭhaviṁ nissāya paṭhaviyaṁ patiṭṭhāya
evamete vījagāmabhūtagāmā vuḍḍhiṁ virūḷhiṁ vepullaṁ āpajjanti
evameva kho bhikkhave bhikkhu sīlaṁ nissāya sīle patiṭṭhāya
pañcindriyāni bhāvento pañcindriyāni bahulīkaronto vuḍḍhiṁ virūḷhiṁ
vepullaṁ pāpuṇāti dhammesu.

[713] Kathañca bhikkhave bhikkhu sīlaṁ nissāya sīle patiṭṭhāya
pañcindriyāni bhāvento pañcindriyāni bahulīkaronto vuḍḍhiṁ
virūḷhiṁ vepullaṁ pāpuṇāti dhammesu. Idha bhikkhave bhikkhu saddhindriyaṁ
bhāveti vivekanissitaṁ virāganissitaṁ nirodhanissitaṁ vossaggapariṇāmiṁ
viriyindriyaṁ bhāveti .pe. Satindriyaṁ bhāveti samādhindriyaṁ
Bhāveti paññindriyaṁ bhāveti vivekanissitaṁ virāganissitaṁ
nirodhanissitaṁ vossaggapariṇāmiṁ [1]- saddhindriyassa pañca vivekā
pañca virāgā pañca nirodhā pañca vossaggā dvādasa nissayā
.pe. Viriyindriyassa .pe. Satindriyassa .pe. Samādhindriyassa
paññindriyassa pañca vivekā pañca virāgā pañca nirodhā
pañca vossaggā dvādasa nissayā.

[714] Saddhindriyassa katame pañca vivekā vikkhambhanaviveko
tadaṅgaviveko samucchedaviveko paṭippassaddhiviveko nissaraṇaviveko
vikkhambhanaviveko ca nīvaraṇānaṁ paṭhamajjhānaṁ bhāvayato tadaṅgaviveko
ca diṭṭhigatānaṁ nibbedhabhāgiyaṁ samādhiṁ bhāvayato samucchedaviveko
ca lokuttaraṁ khayagāmiṁ maggaṁ bhāvayato paṭippassaddhiviveko ca
phalakkhaṇe nissaraṇaviveko ca nirodho nibbānaṁ saddhindriyassa
ime pañca vivekā imesu pañcasu vivekesu chandajāto
hoti saddhādhimutto cittaṁ cassa svādhiṭṭhitaṁ .pe. Saddhindriyassa
ime pañca vivekā pañca virāgā pañca nirodhā pañca
vossaggā dvādasa nissayā viriyindriyassa .pe. Satindriyassa
samādhindriyassa .pe..
Paññindriyassa katame pañca vivekā vikkhambhanaviveko
tadaṅgaviveko samucchedaviveko paṭippassaddhiviveko nissaraṇaviveko
.pe. Paññindriyassa ime pañca vivekā pañca virāgā pañca
1 Ma. evaṁ kho bhikkhave bhikkhu sīlaṁ nissāya ... vepulalaṁ pāpuṇāti dhammesūti.
Nirodhā pañca vossaggā dvādasa nissayāti.
Vivekakathā niṭṭhitā.
-------
Paññāvagge cariyākathā

[715] Cariyāti aṭṭha cariyāyo iriyāpathacariyā āyatanacariyā
saticariyā samādhicariyā ñāṇacariyā maggacariyā patticariyā
lokatthacariyā 1 .
Iriyāpathacariyāti catūsu iriyāpathesu. Āyatanacariyāti chasu
ajjhattikabāhiresu āyatanesu. Saticariyāti catūsu satipaṭṭhānesu.
Samādhicariyāti catūsu jhānesu. Ñāṇacariyāti catūsu ariyasaccesu.
Maggacariyāti catūsu ariyamaggesu. Patticariyāti catūsu
sāmaññaphalesu. Lokatthacariyāti tathāgatesu arahantesu
sammāsambuddhesu padeso 2 paccekabuddhesu padeso 2 sāvakesu.
Iriyāpathacariyā ca paṇidhisampannānaṁ āyatanacariyā ca indriyesu
guttadvārānaṁ saticariyā ca appamādavihārīnaṁ samādhicariyā
ca adhicittamanuyuttānaṁ ñāṇacariyā ca buddhisampannānaṁ maggacariyā
ca sammāpaṭipannānaṁ patticariyā ca adhigataphalānaṁ
lokatthacariyā ca tathāgatānaṁ arahantānaṁ sammāsambuddhānaṁ padeso 2
paccekabuddhānaṁ padeso 2 sāvakānaṁ imā aṭṭha cariyāyo.
1 Ma. lokatthacariyāti. 2 Ma. padese.