[686] Katamā vikubbanā iddhi. Sikhissa bhagavato arahato
sammāsambuddhassa abhibhū nāma sāvako brahmaloke ṭhito sahassīlokadhātuṁ
sarena viññāpesi so dissamānenapi kāyena dhammaṁ
desesi 3 adissamānenapi kāyena dhammaṁ desesi dissamānenapi
heṭṭhimena upaḍḍhakāyena adissamānenapi uparimena upaḍḍhakāyena
dhammaṁ desesi dissamānenapi uparimena upaḍḍhakāyena adissamānenapi
heṭṭhimena upaḍḍhakāyena dhammaṁ desesi so pakativaṇṇaṁ
vijahitvā kumārakavaṇṇaṁ vā dasseti nāgavaṇṇaṁ vā dasseti
supaṇṇavaṇṇaṁ vā dasseti yakkhavaṇṇaṁ vā dasseti asuravaṇṇaṁ
vā dasseti indavaṇṇaṁ vā dasseti devavaṇṇaṁ vā
1 Ma. sabbattha visajjeti. 2 Yu. hi. 3 Yu. deseti. evamuparipi.
Dasseti brahmavaṇṇaṁ vā dasseti samuddavaṇṇaṁ vā dasseti
pabbatavaṇṇaṁ vā dasseti vanavaṇṇaṁ vā dasseti sīhavaṇṇaṁ
vā dasseti byagghavaṇṇaṁ vā dasseti dīpivaṇṇaṁ vā dasseti
hatthiṁpi 1 dasseti assaṁpi dasseti rathaṁpi dasseti pattiṁpi
dasseti vividhaṁpi senābyūhaṁ dasseti 2 ayaṁ vikubbanā iddhi.

[687] Katamā manomayā iddhi. Idha bhikkhu imamhā kāyā
aññaṁ kāyaṁ abhinimmināti rūpiṁ manomayaṁ sabbaṅgapaccaṅgaṁ ahīnindriyaṁ
seyyathāpi puriso muñjamhā isikaṁ 3 pavāheyya tassa
evamassa ayaṁ muñjo ayaṁ isikā 3 añño muñjo aññā
isikā 3 muñjamhā tveva isikā 3 pavāḷhāti seyyathāpi vā
pana puriso asiṁ kosiyā pavāheyya tassa evamassa ayaṁ asi
ayaṁ kosi añño asi aññā kosi kosiyā tveva asi
pavāḷhoti seyyathāpi vā pana puriso ahiṁ karaṇḍā uddhareyya
tassa evamassa ayaṁ ahi 4 ayaṁ karaṇḍo añño ahi añño
karaṇḍo karaṇḍā tveva ahi ubbhatoti evameva bhikkhu
imamhā kāyā aññaṁ kāyaṁ abhinimmināti rūpaṁ manomayaṁ sabbaṅgapaccaṅgaṁ
ahīnindriyaṁ ayaṁ manomayā iddhi.

[688] Katamā ñāṇavipphārā iddhi. Aniccānupassanāya
niccasaññāya pahānaṭṭho ijjhatīti ñāṇavipphārā iddhi dukkhānupassanāya
sukhasaññāya anattānupassanāya attasaññāya nibbidānupassanāya
1 Yu. hatthivaṇṇaṁpi. 2 Ma. dassetīti. 3 Ma. īsikaṁ. īsikā.
4 Yu. asi. evamuparipi.
Nandiyā virāgānupassanāya rāgassa nirodhānupassanāya
samudayassa paṭinissaggānupassanāya ādānassa pahānaṭṭho
ijjhatīti ñāṇavipphārā iddhi āyasmato bakkulassa
ñāṇavipphārā iddhi āyasmato saṅkiccassa ñāṇavipphārā iddhi
āyasmato bhūtapālassa ñāṇavipphārā iddhi ayaṁ ñāṇavipphārā
iddhi.

[689] Katamā samādhivipphārā iddhi. Paṭhamajjhānena nīvaraṇānaṁ
pahānaṭṭho ijjhatīti samādhivipphārā iddhi dutiyajjhānena
vitakkavicārānaṁ pahānaṭṭho ijjhatīti samādhivipphārā iddhi tatiyajjhānena
pītiyā pahānaṭṭho ijjhatīti .pe. Catutthajjhānena
sukhadukkhānaṁ pahānaṭṭho ijjhatīti .pe. Ākāsānañcāyatanasamāpattiyā
rūpasaññāya paṭighasaññāya nānattasaññāya pahānaṭṭho
ijjhatīti .pe. Viññāṇañcāyatanasamāpattiyā ākāsānañcāyatanasaññāya
pahānaṭṭho ijjhatīti .pe. Ākiñcaññāyatanasamāpattiyā
viññāṇañcāyatanasaññāya pahānaṭṭho ijjhatīti .pe.
Nevasaññānāsaññāyatanasamāpattiyā ākiñcaññāyatanasaññāya
pahānaṭṭho ijjhatīti samādhivipphārā iddhi āyasmato sārīputtassa
samādhivipphārā iddhi āyasmato sañjīvassa samādhivipphārā
iddhi āyasmato khāṇukoṇḍaññassa samādhivipphārā iddhi
uttarāya upāsikāya samādhivipphārā iddhi sāmāvatiyā
Upāsikāya samādhivipphārā iddhi ayaṁ samādhivipphārā iddhi.

[690] Katamā ariyā iddhi. Idha bhikkhu sace ākaṅkhati
paṭikūle appaṭikūlasaññī vihareyyanti appaṭikūlasaññī tattha
viharati sace ākaṅkhati appaṭikūle paṭikūlasaññī vihareyyanti
paṭikūlasaññī tattha viharati sace ākaṅkhati paṭikūle ca appaṭikūle
ca appaṭikūlasaññī vihareyyanti appaṭikūlasaññī tattha
viharati sace ākaṅkhati appaṭikūle ca paṭikūle ca paṭikūlasaññī
vihareyyanti paṭikūlasaññī tattha viharati sace ākaṅkhati
paṭikūle ca appaṭikūle ca tadubhayaṁ abhinivajjetvā upekkhako
vihareyyaṁ sato sampajānoti upekkhako tattha viharati sato
sampajāno.
Kathaṁ paṭikūle appaṭikūlasaññī viharati. Aniṭṭhasmiṁ vatthusmiṁ
mettāya vā pharati dhātuto vā upasaṁharati evaṁ paṭikūle
appaṭikūlasaññī viharati.
Kathaṁ appaṭikūle paṭikūlasaññī viharati. Iṭṭhasmiṁ vatthusmiṁ
asubhāya vā pharati aniccato vā upasaṁharati evaṁ appaṭikūle
paṭikūlasaññī viharati.
Kathaṁ paṭikūle ca appaṭikūle ca appaṭikūlasaññī viharati.
Aniṭṭhasmiṁ ca iṭṭhasmiṁ ca vatthusmiṁ mettāya vā pharati dhātuto
vā upasaṁharati evaṁ paṭikūle ca appaṭikūle ca appaṭikūlasaññī
Viharati.
Kathaṁ appaṭikūle ca paṭikūle ca paṭikūlasaññī viharati.
Iṭṭhasmiṁ ca aniṭṭhasmiṁ ca [1]- asubhāya vā pharati aniccato vā
upasaṁharati evaṁ appaṭikūle ca paṭikūle ca paṭikūlasaññī viharati.
Kathaṁ paṭikūle ca appaṭikūle ca tadubhayaṁ abhinivajjetvā
upekkhako viharati sato sampajāno. Idha bhikkhu cakkhunā rūpaṁ
disvā neva sumano hoti na dummano upekkhako viharati sato
sampajāno sotena saddaṁ sutvā ghānena gandhaṁ ghāyitvā jivhāya
rasaṁ sāyitvā kāyena phoṭṭhabbaṁ phusitvā manasā dhammaṁ viññāya
neva sumano hoti na dummano upekkhako viharati sato
sampajāno evaṁ paṭikūle ca appaṭikūle ca tadubhayaṁ abhinivajjetvā
upekkhako viharati sato sampajāno ayaṁ ariyā iddhi.

[691] Katamā kammavipākajā iddhi. Sabbesaṁ pakkhīnaṁ sabbesaṁ
devānaṁ ekaccānaṁ manussānaṁ ekaccānaṁ vinipātikānaṁ ayaṁ
kammavipākajā iddhi.

[692] Katamā puññavato iddhi. Rājā cakkavatti vehāsaṁ
gacchati saddhiṁ caturaṅginiyā senāya antamaso assabandhagopake
purise 2 upādāya jotiyassa 3 gahapatissa puññavato iddhi
jaṭilassa gahapatissa puññavato iddhi meṇḍakassa gahapatissa
1 Ma. Yu. vatthusmiṁ. 2 Sī. assabandhane purise. Ma. assabandhagopurise.
3 Sī. Yu. jotikassa.
Puññavato iddhi ghositassa gahapatissa puññavato iddhi pañcannaṁ
mahāpuññānaṁ puññavato iddhi ayaṁ puññavato iddhi.

[693] Katamā vijjāmayā iddhi. Vijjādharā vijjaṁ parijapetvā 1
vehāsaṁ gacchanti ākāse antalikkhe hatthimpi dassenti
assampi dassenti rathampi dassenti pattimpi dassenti
vividhampi senābyūhaṁ dassenti ayaṁ vijjāmayā iddhi.

[694] Kathaṁ tattha tattha sammappayogappaccayā ijjhanaṭṭhena
iddhi. Nekkhammena kāmacchandassa pahānaṭṭho ijjhatīti tattha
tattha sammappayogappaccayā ijjhanaṭṭhena iddhi abyāpādena
byāpādassa pahānaṭṭho ijjhatīti .pe. Ālokasaññāya thīnamiddhassa
.pe. Arahattamaggena sabbakilesānaṁ pahānaṭṭho ijjhatīti
tattha tattha sammappayogappaccayā ijjhanaṭṭhena iddhi evaṁ
tattha tattha sammappayogappaccayā ijjhanaṭṭhena iddhi imā dasa
iddhiyoti.
Iddhikathā niṭṭhitā.
----------
Paññāvagge abhisamayakathā

[695] Abhisamayoti kena abhisameti. Cittena abhisameti.
1 Sī. paridametvā. Ma. parijappetvā.
Hañci cittena abhisameti tenahi aññāṇī abhisameti. Na
aññāṇī abhisameti ñāṇena abhisameti. Hañci ñāṇena
abhisameti tenahi [1]- acittako abhisameti. Na acittako abhisameti
cittena ca ñāṇena ca abhisameti. Hañci cittena ca ñāṇena
ca abhisameti tenahi kāmāvacaracittena ca ñāṇena ca abhisameti.
Na kāmāvacaracittena ca ñāṇena ca abhisameti tenahi rūpāvacaracittena
ca ñāṇena ca abhisameti. Na rūpāvacaracittena ca
ñāṇena ca abhisameti. Tenahi arūpāvacaracittena ca ñāṇena
ca abhisameti. Na arūpāvacaracittena ca ñāṇena ca abhisameti.
Tenahi kammassakatācittena 2 ca ñāṇena ca abhisameti. Na
kammassakatācittena 2 ca ñāṇena ca abhisameti. Tenahi saccānulomikacittena
ca ñāṇena ca abhisameti. Na saccānulomikacittena
ca ñāṇena ca abhisameti. Tenahi atītacittena ca ñāṇena
ca abhisameti. Na atītacittena ca ñāṇena ca abhisameti.
Tenahi anāgatacittena ca ñāṇena ca abhisameti. Na anāgatacittena
ca ñāṇena ca abhisameti. Tenahi paccuppannalokiyacittena
ca ñāṇena ca abhisameti. Na paccuppannalokiyacittena
ca ñāṇena ca abhisameti lokuttaramaggakkhaṇe paccuppannacittena
ca ñāṇena ca abhisameti.