[616] Taṁ kho panidaṁ dukkhaṁ ariyasaccaṁ pariññeyyanti .pe.
Pariññātanti pubbe ananussutesu dhammesu cakkhuṁ udapādi .pe.
Āloko udapādi. Cakkhuṁ udapādīti kenatthena .pe. Āloko
Udapādīti kenatthena. Cakkhuṁ udapādīti dassanaṭṭhena .pe.
Āloko udapādīti obhāsaṭṭhena.
Cakkhuṁ dhammo dassanaṭṭho attho .pe. Āloko dhammo
obhāsaṭṭho attho ime pañca dhammā pañca atthā dukkhavatthukā
saccavatthukā saccārammaṇā saccagocarā saccasaṅgahitā saccapariyāpannā
sacce samupāgatā sacce ṭhitā sacce patiṭṭhitā.
Dhammacakkanti kenatthena dhammacakkaṁ. Dhammañca pavatteti
cakkañcāti dhammacakkaṁ cakkañca pavatteti dhammañcāti dhammacakkaṁ
dhammena pavattetīti dhammacakkaṁ dhammacariyāya pavattetīti dhammacakkaṁ
dhamme ṭhito pavattetīti dhammacakkaṁ dhamme patiṭṭhito pavattetīti
dhammacakkaṁ .pe. Amatogadhaṁ nibbānaṁ pariyosānaṭṭhena dhammo taṁ
dhammaṁ pavattetīti dhammacakkaṁ.

[617] Idaṁ dukkhasamudayo ariyasaccanti pubbe ananussutesu
dhammesu cakkhuṁ udapādi .pe. Āloko udapādi taṁ kho panidaṁ
dukkhasamudayo ariyasaccaṁ pahātabbanti .pe. Pahīnanti pubbe ananussutesu
dhammesu cakkhuṁ udapādi .pe. Āloko udapādi. Cakkhuṁ
udapādīti kenatthena .pe. Āloko udapādīti kenatthena.
Cakkhuṁ udapādīti dassanaṭṭhena .pe. Āloko udapādīti
obhāsaṭṭhena.
Cakkhuṁ dhammo dassanaṭṭho attho .pe. Āloko dhammo
Obhāsaṭṭho attho ime pañca dhammā pañca atthā samudayavatthukā
saccavatthukā .pe. Nirodhavatthukā maggavatthukā saccavatthukā
saccārammaṇā saccagocarā saccasaṅgahitā saccapariyāpannā sacce
samupāgatā sacce ṭhitā sacce patiṭṭhitā.
Dhammacakkanti kenatthena dhammacakkaṁ. Dhammañca pavatteti
cakkañcāti dhammacakkaṁ cakkañca pavatteti dhammañcāti dhammacakkaṁ
dhammena pavattetīti dhammacakkaṁ dhammacariyāya pavattetīti dhammacakkaṁ
dhamme ṭhito pavattetīti dhammacakkaṁ dhamme patiṭṭhito pavattetīti
dhammacakkaṁ .pe. Amatogadhaṁ nibbānaṁ pariyosānaṭṭhena dhammo taṁ
dhammaṁ pavattetīti dhammacakkaṁ.

[618] Ayaṁ kāye kāyānupassanāti me bhikkhave pubbe ananussutesu
dhammesu cakkhuṁ udapādi .pe. Āloko udapādi sā
kho panāyaṁ kāye kāyānupassanā bhāvetabbāti me bhikkhave .pe.
Bhāvitāti me bhikkhave pubbe ananussutesu dhammesu cakkhuṁ udapādi
.pe. Āloko udapādi .pe. Ayaṁ vedanāsu .pe. Ayaṁ citte
.pe. Ayaṁ dhammesu dhammānupassanāti me bhikkhave pubbe ananussutesu
dhammesu cakkhuṁ udapādi .pe. Āloko udapādi sā kho
panāyaṁ dhammesu dhammānupassanā bhāvetabbāti me bhikkhave .pe.
Bhāvitāti me bhikkhave pubbe ananussutesu dhammesu cakkhuṁ udapādi
.pe. Āloko udapādi ayaṁ kāye kāyānupassanāti pubbe
Ananussutesu dhammesu cakkhuṁ udapādi .pe. Āloko udapādi
sā kho panāyaṁ kāye kāyānupassanā bhāvetabbāti .pe. Bhāvitāti
pubbe ananussutesu dhammesu cakkhuṁ udapādi .pe. Āloko
udapādi. Cakkhuṁ udapādīti kenatthena .pe. Āloko udapādīti
kenatthena .pe. Cakkhuṁ udapādīti dassanaṭṭhena .pe. Āloko
udapādīti obhāsaṭṭhena.
Cakkhuṁ dhammo dassanaṭṭho attho .pe. Āloko dhammo
obhāsaṭṭho attho ime pañca dhammā pañca atthā kāyavatthukā
satipaṭṭhānavatthukā .pe. Vedanāvatthukā satipaṭṭhānavatthukā cittavatthukā
satipaṭṭhānavatthukā dhammavatthukā satipaṭṭhānavatthukā satipaṭṭhānārammaṇā
satipaṭṭhānagocarā satipaṭṭhānasaṅgahitā satipaṭṭhānapariyāpannā
satipaṭṭhāne samupāgatā satipaṭṭhāne ṭhitā satipaṭṭhāne
patiṭṭhitā.
Dhammacakkanti kenatthena dhammacakkaṁ. Dhammañca pavatteti
cakkañcāti dhammacakkaṁ cakkañca pavatteti dhammañcāti dhammacakkaṁ
dhammena pavattetīti dhammacakkaṁ dhammacariyāya pavattetīti
dhammacakkaṁ dhamme ṭhito pavattetīti dhammacakkaṁ dhamme patiṭṭhito
pavattetīti dhammacakkaṁ .pe. Amatogadhaṁ nibbānaṁ pariyosānaṭṭhena
dhammo taṁ dhammaṁ pavattetīti dhammacakkaṁ.

[619] Ayaṁ chandasamādhipadhānasaṅkhārasamannāgato iddhipādoti
Me bhikkhave pubbe ananussutesu dhammesu cakkhuṁ udapādi .pe.
Āloko udapādi so kho panāyaṁ chandasamādhipadhānasaṅkhārasamannāgato
iddhipādo bhāvetabboti me bhikkhave .pe. Bhāvitoti
me bhikkhave pubbe ananussutesu dhammesu cakkhuṁ udapādi .pe.
Āloko udapādi ayaṁ viriyasamādhi .pe. Ayaṁ cittasamādhi .pe.
Ayaṁ vīmaṁsāsamādhipadhānasaṅkhārasamannāgato iddhipādoti me bhikkhave
pubbe ananussutesu dhammesu cakkhuṁ udapādi .pe. Āloko
udapādi so kho panāyaṁ vīmaṁsāsamādhipadhānasaṅkhārasamannāgato iddhipādo
bhāvetabboti me bhikkhave .pe. Bhāvitoti me bhikkhave
pubbe ananussutesu dhammesu cakkhuṁ udapādi .pe. Āloko
udapādi.
Ayaṁ chandasamādhipadhānasaṅkhārasamannāgato iddhipādoti pubbe
ananussutesu dhammesu cakkhuṁ udapādi .pe. Āloko udapādi
so kho panāyaṁ chandasamādhipadhānasaṅkhārasamannāgato iddhipādo
bhāvetabboti .pe. Bhāvitoti pubbe ananussutesu dhammesu cakkhuṁ
udapādi ñāṇaṁ udapādi paññā udapādi vijjā udapādi
āloko udapādi. Cakkhuṁ udapādīti kenatthena ñāṇaṁ
udapādīti kenatthena paññā udapādīti kenatthena vijjā
udapādīti kenatthena āloko udapādīti kenatthena. Cakkhuṁ
udapādīti dassanaṭṭhena ñāṇaṁ udapādīti ñātaṭṭhena
Paññā udapādīti pajānanaṭṭhena vijjā udapādīti paṭivedhaṭṭhena
āloko udapādīti obhāsaṭṭhena.
Cakkhuṁ dhammo dassanaṭṭho attho ñāṇaṁ dhammo ñātaṭṭho
attho paññā dhammo pajānanaṭṭho attho vijjā dhammo
paṭivedhaṭṭho attho āloko dhammo obhāsaṭṭho attho ime
pañca dhammā pañca atthā chandavatthukā iddhipādavatthukā
iddhipādārammaṇā iddhipādagocarā iddhipādasaṅgahitā iddhipādapariyāpannā
iddhipāde samupāgatā iddhipāde ṭhitā iddhipāde
patiṭṭhitā.
Dhammacakkanti kenatthena dhammacakkaṁ. Dhammañca pavatteti
cakkañcāti dhammacakkaṁ cakkañca pavatteti dhammañcāti dhammacakkaṁ
dhammena pavattetīti dhammacakkaṁ dhammacariyāya pavattetīti dhammacakkaṁ
dhamme ṭhito pavattetīti dhammacakkaṁ dhamme patiṭṭhito pavattetīti
dhammacakkaṁ dhamme patiṭṭhāpento pavattetīti dhammacakkaṁ dhamme
vasippatto pavattetīti dhammacakkaṁ dhamme vasiṁ pāpento
pavattetīti dhammacakkaṁ dhamme pāramippatto pavattetīti dhammacakkaṁ
dhamme pāramiṁ pāpento pavattetīti dhammacakkaṁ dhamme apacāyamāno
pavattetīti dhammacakkaṁ dhammaddhajo pavattetīti dhammacakkaṁ
dhammaketuṁ pavattetīti dhammacakkaṁ dhammādhipateyyo pavattetīti
dhammacakkaṁ appaṭivattiyaṁ samaṇena vā brāhmaṇena vā devena
Vā mārena vā brahmunā vā kenaci vā lokasminti dhammacakkaṁ
indriyaṁ dhammo taṁ dhammaṁ pavattetīti dhammacakkaṁ .pe.
Amatogadhaṁ nibbānaṁ pariyosānaṭṭhena dhammo taṁ dhammaṁ pavattetīti
dhammacakkaṁ.
Ayaṁ viriyasamādhipadhānasaṅkhārasamannāgato iddhipādoti pubbe
ananussutesu dhammesu cakkhuṁ udapādi .pe. Āloko udapādi
so kho panāyaṁ viriyasamādhipadhānasaṅkhārasamannāgato iddhipādo
bhāvetabboti .pe. Bhāvitoti pubbe ananussutesu dhammesu cakkhuṁ
udapādi .pe. Āloko udapādi. Cakkhuṁ udapādīti
kenatthena .pe. Āloko udapādīti kenatthena. Cakkhuṁ udapādīti
dassanaṭṭhena .pe. Āloko udapādīti obhāsaṭṭhena.
Cakkhuṁ dhammo dassanaṭṭho attho .pe. Āloko dhammo
obhāsaṭṭho attho ime pañca dhammā pañca atthā viriyavatthukā
iddhipādavatthukā .pe. Cittavatthukā iddhipādavatthukā vīmaṁsāvatthukā
iddhipādavatthukā iddhipādārammaṇā iddhipādagocarā
iddhipādasaṅgahitā iddhipādapariyāpannā iddhipāde samupāgatā
iddhipāde ṭhitā iddhipāde patiṭṭhitā.
Dhammacakkanti kenatthena dhammacakkaṁ. Dhammañca pavatteti
cakkañcāti dhammacakkaṁ cakkañca pavatteti dhammañcāti dhammacakkaṁ
dhammena pavattetīti dhammacakkaṁ dhammacariyāya pavattetīti dhammacakkaṁ
Dhamme ṭhito pavattetīti dhammacakkaṁ dhamme patiṭṭhito pavattetīti
dhammacakkaṁ .pe. Amatogadhaṁ nibbānaṁ pariyosānaṭṭhena dhammo taṁ
dhammaṁ pavattetīti dhammacakkanti.
Dhammacakkakathā [1]-.
--------
Yuganaddhavagge lokuttarakathā

[620] Katame dhammā lokuttarā. Cattāro satipaṭṭhānā
cattāro sammappadhānā cattāro iddhipādā pañcindriyāni
pañca balāni satta bojjhaṅgā aṭṭhaṅgiko maggo cattāro
ariyamaggā cattāri ca sāmaññaphalāni nibbānañca ime
dhammā lokuttarāti 2 .
Lokuttarāti kenatthena lokuttarā. Lokaṁ uttarantīti 3
lokuttarā lokato uttarantīti lokuttarā lokā uttarantīti
lokuttarā lokamhā uttarantīti lokuttarā lokaṁ samatikkantīti
lokuttarā lokaṁ samatikkamantāti lokuttarā loke 4 atirekāti
lokuttarā [5]- lokā nissarantīti lokuttarā lokato nissarantīti
lokuttarā lokamhā nissarantīti lokuttarā 6 lokā
1 Ma. Yu. sabbattha niṭṭhitāti dissati. 2 Sī. itisaddo na dissati.
3 Ma. tarantīti. 4 Ma. lokena. 5 Ma. Yu. lokantaṁ tarantīti lokuttarā.
6 Sī. ito ciṇhantare lokena paṭinissaṭāti lokuttarā lokadhammā nissaṭāti
lokuttarāti likhitaṁ.
Nissajjantīti 1 lokuttarā lokato 2 nissajjantīti 3 lokuttarā
lokamhā nissajjantīti 4 lokuttarā loke na tiṭṭhantīti lokuttarā
lokamhi na tiṭṭhantīti lokuttarā loke na limpantīti lokuttarā
lokamhi 5 na limpantīti lokuttarā loke asaṁlittāti lokuttarā
lokena asaṁlittāti lokuttarā loke anupalittāti lokuttarā
lokena anupalittāti lokuttarā loke vippamuttāti lokuttarā
lokena vippamuttāti lokuttarā lokā vippamuttāti lokuttarā
lokato vippamuttāti lokuttarā lokamhā vippamuttāti lokuttarā
loke visaññuttāti lokuttarā lokena visaññuttāti lokuttarā
lokā visaññuttāti lokuttarā [6]- lokato visaññuttāti lokuttarā
lokamhā visaññuttāti lokuttarā lokā sujjhantīti lokuttarā
lokato sujjhantīti lokuttarā lokamhā sujjhantīti lokuttarā
lokā visujjhantīti lokuttarā lokato visujjhantīti lokuttarā
lokamhā visujjhantīti lokuttarā lokā vuṭṭhahantīti lokuttarā
lokato vuṭṭhahantīti lokuttarā lokamhā vuṭṭhahantīti lokuttarā
lokā vivajjantīti 7 lokuttarā lokato vivajjantīti lokuttarā
lokamhā vivajjantīti lokuttarā loke na sajjantīti lokuttarā
loke na gayhantīti lokuttarā loke na bajjhantīti lokuttarā
lokaṁ samucchindantīti lokuttarā lokaṁ samucchinnattāti lokuttarā
1-3-4 Ma. Yu. nissaṭāti. 2-5 Ma. Yu. lokena. 6 Ma. lokasmiṁ.
7 Sī. Ma. Yu. vivaṭṭantīti. evamuparipi.
Lokaṁ paṭippassambhentīti lokuttarā lokaṁ paṭippassambhitattāti
lokuttarā lokassa apaccāgatīti 1 lokuttarā lokassa agatīti
lokuttarā lokassa avisayāti lokuttarā lokassa asādhāraṇāti
lokuttarā lokaṁ vamantīti lokuttarā lokaṁ na paccāgamantīti 2
lokuttarā lokaṁ jahantīti lokuttarā lokaṁ na uppādayantīti 3
lokuttarā lokaṁ visinentīti lokuttarā lokaṁ nayantīti 4
lokuttarā lokaṁ vidhūpentīti lokuttarā lokaṁ na sudhūpentīti 5
lokuttarā lokaṁ samatikkamma abhibhuyya tiṭṭhantīti lokuttarāti.
Lokuttarakathā
-------
yuganaddhavagge balakathā
sāvatthīnidānaṁ.

[621] Pañcimāni bhikkhave balāni katamāni pañca saddhābalaṁ
viriyabalaṁ satibalaṁ samādhibalaṁ paññābalaṁ imāni kho bhikkhave
pañca balāni.
Api ca aṭṭhasaṭṭhī balāni saddhābalaṁ viriyabalaṁ satibalaṁ samādhibalaṁ
paññābalaṁ hiribalaṁ ottappabalaṁ paṭisaṅkhānabalaṁ bhāvanābalaṁ
anavajjabalaṁ saṅgāhabalaṁ 6 khantibalaṁ paññattibalaṁ nijjhattibalaṁ
1 Ma. apathāti. Yu. atītāti. 2 Ma. paccāvamantīti. 3 Ma. Yu. uppādiyantīti.
4 Ma. Yu. ussinentīti. 5 Ma. saṁdhūpentīti. Yu. sandhūpentīti.
6 saṅgahabalantipi pāṭho.
Issariyabalaṁ adhiṭṭhānabalaṁ samathabalaṁ vipassanābalaṁ dasa sekkhabalāni
dasa asekkhabalāni dasa khīṇāsavabalāni dasa iddhibalāni dasa
tathāgatabalāni.

[622] Katamaṁ saddhābalaṁ. Assaddhiye na kampatīti saddhābalaṁ
sahajātānaṁ dhammānaṁ upatthambhanaṭṭhena 1 saddhābalaṁ kilesānaṁ pariyādānaṭṭhena
saddhābalaṁ paṭivedhādivisodhanaṭṭhena saddhābalaṁ cittassa
adhiṭṭhānaṭṭhena saddhābalaṁ cittassa vodānaṭṭhena saddhābalaṁ
visesādhigamaṭṭhena saddhābalaṁ uttaripaṭivedhaṭṭhena saddhābalaṁ
saccābhisamayaṭṭhena saddhābalaṁ nirodhe patiṭṭhāpakaṭṭhena saddhābalaṁ
idaṁ saddhābalaṁ.
Katamaṁ viriyabalaṁ. Kosajje na kampatīti viriyabalaṁ sahajātānaṁ
dhammānaṁ upatthambhanaṭṭhena viriyabalaṁ kilesānaṁ pariyādānaṭṭhena
viriyabalaṁ paṭivedhādivisodhanaṭṭhena viriyabalaṁ cittassa adhiṭṭhānaṭṭhena
viriyabalaṁ cittassa vodānaṭṭhena viriyabalaṁ visesādhigamaṭṭhena
viriyabalaṁ uttaripaṭivedhaṭṭhena viriyabalaṁ saccābhisamayaṭṭhena
viriyabalaṁ nirodhe patiṭṭhāpakaṭṭhena viriyabalaṁ idaṁ viriyabalaṁ.
Katamaṁ satibalaṁ. Pamāde na kampatīti satibalaṁ sahajātānaṁ
dhammānaṁ upatthambhanaṭṭhena satibalaṁ .pe. Nirodhe patiṭṭhāpakaṭṭhena
satibalaṁ idaṁ satibalaṁ.
1 idha ceva upari ca upaṭṭhambhanaṭṭhenāti vā pāṭho.
Katamaṁ samādhibalaṁ. Uddhacce na kampatīti samādhibalaṁ sahajātānaṁ
dhammānaṁ upatthambhanaṭṭhena samādhibalaṁ .pe. Nirodhe
patiṭṭhāpakaṭṭhena samādhibalaṁ idaṁ samādhibalaṁ.
Katamaṁ paññābalaṁ. Avijjāya na kampatīti paññābalaṁ sahajātānaṁ
dhammānaṁ upatthambhanaṭṭhena paññābalaṁ .pe. Nirodhe
patiṭṭhāpakaṭṭhena paññābalaṁ idaṁ paññābalaṁ.

[623] Katamaṁ hiribalaṁ. Nekkhammena kāmacchandaṁ hiriyatīti 1 hiribalaṁ
abyāpādena byāpādaṁ hiriyatīti hiribalaṁ ālokasaññāya
thīnamiddhaṁ hiriyatīti hiribalaṁ avikkhepena uddhaccaṁ hiriyatīti hiribalaṁ
dhammavavatthānena vicikicchaṁ hiriyatīti hiribalaṁ ñāṇena avijjaṁ
hiriyatīti hiribalaṁ pāmojjena aratiṁ hiriyatīti hiribalaṁ paṭhamajjhānena
nīvaraṇe hiriyatīti hiribalaṁ .pe. Arahattamaggena sabbakilese
hiriyatīti hiribalaṁ idaṁ hiribalaṁ.
Katamaṁ ottappabalaṁ. Nekkhammena kāmacchandaṁ ottappatīti
ottappabalaṁ abyāpādena byāpādaṁ ottappatīti ottappabalaṁ
ālokasaññāya thīnamiddhaṁ ottappatīti ottappabalaṁ avikkhepena
uddhaccaṁ ottappatīti ottappabalaṁ dhammavavatthānena vicikicchaṁ
ottappatīti ottappabalaṁ ñāṇena avijjaṁ ottappatīti
ottappabalaṁ pāmojjena aratiṁ ottappatīti ottappabalaṁ
paṭhamajjhānena nīvaraṇe ottappatīti ottappabalaṁ .pe. Arahattamaggena
1 Ma. hirīyatīti. evamuparipi.
Sabbakilese ottappatīti ottappabalaṁ idaṁ ottappabalaṁ.
Katamaṁ paṭisaṅkhānabalaṁ. Nekkhammena kāmacchandaṁ paṭisaṅkhātīti
paṭisaṅkhānabalaṁ abyāpādena byāpādaṁ paṭisaṅkhātīti paṭisaṅkhānabalaṁ
ālokasaññāya thīnamiddhaṁ paṭisaṅkhātīti paṭisaṅkhānabalaṁ avikkhepena
uddhaccaṁ paṭisaṅkhātīti paṭisaṅkhānabalaṁ dhammavavatthānena vicikicchaṁ paṭisaṅkhātīti
paṭisaṅkhānabalaṁ ñāṇena avijjaṁ paṭisaṅkhātīti paṭisaṅkhānabalaṁ
pāmojjena aratiṁ paṭisaṅkhātīti paṭisaṅkhānabalaṁ paṭhamajjhānena
nīvaraṇe paṭisaṅkhātīti paṭisaṅkhānabalaṁ .pe. Arahattamaggena sabbakilese
paṭisaṅkhātīti paṭisaṅkhānabalaṁ idaṁ paṭisaṅkhānabalaṁ.

[624] Katamaṁ bhāvanābalaṁ. Kāmacchandaṁ pajahanto nekkhammaṁ
bhāvetīti bhāvanābalaṁ. Byāpādaṁ pajahanto abyāpādaṁ bhāvetīti
bhāvanābalaṁ thīnamiddhaṁ pajahanto ālokasaññaṁ bhāvetīti bhāvanābalaṁ
uddhaccaṁ pajahanto avikkhepaṁ bhāvetīti bhāvanābalaṁ vicikicchaṁ
pajahanto dhammavavatthānaṁ bhāvetīti bhāvanābalaṁ avijjaṁ pajahanto
ñāṇaṁ bhāvetīti bhāvanābalaṁ aratiṁ pajahanto pāmojjaṁ bhāvetīti
bhāvanābalaṁ nīvaraṇe pajahanto paṭhamajjhānaṁ bhāvetīti bhāvanābalaṁ
.pe. Sabbakilese pajahanto arahattamaggaṁ bhāvetīti bhāvanābalaṁ
idaṁ bhāvanābalaṁ.
Katamaṁ anavajjabalaṁ. Kāmacchandassa pahīnattā nekkhamme natthi
Kiñci vajjanti anavajjabalaṁ byāpādassa pahīnattā abyāpāde
natthi kiñci vajjanti anavajjabalaṁ thīnamiddhassa pahīnattā ālokasaññāya
natthi kiñci vajjanti anavajjabalaṁ uddhaccassa pahīnattā
avikkhepe natthi kiñci vajjanti anavajjabalaṁ vicikicchāya pahīnattā
dhammavavatthāne natthi kiñci vajjanti anavajjabalaṁ avijjāya
pahīnattā ñāṇe natthi kiñci vajjanti anavajjabalaṁ aratiyā
pahīnattā pāmujje natthi kiñci vajjanti anavajjabalaṁ nīvaraṇānaṁ
pahīnattā paṭhamajjhāne natthi kiñci vajjanti anavajjabalaṁ .pe.
Sabbakilesānaṁ pahīnattā arahattamagge natthi kiñci vajjanti
anavajjabalaṁ idaṁ anavajjabalaṁ.
Katamaṁ saṅgāhabalaṁ. Kāmacchandaṁ pajahanto nekkhammavasena cittaṁ
saṅgaṇhātīti saṅgāhabalaṁ byāpādaṁ pajahanto abyāpādavasena
cittaṁ saṅgaṇhātīti saṅgāhabalaṁ thīnamiddhaṁ pajahanto ālokasaññāvasena
cittaṁ saṅgaṇhātīti saṅgāhabalaṁ .pe. Sabbakilese pajahanto
arahattamaggavasena cittaṁ saṅgaṇhātīti saṅgāhabalaṁ idaṁ saṅgāhabalaṁ.

[625] Katamaṁ khantibalaṁ. Kāmacchandassa pahīnattā nekkhammaṁ
khamatīti khantibalaṁ. Byāpādassa pahīnattā abyāpādo khamatīti
khantibalaṁ thīnamiddhassa pahīnattā ālokasaññā khamatīti khantibalaṁ
uddhaccassa pahīnattā avikkhepo khamatīti khantibalaṁ vicikicchāya
Pahīnattā dhammavavatthānaṁ khamatīti khantibalaṁ avijjāya pahīnattā
ñāṇaṁ khamatīti khantibalaṁ aratiyā pahīnattā pāmujjaṁ khamatīti
khantibalaṁ nīvaraṇānaṁ pahīnattā paṭhamajjhānaṁ khamatīti khantibalaṁ
.pe. Sabbakilesānaṁ pahīnattā arahattamaggo khamatīti khantibalaṁ
idaṁ khantibalaṁ.
Katamaṁ paññattibalaṁ. Kāmacchandaṁ pajahanto nekkhammavasena
cittaṁ paññapetīti 1 paññattibalaṁ byāpādaṁ pajahanto abyāpādavasena
cittaṁ paññapetīti paññattibalaṁ thīnamiddhaṁ pajahanto
ālokasaññāvasena cittaṁ paññapetīti paññattibalaṁ .pe.
Sabbakilese pajahanto arahattamaggavasena cittaṁ paññapetīti
paññattibalaṁ idaṁ paññattibalaṁ.
Katamaṁ nijjhattibalaṁ. Kāmacchandaṁ pajahanto nekkhammavasena
cittaṁ nijjhāpetīti nijjhattibalaṁ byāpādaṁ pajahanto abyāpādavasena
cittaṁ nijjhāpetīti nijjhattibalaṁ thīnamiddhaṁ pajahanto ālokasaññāvasena
cittaṁ nijjhāpetīti nijjhattibalaṁ .pe. Sabbakilese
pajahanto arahattamaggavasena cittaṁ nijjhāpetīti nijjhattibalaṁ idaṁ
nijjhattibalaṁ.
Katamaṁ issariyabalaṁ. Kāmacchandaṁ pajahanto nekkhammavasena cittaṁ
vasaṁ vattetīti issariyabalaṁ byāpādaṁ pajahanto abyāpādavasena
cittaṁ vasaṁ vattetīti issariyabalaṁ thīnamiddhaṁ pajahanto ālokasaññāvasena
1 Ma. Yu. paññāpetīti. evamuparipi.
Cittaṁ vasaṁ vattetīti issariyabalaṁ .pe. Sabbakilese
pajahanto arahattamaggavasena cittaṁ vasaṁ vattetīti issariyabalaṁ idaṁ
issariyabalaṁ.
Katamaṁ adhiṭṭhānabalaṁ. Kāmacchandaṁ pajahanto nekkhammavasena
cittaṁ adhiṭṭhātīti adhiṭṭhānabalaṁ byāpādaṁ pajahanto abyāpādavasena
cittaṁ adhiṭṭhātīti adhiṭṭhānabalaṁ thīnamiddhaṁ pajahanto ālokasaññāvasena
cittaṁ adhiṭṭhātīti adhiṭṭhānabalaṁ .pe. Sabbakilese
pajahanto arahattamaggavasena cittaṁ adhiṭṭhātīti adhiṭṭhānabalaṁ idaṁ
adhiṭṭhānabalaṁ.