พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน
Suttantapiṭake khuddakanikāyassa paṭisambhidāmaggo (เล่ม 31)

[636] Katamaṁ saṅkhārasuññaṁ. Tayo saṅkhārā puññābhisaṅkhāro
apuññābhisaṅkhāro aneñjābhisaṅkhāro puññābhisaṅkhāro apuññābhisaṅkhārena
ca aneñjābhisaṅkhārena ca suñño apuññābhisaṅkhāro
puññābhisaṅkhārena ca aneñjābhisaṅkhārena ca suñño aneñjābhisaṅkhāro
puññābhisaṅkhārena ca apuññābhisaṅkhārena ca suñño ime
tayo saṅkhārā.
Aparepi tayo saṅkhārā kāyasaṅkhāro vacīsaṅkhāro cittasaṅkhāro
kāyasaṅkhāro vacīsaṅkhārena ca cittasaṅkhārena ca suñño vacīsaṅkhāro
kāyasaṅkhārena ca cittasaṅkhārena ca suñño cittasaṅkhāro kāyasaṅkhārena
Ca vacīsaṅkhārena ca suñño ime tayo saṅkhārā.
Aparepi tayo saṅkhārā atītā saṅkhārā anāgatā saṅkhārā
paccuppannā saṅkhārā atītā saṅkhārā anāgatehi ca paccuppannehi
ca saṅkhārehi suññā anāgatā saṅkhārā atītehi ca paccuppannehi
ca saṅkhārehi suññā paccuppannā saṅkhārā atītehi ca anāgatehi
ca saṅkhārehi suññā ime tayo saṅkhārā idaṁ saṅkhārasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[637] Katamaṁ vipariṇāmasuññaṁ. Jātaṁ rūpaṁ sabhāvena suññaṁ
vigataṁ rūpaṁ vipariṇatañceva suññañca jātā vedanā sabhāvena
suññā vigatā vedanā vipariṇatā ceva suññā ca jātā
saññā jātā saṅkhārā jātaṁ viññāṇaṁ jātaṁ cakkhuṁ .pe.
Jāto bhavo sabhāvena suñño vigato bhavo vipariṇato ceva
suñño ca idaṁ vipariṇāmasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[638] Katamaṁ aggasuññaṁ. Aggametaṁ padaṁ seṭṭhametaṁ padaṁ
visiddhametaṁ padaṁ yadidaṁ sabbasaṅkhārasamatho sabbūpadhipaṭinissaggo
taṇhakkhayo virāgo nirodho nibbānaṁ idaṁ aggasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[639] Katamaṁ lakkhaṇasuññaṁ. Dve lakkhaṇāni bālalakkhaṇañca
paṇḍitalakkhaṇañca bālalakkhaṇaṁ paṇḍitalakkhaṇena suññaṁ
paṇḍitalakkhaṇaṁ bālalakkhaṇena suññaṁ tīṇi lakkhaṇāni uppādalakkhaṇaṁ
vayalakkhaṇaṁ ṭhitaññathattalakkhaṇaṁ uppādalakkhaṇaṁ vayalakkhaṇena
ca ṭhitaññathattalakkhaṇena ca suññaṁ vayalakkhaṇaṁ uppādalakkhaṇena
Ca ṭhitaññathattalakkhaṇena ca suññaṁ ṭhitaññathattalakkhaṇaṁ
uppādalakkhaṇena ca vayalakkhaṇena ca suññaṁ rūpassa
uppādalakkhaṇaṁ vayalakkhaṇena ca ṭhitaññathattalakkhaṇena ca suññaṁ
rūpassa vayalakkhaṇaṁ uppādalakkhaṇena ca ṭhitaññathattalakkhaṇena ca
suññaṁ rūpassa ṭhitaññathattalakkhaṇaṁ uppādalakkhaṇena ca vayalakkhaṇena
ca suññaṁ vedanāya saññāya saṅkhārānaṁ viññāṇassa
cakkhussa .pe. Jarāmaraṇassa uppādalakkhaṇaṁ vayalakkhaṇena
ca ṭhitaññathattalakkhaṇena ca suññaṁ jarāmaraṇassa vayalakkhaṇaṁ
uppādalakkhaṇena ca ṭhitaññathattalakkhaṇena ca suññaṁ jarāmaraṇassa
ṭhitaññathattalakkhaṇaṁ uppādalakkhaṇena ca vayalakkhaṇena ca
suññaṁ idaṁ lakkhaṇasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[640] Katamaṁ vikkhambhanasuññaṁ. Nekkhammena kāmacchando
vikkhambhito ceva suñño ca abyāpādena byāpādo vikkhambhito
ceva suñño ca ālokasaññāya thīnamiddhaṁ vikkhambhitañceva
suññañca avikkhepena uddhaccaṁ vikkhambhitañceva suññañca
dhammavavatthānena vicikicchā vikkhambhitā ceva suññā ca ñāṇena
avijjā vikakhambhitā ceva suññā ca pāmujjena arati vikkhambhitā
ceva suññā ca paṭhamajjhānena nīvaraṇā vikkhambhitā ceva suññā
ca .pe. Arahattamaggena sabbakilesā vikkhambhitā ceva suññā
ca idaṁ vikkhambhanasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[641] Katamaṁ tadaṅgasuññaṁ. Nekkhammena kāmacchando
tadaṅgasuñño abyāpādena byāpādo tadaṅgasuñño ālokasaññāya
thīnamiddhaṁ tadaṅgasuññaṁ avikkhepena uddhaccaṁ tadaṅgasuññaṁ
dhammavavatthānena vicikicchā tadaṅgasuññā ñāṇena avijjā
tadaṅgasuññā pāmujjena arati tadaṅgasuññā paṭhamajjhānena
nīvaraṇā tadaṅgasuññā .pe. Vivaṭṭanānupassanāya saññogābhiniveso
tadaṅgasuñño idaṁ tadaṅgasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[642] Katamaṁ samucchedasuññaṁ. Nekkhammena kāmacchando
samucchinno ceva suñño ca abyāpādena byāpādo samucchinno
ceva suñño ca ālokasaññāya thīnamiddhaṁ samucchinnañceva
suññañca avikkhepena uddhaccaṁ samucchinnañceva suññañca
dhammavavatthānena vicikicchā samucchinnā ceva suññā ca ñāṇena
avijjā samucchinnā ceva suññā ca pāmujjena arati samucchinnā
ceva suññā ca paṭhamajjhānena nīvaraṇā samucchinnā
ceva suññā ca .pe. Arahattamaggena sabbakilesā samucchinnā
ceva suññā ca idaṁ samucchedasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[643] Katamaṁ paṭippassaddhisuññaṁ. Nekkhammena kāmacchando
paṭippassaddho ceva suñño ca abyāpādena byāpādo paṭippassaddho
ceva suñño ca ālokasaññāya thīnamiddhaṁ paṭippassaddhañceva
suññañca avikkhepena uddhaccaṁ paṭippassaddhañceva
Suññañca dhammavavatthānena vicikicchā paṭippassaddhā ceva suññā
ca ñāṇena avijjā paṭippassaddhā ceva suññā ca pāmujjena
arati paṭippassaddhā ceva suññā ca paṭhamajjhānena nīvaraṇā
paṭippassaddhā ceva suññā ca .pe. Arahattamaggena
sabbakilesā paṭippassaddhā ceva suññā ca idaṁ paṭippassaddhisuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[644] Katamaṁ nissaraṇasuññaṁ. Nekkhammena kāmacchando
nissaṭo ceva suñño ca abyāpādena byāpādo nissaṭo ceva
suñño ca ālokasaññāya thīnamiddhaṁ nissaṭañceva suññañca
avikkhepena uddhaccaṁ nissaṭañceva suññañca dhammavavatthānena
vicikicchā nissaṭā ceva suññā ca ñāṇena avijjā nissaṭā
ceva suññā ca pāmujjena arati nissaṭā ceva suññā ca
paṭhamajjhānena nīvaraṇā nissaṭā ceva suññā ca .pe. Arahattamaggena
sabbakilesā nissaṭā ceva suññā ca idaṁ nissaraṇasuññaṁ.

Suttantapiṭake khuddakanikāyassa paṭisambhidāmaggo (เล่ม 31)

[645] Katamaṁ ajjhattasuññaṁ. Ajjhattaṁ cakkhu suññaṁ
attena vā attaniyena vā niccena vā dhuvena vā sassatena vā
avipariṇāmadhammena vā ajjhattaṁ sotaṁ suññaṁ .pe. Ajjhattaṁ
ghānaṁ suññaṁ ajjhattaṁ jivhā suññā ajjhattaṁ kāyo suñño
ajjhattaṁ mano suñño attena vā attaniyena vā niccena vā
Dhuvena vā sassatena vā avipariṇāmadhammena vā idaṁ ajjhattasuññaṁ.