[286] Katamaṁ tathāgatassa sabbaññutañāṇaṁ. Sabbasaṅkhatamasaṅkhataṁ
anavasesaṁ jānātīti sabbaññutañāṇaṁ tattha āvaraṇaṁ
natthīti anāvaraṇaṁ ñāṇaṁ anāgataṁ sabbaṁ jānātīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ atītaṁ sabbaṁ
jānātīti sabbaññutañāṇaṁ tattha āvaraṇaṁ natthīti anāvaraṇaṁ
ñāṇaṁ paccuppannaṁ sabbaṁ jānātīti sabbaññutañāṇaṁ tattha
āvaraṇaṁ natthīti anāvaraṇaṁ ñāṇaṁ cakkhuñceva rūpā ca evaṁ
taṁ sabbaṁ jānātīti sabbaññutañāṇaṁ tattha āvaraṇaṁ natthīti
anāvaraṇaṁ ñāṇaṁ sotañceva saddā ca .pe. Ghānañceva
gandhā ca jivhā ceva rasā ca kāyo ceva phoṭṭhabbā ca mano
1 Ma. Yu. pahomi khvāhaṁ .... 2 Po. pare. Ma. pare ca.
Ceva dhammā ca evaṁ taṁ sabbaṁ jānātīti sabbaññutañāṇaṁ tattha
āvaraṇaṁ natthīti anāvaraṇaṁ ñāṇaṁ.

[287] Yāvatā aniccaṭṭhaṁ dukkhaṭṭhaṁ anattaṭṭhaṁ [1]- sabbaṁ
jānātīti sabbaññutañāṇaṁ tattha āvaraṇaṁ natthīti anāvaraṇaṁ
ñāṇaṁ yāvatā rūpassa aniccaṭṭhaṁ dukkhaṭṭhaṁ anattaṭṭhaṁ sabbaṁ
jānātīti sabbaññutañāṇaṁ tattha āvaraṇaṁ natthīti anāvaraṇaṁ
ñāṇaṁ yāvatā vedanāya yāvatā saññāya yāvatā saṅkhārānaṁ
yāvatā viññāṇassa yāvatā cakkhussa .pe. Jarāmaraṇassa
aniccaṭṭhaṁ dukkhaṭṭhaṁ anattaṭṭhaṁ sabbaṁ jānātīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ.

[288] Yāvatā abhiññāya abhiññaṭṭhaṁ sabbaṁ jānātīti
sabbaññutañāṇaṁ tattha āvaraṇaṁ natthīti anāvaraṇaṁ ñāṇaṁ
yāvatā pariññāya pariññaṭṭhaṁ yāvatā pahānāya 2 pahānaṭṭhaṁ
yāvatā bhāvanāya bhāvanaṭṭhaṁ yāvatā sacchikiriyāya sacchikiriyaṭṭhaṁ
sabbaṁ jānātīti sabbaññutañāṇaṁ tattha āvaraṇaṁ natthīti
anāvaraṇaṁ ñāṇaṁ yāvatā khandhānaṁ khandhaṭṭhaṁ sabbaṁ jānātīti
sabbaññutañāṇaṁ tattha āvaraṇaṁ natthīti anāvaraṇaṁ ñāṇaṁ
yāvatā dhātūnaṁ dhātaṭṭhaṁ yāvatā āyatanānaṁ āyatanaṭṭhaṁ yāvatā
saṅkhatānaṁ saṅkhataṭṭhaṁ yāvatā asaṅkhatassa asaṅkhataṭṭhaṁ sabbaṁ jānātīti
sabbaññutañāṇaṁ tattha āvaraṇaṁ natthīti anāvaraṇaṁ ñāṇaṁ.
1 Ma. Yu. taṁ. evamuparipi. 2 Ma. Yu. pahānassa.

[289] Yāvatā kusale dhamme sabbaṁ jānātīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ yāvatā akusale
dhamme yāvatā abyākate dhamme yāvatā kāmāvacare dhamme
yāvatā rūpāvacare dhamme yāvatā arūpāvacare dhamme yāvatā
apariyāpanne dhamme sabbaṁ jānātīti sabbaññutañāṇaṁ tattha
āvaraṇaṁ natthīti anāvaraṇaṁ ñāṇaṁ yāvatā dukkhassa dukkhaṭṭhaṁ
sabbaṁ jānātīti sabbaññutañāṇaṁ tattha āvaraṇaṁ natthīti anāvaraṇaṁ
ñāṇaṁ yāvatā samudayassa samudayaṭṭhaṁ yāvatā nirodhassa nirodhaṭṭhaṁ
yāvatā maggassa maggaṭṭhaṁ sabbaṁ jānātīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ.

[290] Yāvatā atthapaṭisambhidāya atthapaṭisambhidaṭṭhaṁ sabbaṁ
jānātīti sabbaññutañāṇaṁ tattha .pe. Yāvatā dhammapaṭisambhidāya
dhammapaṭisambhidaṭṭhaṁ yāvatā niruttipaṭisambhidāya niruttipaṭisambhidaṭṭhaṁ
yāvatā paṭibhāṇapaṭisambhidāya paṭibhāṇapaṭisambhidaṭṭhaṁ sabbaṁ jānātīti
sabbaññutañāṇaṁ tattha āvaraṇaṁ natthīti anāvaraṇaṁ ñāṇaṁ
yāvatā indriyaparopariyatte ñāṇaṁ sabbaṁ jānātīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ yāvatā sattānaṁ
āsayānusaye ñāṇaṁ yāvatā yamakapāṭihire ñāṇaṁ yāvatā
mahākaruṇāsamāpattiyā ñāṇaṁ sabbaṁ jānātīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ.

[291] Yāvatā sadevakassa lokassa samārakassa sabrahmakassa
sassamaṇabrāhmaṇiyā pajāya sadevamanussāya diṭṭhaṁ sutaṁ mutaṁ
viññātaṁ pattaṁ pariyesitaṁ anuvicaritaṁ manasā sabbaṁ jānātīti
sabbaññutañāṇaṁ tattha āvaraṇaṁ natthīti anāvaraṇaṁ ñāṇaṁ.
Na tassa adiṭṭhamidhatthi kiñci atho aviññātamajānitabbaṁ
sabbaṁ abhiññāsi yadatthi neyyaṁ 1 tathāgato tena ( samayena 2 )
samantacakkhūti.

[292] Samantacakkhūti kenatthena samantacakkhu. Cuddasa
buddhañāṇāni dukkhe ñāṇaṁ buddhañāṇaṁ dukkhasamudaye ñāṇaṁ
buddhañāṇaṁ dukkhanirodhe ñāṇaṁ buddhañāṇaṁ dukkhanirodhagāminiyā
paṭipadāya ñāṇaṁ buddhañāṇaṁ atthapaṭisambhide ñāṇaṁ buddhañāṇaṁ
dhammapaṭisambhide ñāṇaṁ buddhañāṇaṁ niruttipaṭisambhide ñāṇaṁ
buddhañāṇaṁ paṭibhāṇapaṭisambhide ñāṇaṁ buddhañāṇaṁ indriyaparopariyatte
ñāṇaṁ buddhañāṇaṁ sattānaṁ āsayānusaye ñāṇaṁ
buddhañāṇaṁ yamakapāṭihire ñāṇaṁ buddhañāṇaṁ mahākaruṇāsamāpattiyā
ñāṇaṁ buddhañāṇaṁ sabbaññutañāṇaṁ buddhañāṇaṁ anāvaraṇañāṇaṁ
buddhañāṇaṁ imāni cuddasa buddhañāṇāni imesaṁ
cuddasannaṁ buddhañāṇānaṁ ādito aṭṭha ñāṇāni sāvakasādhāraṇāni
cha ñāṇāni asādhāraṇāni sāvakehi.
1 ñeyyantipi pāṭho. 2 Sī. ayaṁ na disasati.

[293] Yāvatā dukkhassa dukkhaṭṭho sabbo ñāto
aññāto dukkhaṭṭho natthīti sabbaññutañāṇaṁ tattha āvaraṇaṁ
natthīti anāvaraṇaṁ ñāṇaṁ yāvatā dukkhassa dukkhaṭṭho [1]- sabbo
diṭṭho sabbo vidito sabbo sacchikato sabbo phassito 2 paññāya
aphassito paññāya dukkhaṭṭho natthīti sabbaññutañāṇaṁ tattha
āvaraṇaṁ natthīti anāvaraṇaṁ ñāṇaṁ yāvatā samudayassa samudayaṭṭho
yāvatā nirodhassa nirodhaṭṭho yāvatā maggassa maggaṭṭho
yāvatā atthapaṭisambhidāya atthapaṭisambhidaṭṭho yāvatā dhammapaṭisambhidāya
dhammapaṭisambhidaṭṭho yāvatā niruttipaṭisambhidāya
niruttipaṭisambhidaṭṭho yāvatā paṭibhāṇapaṭisambhidāya paṭibhāṇapaṭisambhidaṭṭho
sabbo ñāto sabbo diṭṭho sabbo vidito sabbo
sacchikato sabbo phassito paññāya aphassito paññāya paṭibhāṇapaṭisambhidaṭṭho
natthīti sabbaññutañāṇaṁ tattha āvaraṇaṁ natthīti
anāvaraṇaṁ ñāṇaṁ yāvatā indriyaparopariyatte ñāṇaṁ yāvatā
sattānaṁ āsayānusaye ñāṇaṁ yāvatā yamakapāṭihire ñāṇaṁ
yāvatā mahākaruṇāsamāpattiyā ñāṇaṁ sabbaṁ ñātaṁ sabbaṁ diṭṭhaṁ
sabbaṁ viditaṁ sabbaṁ sacchikataṁ sabbaṁ phassitaṁ 2 paññāya aphassitaṁ
paññāya mahākaruṇāsamāpattiyā ñāṇaṁ natthīti sabbaññutañāṇaṁ
tattha āvaraṇaṁ natthīti anāvaraṇaṁ ñāṇaṁ yāvatā sadevakassa
lokassa samārakassa sabrahmakassa sassamaṇabrāhmaṇiyā pajāya
1 Ma. Yu. sabbo ñāto. 2 Po. sabbattha phussito phussitaṁ.
Sadevamanussāya diṭṭhaṁ sutaṁ mutaṁ viññātaṁ pattaṁ pariyesitaṁ
anuvicaritaṁ manasā sabbaṁ ñātaṁ sabbaṁ diṭṭhaṁ sabbaṁ viditaṁ sabbaṁ
sacchikataṁ sabbaṁ phassitaṁ paññāya aphassitaṁ paññāya natthīti
sabbaññutañāṇaṁ tattha āvaraṇaṁ natthīti anāvaraṇaṁ ñāṇaṁ.
Na tassa adiṭṭhamidhatthi kiñci atho aviññātamajānitabbaṁ
sabbaṁ abhiññāsi yadatthi neyyaṁ 1 tathāgato tena ( samayena 2 )
samantacakkhūti.
Ñāṇakathā niṭṭhitā.
--------
Mahāvagge diṭṭhikathā
--------

[294] Kati diṭṭhiṭṭhānāni kati diṭṭhipariyuṭṭhānāni kati
diṭṭhiyo kati diṭṭhābhinivesā katamo diṭṭhiṭṭhānasamugghāto 3 kati
abhinivesaparāmāso diṭṭhi.
Kati diṭṭhiṭṭhānānīti aṭṭha diṭṭhiṭṭhānāni. Kati diṭṭhipariyuṭṭhānānīti
aṭṭhārasa diṭṭhipariyuṭṭhānāni. Kati diṭṭhiyoti soḷasa
diṭṭhiyo. Kati diṭṭhābhinivesāti tiṁsasataṁ diṭṭhābhinivesā.
Katamo diṭṭhiṭṭhānasamugghātoti sotāpattimaggo diṭṭhiṭṭhānasamugghāto.
1-2 heṭṭhāvuttena veditabbaṁ. 3 Ma. Yu. ... samugghātoti kā diṭṭhīti
abhinivesa ....

[295] Kati 1 abhinivesaparāmāso diṭṭhīti 2 rūpaṁ etaṁ mama
esohamasmi eso me attāti abhinivesaparāmāso diṭṭhi vedanaṁ
etaṁ mama .pe. Saññaṁ etaṁ mama saṅkhāre etaṁ mama
viññāṇaṁ etaṁ mama esohamasmi eso me attāti abhinivesaparāmāso
diṭṭhi. Cakkhuṁ etaṁ mama sotaṁ etaṁ mama ghānaṁ
etaṁ mama jivhaṁ etaṁ mama kāyaṁ etaṁ mama manaṁ etaṁ mama
esohamasmi eso me attāti abhinivesaparāmāso diṭṭhi. Rūpaṁ 3
etaṁ mama saddaṁ etaṁ mama gandhaṁ etaṁ mama rasaṁ etaṁ mama
phoṭṭhabbaṁ etaṁ mama dhammaṁ etaṁ mama esohamasmi eso me
attāti abhinivesaparāmāso diṭṭhi.