[296] Cakkhuviññāṇaṁ etaṁ mama sotaviññāṇaṁ etaṁ mama
ghānaviññāṇaṁ etaṁ mama jivhāviññāṇaṁ etaṁ mama kāyaviññāṇaṁ
etaṁ mama manoviññāṇaṁ etaṁ mama esohamasmi eso me
attāti abhinivesaparāmāso diṭṭhi. Cakkhusamphassaṁ etaṁ mama
sotasamphassaṁ etaṁ mama ghānasamphassaṁ etaṁ mama jivhāsamphassaṁ
etaṁ mama kāyasamphassaṁ etaṁ mama manosamphassaṁ etaṁ
mama esohamasmi eso me attāti abhinivesaparāmāso
diṭṭhi. Cakkhusamphassajaṁ vedanaṁ sotasamphassajaṁ vedanaṁ ghānasamphassajaṁ
vedanaṁ jivhāsamphassajaṁ vedanaṁ kāyasamphassajaṁ vedanaṁ manosamphassajaṁ
1 Ma. Yu. kathaṁ. 2 Ma. Yu. itisaddo natthi. 3 Ma. rūpe.
Vedanaṁ etaṁ mama esohamasmi eso me attāti
abhinivesaparāmāso diṭṭhi.

[297] Rūpasaññaṁ etaṁ mama saddasaññaṁ gandhasaññaṁ rasasaññaṁ
phoṭṭhabbasaññaṁ etaṁ mama esohamasmi eso me attāti
abhinivesaparāmāso diṭṭhi. Rūpasañcetanaṁ etaṁ mama saddasañcetanaṁ
gandhasañcetanaṁ rasasañcetanaṁ phoṭṭhabbasañcetanaṁ dhammasañcetanaṁ
etaṁ mama esohamasmi eso me attāti abhinivesaparāmāso
diṭṭhi. Rūpataṇhaṁ etaṁ mama saddataṇhaṁ etaṁ mama
gandhataṇhaṁ rasataṇhaṁ phoṭṭhabbataṇhaṁ etaṁ mama esohamasmi eso
me attāti abhinivesaparāmāso diṭṭhi. Rūpavitakkaṁ etaṁ mama
saddavitakkaṁ gandhavitakkaṁ rasavitakkaṁ phoṭṭhabbavitakkaṁ dhammavitakkaṁ
etaṁ mama esohamasmi eso me attāti abhinivesaparāmāso
diṭṭhi. Rūpavicāraṁ etaṁ mama saddavicāraṁ etaṁ mama gandhavicāraṁ
etaṁ mama rasavicāraṁ etaṁ mama phoṭṭhabbavicāraṁ etaṁ mama dhammavicāraṁ
etaṁ mama esohamasmi eso me attāti abhinivesaparāmāso diṭṭhi.

[298] Paṭhavīdhātuṁ etaṁ mama āpodhātuṁ etaṁ mama tejodhātuṁ
etaṁ mama vāyodhātuṁ etaṁ mama ākāsadhātuṁ etaṁ mama
viññāṇadhātuṁ etaṁ mama esohamasmi eso me attāti
abhinivesaparāmāso diṭṭhi. Paṭhavīkasiṇaṁ āpokasiṇaṁ tejokasiṇaṁ
Vāyokasiṇaṁ nīlakasiṇaṁ pītakasiṇaṁ lohitakasiṇaṁ odātakasiṇaṁ ākāsakasiṇaṁ
viññāṇakasiṇaṁ etaṁ mama esohamasmi eso me attāti
abhinivesaparāmāso diṭṭhi.

[299] Kesaṁ etaṁ mama lomaṁ etaṁ mama nakhaṁ etaṁ mama
dantaṁ etaṁ mama tacaṁ etaṁ mama maṁsaṁ etaṁ mama nahāruṁ etaṁ
mama aṭṭhiṁ etaṁ mama aṭṭhimiñjaṁ etaṁ mama vakkaṁ etaṁ mama
hadayaṁ etaṁ mama yakanaṁ etaṁ mama kilomakaṁ etaṁ mama pihakaṁ
etaṁ .pe. Kheḷaṁ etaṁ mama siṁghāṇikaṁ etaṁ mama lasikaṁ
etaṁ mama muttaṁ etaṁ mama matthaluṅgaṁ etaṁ mama esohamasmi
eso me attāti abhinivesaparāmāso diṭṭhi.

[300] Cakkhāyatanaṁ etaṁ mama rūpāyatanaṁ etaṁ mama sotāyatanaṁ
etaṁ mama saddāyatanaṁ etaṁ mama ghānāyatanaṁ etaṁ mama
gandhāyatanaṁ etaṁ mama jivhāyatanaṁ rasāyatanaṁ kāyāyatanaṁ
phoṭṭhabbāyatanaṁ manāyatanaṁ dhammāyatanaṁ etaṁ mama cakkhudhātuṁ etaṁ
mama rūpadhātuṁ etaṁ mama cakkhuviññāṇadhātuṁ etaṁ mama
sotadhātuṁ etaṁ mama saddadhātuṁ etaṁ mama sotaviññāṇadhātuṁ
etaṁ mama ghānadhātuṁ gandhadhātuṁ ghānaviññāṇadhātuṁ jivhādhātuṁ
rasadhātuṁ jivhāviññāṇadhātuṁ kāyadhātuṁ phoṭṭhabbadhātuṁ kāyaviññāṇadhātuṁ
manodhātuṁ etaṁ mama dhammadhātuṁ etaṁ mama
manoviññāṇadhātuṁ etaṁ mama esohamasmi eso me attāti
Abhinivesaparāmāso diṭṭhi.

[301] Cakkhundriyaṁ etaṁ mama sotindriyaṁ etaṁ mama ghānindriyaṁ
etaṁ mama jivhindriyaṁ kāyindriyaṁ jīvitindriyaṁ somanassindriyaṁ
domanassindriyaṁ upekkhindriyaṁ saddhindriyaṁ viriyindriyaṁ satindriyaṁ
samādhindriyaṁ paññindriyaṁ etaṁ mama esohamasmi eso me
attāti abhinivesaparāmāso diṭṭhi.

[302] Kāmadhātuṁ etaṁ mama rūpadhātuṁ etaṁ mama arūpadhātuṁ
etaṁ mama kāmabhavaṁ etaṁ mama rūpabhavaṁ etaṁ mama saññābhavaṁ
etaṁ mama asaññābhavaṁ etaṁ mama nevasaññānāsaññābhavaṁ
etaṁ mama ekavokārabhavaṁ etaṁ mama catuvokārabhavaṁ etaṁ
mama pañcavokārabhavaṁ etaṁ mama paṭhamajjhānaṁ etaṁ mama dutiyajjhānaṁ
etaṁ mama tatiyajjhānaṁ etaṁ mama catutthajjhānaṁ etaṁ
mama mettācetovimuttiṁ etaṁ mama karuṇācetovimuttiṁ etaṁ mama
muditācetovimuttiṁ etaṁ mama upekkhācetovimuttiṁ etaṁ mama
ākāsānañcāyatanasamāpattiṁ viññāṇañcāyatanasamāpattiṁ ākiñcaññāyatanasamāpattiṁ
nevasaññānāsaññāyatanasamāpattiṁ etaṁ mama
esohamasmi eso me attāti abhinivesaparāmāso diṭṭhi.

[303] Avijjaṁ etaṁ mama saṅkhāre etaṁ mama viññāṇaṁ
etaṁ mama nāmarūpaṁ etaṁ mama saḷāyatanaṁ etaṁ mama phassaṁ etaṁ mama
vedanaṁ etaṁ mama taṇhaṁ etaṁ mama upādānaṁ etaṁ mama bhavaṁ etaṁ
Mama jātiṁ etaṁ mama jarāmaraṇaṁ etaṁ mama esohamasmi
eso me attāti abhinivesaparāmāso diṭṭhi evaṁ abhinivesaparāmāso
diṭṭhi.

[304] Katamāni aṭṭha diṭṭhiṭṭhānāni. Khandhāpi diṭṭhiṭṭhānaṁ
avijjāpi diṭṭhiṭṭhānaṁ phassopi diṭṭhiṭṭhānaṁ saññāpi diṭṭhiṭṭhānaṁ
vitakkāpi 1 diṭṭhiṭṭhānaṁ ayonisomanasikāropi diṭṭhiṭṭhānaṁ
pāpamittopi diṭṭhiṭṭhānaṁ paratoghosopi diṭṭhiṭṭhānaṁ.
Khandhā hetu khandhā paccayo diṭṭhiṭṭhānaṁ upādāya samuṭṭhānaṭṭhena
evaṁ khandhāpi diṭṭhiṭṭhānaṁ avijjā hetu avijjā
paccayo diṭṭhiṭṭhānaṁ upādāya samuṭṭhānaṭṭhena evaṁ avijjāpi
diṭṭhiṭṭhānaṁ phasso hetu phasso paccayo diṭṭhiṭṭhānaṁ upādāya
samuṭṭhānaṭṭhena evaṁ phassopi diṭṭhiṭṭhānaṁ saññā hetu
saññā paccayo diṭṭhiṭṭhānaṁ upādāya samuṭṭhānaṭṭhena evaṁ
saññāpi diṭṭhiṭṭhānaṁ vitakkā 2 hetu vitakkā paccayo diṭṭhiṭṭhānaṁ
upādāya samuṭṭhānaṭṭhena evaṁ vitakkāpi diṭṭhiṭṭhānaṁ ayonisomanasikāro
hetu ayonisomanasikāro paccayo diṭṭhiṭṭhānaṁ
upādāya samuṭṭhānaṭṭhena evaṁ ayonisomanasikāropi diṭṭhiṭṭhānaṁ
pāpamitto hetu pāpamitto paccayo diṭṭhiṭṭhānaṁ upādāya
samuṭṭhānaṭṭhena evaṁ pāpamittopi diṭṭhiṭṭhānaṁ paratoghoso hetu
paratoghoso paccayo diṭṭhiṭṭhānaṁ upādāya samuṭṭhānaṭṭhena evaṁ
1 Ma. Yu. vitakkopi. 2 Ma. Yu. vitakko. evamuparipi.
Paratoghosopi diṭṭhiṭṭhānaṁ imāni aṭṭha diṭṭhiṭṭhānāni.

[305] Katamāni aṭṭhārasa diṭṭhipariyuṭṭhānāni. Yā diṭṭhi
diṭṭhigataṁ diṭṭhigahanaṁ diṭṭhikantāraṁ diṭṭhivisūkaṁ diṭṭhivipannataṁ 1
diṭṭhisaññojanaṁ diṭṭhisallaṁ diṭṭhisambhavo 2 diṭṭhipalibodho diṭṭhibandhanaṁ
diṭṭhipapāto diṭṭhānusayo diṭṭhisantāpo diṭṭhipariḷāho diṭṭhigaṇṭho
diṭṭhupādānaṁ diṭṭhābhiniveso diṭṭhiparāmāso imāni
aṭṭhārasa diṭṭhipariyuṭṭhānāni.