[798] Ādīnavaṁ sammasitā bhavesūti sabbe saṅkhārā aniccāti
ādīnavaṁ sammasitā bhavesu sabbe saṅkhārā dukkhāti sabbe dhammā
anattāti .pe. Yaṅkiñci samudayadhammaṁ sabbantaṁ nirodhadhammanti
ādīnavaṁ sammasitā bhavesūti ādīnavaṁ sammasitā bhavesu.
Eko care khaggavisāṇakappo. Tenāha so paccekasambuddho
paṭisallānaṁ jhānamariñcamāno
dhammesu niccaṁ anudhammacārī
ādīnavaṁ sammasitā bhavesu
eko care khaggavisāṇakappoti.

[799] Taṇhakkhayaṁ patthayaṁ appamatto
anelamūgo 2 sutavā satimā 3
saṅkhātadhammo niyato padhānavā
eko care khaggavisāṇakappo.

[800] Taṇhakkhayaṁ patthayaṁ appamattoti taṇhāti rūpataṇhā
saddataṇhā gandhataṇhā rasataṇhā phoṭṭhabbataṇhā dhammataṇhā.
1 Ma. ime dve pāṭhā natthi. 2 Ma. aneḷamūgo. evamuparipi. 3 Ma. satīmā.
evamuparipi.
Taṇhakkhayaṁ patthayanti rāgakkhayaṁ dosakkhayaṁ mohakkhayaṁ gatikkhayaṁ
upapattikkhayaṁ paṭisandhikkhayaṁ bhavakkhayaṁ saṁsārakkhayaṁ vaṭṭakkhayaṁ icchanto
patthayanto [1]- abhijappantoti taṇhakkhayaṁ patthayaṁ. Appamattoti
so paccekasambuddho sakkaccakārī sātaccakārī .pe. Appamatto
kusalesu dhammesūti taṇhakkhayaṁ patthayaṁ appamatto.

[801] Anelamūgo sutavā satimāti anelamūgoti so paccekasambuddho
paṇḍito paññavā buddhimā ñāṇī vibhāvī medhāvīti
anelamūgo. Sutavāti so paccekasambuddho bahussuto hoti sutadharo
sutasannicayo ye te dhammā ādikalyāṇā majjhekalyāṇā
pariyosānakalyāṇā sātthā sabyañjanā kevalaparipuṇṇaṁ parisuddhaṁ
brahmacariyaṁ abhivadanti tathārūpāssa dhammā bahussutā honti
dhatā vacasā paricitā manasānupekkhitā diṭṭhiyā supaṭividdhāti
sutavā. Satimāti so paccekasambuddho satimā hoti paramena
satinepakkena samannāgato cirakatampi cirabhāsitampi saritāti
anelamūgo sutavā satimā.

[802] Saṅkhātadhammo niyato padhānavāti saṅkhātadhammo
vuccati ñāṇaṁ yā paññā pajānanā .pe. Amoho dhammavicayo
sammādiṭṭhi. Saṅkhātadhammoti so paccekasambuddho saṅkhātadhammo
ñātadhammo tulitadhammo tīritadhammo vibhūtadhammo vibhāvitadhammo
sabbe saṅkhārā aniccāti .pe. Yaṅkiñci samudayadhammaṁ
1 Ma. sādiyanto pihayanto.
Sabbantaṁ nirodhadhammanti saṅkhātadhammo ñātadhammo tulitadhammo
tīritadhammo vibhūtadhammo vibhāvitadhammo. Athavā tassa paccekasambuddhassa
[1]- Khandhā saṅkhātā 2 dhātuyo saṅkhātā āyatanāni saṅkhātāni
gatiyo saṅkhātā upapattiyo saṅkhātā paṭisandhiyo saṅkhātā bhavā
saṅkhātā saṁsārā saṅkhātā vaṭṭā saṅkhātā. Athavā [3]- paccekasambuddho
khandhapariyante ṭhito dhātupariyante ṭhito āyatanapariyante
ṭhito gatipariyante ṭhito upapattipariyante ṭhito paṭisandhipariyante
ṭhito bhavapariyante ṭhito saṁsārapariyante ṭhito vaṭṭapariyante ṭhito
saṅkhārapariyante ṭhito antimabhave ṭhito [4]- antimadehadharo
paccekasambuddho.
Yassāyaṁ 5 pacchimako bhavo carimoyaṁ samussayo
jātijarāmaraṇasaṁsāro 6 natthi tassa punabbhavoti
[7]- Saṅkhātadhammo. Niyatoti niyāmā vuccanti cattāro ariyamaggā.
Catūhi ariyamaggehi samannāgatoti niyato ariyamaggehi niyāmaṁ patto
sampatto [8]- phusito sacchikatoti niyato. Padhānavāti padhānaṁ
vuccati viriyaṁ yo cetaso viriyārambho nikkamo parakkamo [9]- ussāho
ussoḷhī thāmo dhiti asithilaparakkamo anikkhittacchandatā
anikkhittadhuratā dhurasampaggāho viriyaṁ viriyindriyaṁ viriyabalaṁ
sammāvāyāmo. So paccekasambuddho iminā padhānena upeto
samupeto upāgato samupāgato upapanno samupapanno samannāgato
1 Ma. ca.. 2 Ma. saṅkhittā. evamīdisesu padesu. 3 Ma. so. 4 Ma. antimasamussaye
ṭhito. 5 Ma. tassāyaṁ. 6 Ma. jātimaraṇasaṁsāro. 7 Ma. taṁkāraṇā paccekasambuddho.
8 Ma. adhigato. 9 Ma. uyyāmo vāyāmo.
Tasmā so paccekasambuddho padhānavāti saṅkhātadhammo niyato
padhānavā. Eko care khaggavisāṇakappo. Tenāha so paccekasambuddho
taṇhakkhayaṁ patthayaṁ appamatto
anelamūgo sutavā satimā
saṅkhātadhammo niyato padhānavā
eko care khaggavisāṇakappoti.

[803] Sīhova saddesu asantasanto
vātova jālamhi asajjamāno
padumaṁva toyena alimpamāno
eko care khaggavisāṇakappo.

[804] Sīhova saddesu asantasantoti yathā sīho migarājā
saddesu asantāsī aparisantāsī anutrāsī anubbiggo anussukī 1
anutrāso abhiru acchambhī anutrāsī apalāyī paccekasambuddhopi
saddesu asantāsī aparisantāsī anutrāsī anubbiggo anussukī
anutrāso abhiru acchambhī anutrāsī apalāyī pahīnabhayabheravo
vigatalomahaṁso viharatīti sīhova saddesu asantasanto.

[805] Vātova jālamhi asajjamānoti vātoti puratthimā
vātā pacchimā vātā uttarā vātā dakkhiṇā vātā sarajā
vātā [2]- sītā vātā uṇhā vātā parittā vātā adhimattā vātā
1 Ma. anussaṅkī. evamuparipi. 2 Ma. arajā vātā.
Kālavātā 1 verambhavātā pakkhivātā supaṇṇavātā tālapaṇṇavātā
vidhūpanavātā. Jālaṁ vuccati suttajālaṁ. Yathā vāto jālamhi
na sajjati na gayhati 2 na bajjhati na palibajjhati evameva dve
jālā taṇhājālañca diṭṭhijālañca .pe. Idaṁ taṇhājālaṁ
.pe. Idaṁ diṭṭhijālaṁ tassa paccekasambuddhassa taṇhājālaṁ
pahīnaṁ diṭṭhijālaṁ paṭinissaṭṭhaṁ taṇhājālassa pahīnattā diṭṭhijālassa
paṭinissaṭṭhattā so paccekasambuddho rūpe na sajjati
sadde na sajjati .pe. Diṭṭhasutamutaviññātabbesu dhammesu na
sajjati na gayhati na bajjhati na palibajjhati nikkhanto nissaṭṭho
vippamutto visaṁyutto vimariyādikatena cetasā viharatīti vātova
jālamhi asajjamāno.

[806] Padumaṁva toyena alimpamānoti padumaṁ vuccati
padumapupphaṁ. Toyaṁ vuccati udakaṁ. Yathā padumapupphaṁ toyena na
limpiyati 3 [4]- alittaṁ [5]- anupalittaṁ evameva dve lepā taṇhālepo
ca diṭṭhilepo ca .pe. Ayaṁ taṇhālepo .pe. Ayaṁ diṭṭhilepo
tassa paccekasambuddhassa taṇhālepo pahīno diṭṭhilepo
paṭinissaṭṭho taṇhālepassa pahīnattā diṭṭhilepassa paṭinissaṭṭhattā
so paccekasambuddho rūpe na limpati sadde na limpati .pe.
Diṭṭhasutamutaviññātabbesu dhammesu na limpati [6]- nupalimpati alitto [7]-
anupalitto nikkhanto nissaṭṭho vippamutto visaṁyutto vimariyādikatena
1 Ma. ayaṁ pāṭho natthi. 2 Ma. taṇhāti. evamīdisesu ṭhānesu. 3 Ma. limpati.
4 Ma. na palimpati na upalimpati. 5 Ma. apalittaṁ. 6 Ma. na palimpati.
7 Ma. apalitto.
Cetasā viharatīti padumaṁva toyena alimpamāno. Eko
care khaggavisāṇakappo. Tenāha so paccekasambuddho
sīhova saddesu asantasanto
vātova jālamhi asajjamāno
padumaṁva toyena alimpamāno
eko care khaggavisāṇakappoti.

[807] Sīho yathā dāṭhabalī pasayha
rājā migānaṁ abhibhuyyacārī
sevetha pantāni senāsanāni
eko care khaggavisāṇakappo.