[778] Sañchinnapatto yathā pārichattoti yathā [3]- pārichattako
koviḷāro bahalapattapalāso saṇḍacchāyo 4 evameva so paccekasambuddho
paripuṇṇapattacīvaradharoti sañchinnapatto yathā pārichatto.

[779] Kāsāyavattho abhinikkhamitvāti so paccekasambuddho
sabbaṁ gharāvāsapalibodhaṁ chinditvā puttadārapalibodhaṁ chinditvā ñātipalibodhaṁ
1 Ma. pārichattako. evamuparipi. 2 Ma. nikkhipitvā. 3 Ma. so. 4 Ma. sandacchāyo.
Chinditvā [1]- sannidhipalibodhaṁ chinditvā kesamassuṁ ohārayitvā 2
kāsāyāni vatthāni acchādetvā agārasmā anagāriyaṁ pabbajitvā
akiñcanabhāvaṁ upagantvā eko carati vicarati iriyati vatteti pāleti
yapeti yāpetīti kāsāyavattho abhinikkhamitvā. Eko care
khaggavisāṇakappo. Tenāha so paccekasambuddho
ohārayitvā gihibyañjanāni
sañchinnapatto yathā pārichatto
kāsāyavattho abhinikkhamitvā
eko care khaggavisāṇakappoti.

[780] Rasesu gedhaṁ akaraṁ alolo
anaññaposī sapadānacārī
kule kule appaṭibaddhacitto
eko care khaggavisāṇakappo.

[781] Rasesu gedhaṁ akaraṁ aloloti rasesūti mūlaraso
khandharaso tacaraso pattaraso puppharaso phalaraso ambilaṁ madhuraṁ tittikaṁ
kaṭukaṁ loṇikaṁ khārikaṁ lambilaṁ 3 kasāvo sāduṁ asāduṁ 4 sītaṁ uṇhaṁ.
Santi loke 5 samaṇabrāhmaṇā rasagiddhā te jivhaggena rase 6
pariyesantā āhiṇḍanti. Ambilaṁ labhitvā anambilaṁ pariyesanti
anambilaṁ labhitvā ambilaṁ pariyesanti. Madhuraṁ labhitvā amadhuraṁ
pariyesanti amadhuraṁ labhitvā madhuraṁ pariyesanti. Tittikaṁ labhitvā
1 Ma. mittāmaccapalibodhaṁ chinditvā. 2 Ma. ohāretvā. 3 Ma. lambikaṁ.
4 Ma. sādu asādu. 5 Ma. santeke. 6 Ma. rasaggāni.
Atittikaṁ pariyesanti atittikaṁ labhitvā tittikaṁ pariyesanti.
Kaṭukaṁ labhitvā akaṭukaṁ pariyesanti akaṭukaṁ labhitvā kaṭukaṁ pariyesanti.
Loṇikaṁ labhitvā aloṇikaṁ pariyesanti aloṇikaṁ labhitvā
loṇikaṁ pariyesanti. Khārikaṁ labhitvā akhārikaṁ pariyesanti akhārikaṁ
labhitvā khārikaṁ pariyesanti. Lambilaṁ 1 labhitvā kasāvaṁ 2 pariyesanti
kasāvaṁ 2 labhitvā lambilaṁ 3 pariyesanti. [4]- Sāduṁ labhitvā asāduṁ
pariyesanti asāduṁ labhitvā sāduṁ pariyesanti. Sītaṁ labhitvā uṇhaṁ
pariyesanti uṇhaṁ labhitvā sītaṁ pariyesanti. Te yaṁ yaṁ labhanti
tena tena na tussanti aparāparaṁ pariyesanti [5]- rasesu ratā giddhā
gadhitā mucchitā pajjhāyantā 6 laggā laggitā palibuddhā. Sā
rasataṇhā tassa paccekasambuddhassa pahīnā ucchinnamūlā tālāvatthukatā
anabhāvaṅgatā āyatiṁanuppādadhammā tasmā so paccekasambuddho
paṭisaṅkhā yoniso āhāraṁ āhāreti neva davāya na
madāya na maṇḍanāya na vibhūsanāya yāvadeva imassa kāyassa
ṭhitiyā yāpanāya vihiṁsuparatiyā 7 brahmacariyānuggahāya iti purāṇañca
vedanaṁ paṭihaṅkhāmi navañca vedanaṁ na uppādessāmi yātrā
ca me bhavissati anavajjatā ca phāsuvihāro cāti. Yathā vaṇaṁ
ālimpeyya yāvadeva ropanatthāya 8 yathā vā sattho 9 akkhaṁ
abbhañjeyya yāvadeva bhārassa nittharaṇatthāya yathā vā 10 puttamaṁsaṁ
[11]- Āhareyya yāvadeva kantārassa nitthaṇotthāya evameva so
1 Ma. kasāvaṁ. 2 Ma. akasāvaṁ. 3 Ma. kasāvaṁ. 4 Ma. lambikaṁ labhitvā
alambikaṁ pariyesanti alambikaṁ labhitavā lambikaṁ pariyesanti. 5 Ma. manāpikesu.
6 Ma. ajjhosannā. 7 Ma. vihiṁsūparatiyā. evamuparipi. 8 Ma. āruhaṇatthāya.
9 Ma. ayaṁ pāṭho natthi. 10 Ma. vāsaddo natthi. 11 Ma. āhāraṁ.
Paccekasambuddho paṭisaṅkhā yoniso āhāraṁ āhāreti neva davāya
na madāya na maṇḍanāya na vibhūsanāya yāvadeva imassa kāyassa
ṭhitiyā yāpanāya vihiṁsuparatiyā brahmacariyānuggahāya iti purāṇañca
vedanaṁ paṭihaṅkhāmi navañca vedanaṁ na uppādessāmi yātrā
ca me bhavissati anavajjatā ca phāsuvihāro cāti. Rasataṇhāya
ārato virato paṭivirato nikkhanto nissaṭṭho vippamutto visaṁyutto
vimariyādikatena cetasā viharatīti rasesu gedhaṁ akaraṁ. Aloloti
lolāti vā loluppāti 1 vā vuccati taṇhā yo rāgo
sārāgo .pe. Abhijjhā lobho akusalamūlaṁ. Sā lolā 2 loluppā
taṇhā tassa paccekasambuddhassa pahīnā ucchinnamūlā tālāvatthukatā
anabhāvaṅgatā āyatiṁanuppādadhammā tasmā paccekasambuddho
aloloti rasesu gedhaṁ akaraṁ alolo.

[782] Anaññaposī sapadānacārīti anaññaposīti so paccekasambuddho
attānaññeva poseti na paranti.
Anaññaposimaññātaṁ sāresu supatiṭṭhitaṁ 3
khīṇāsavaṁ vantadosaṁ tamahaṁ brūmi brāhmaṇanti.
Anaññaposī sapadānacārīti so paccekasambuddho pubbaṇhasamayaṁ
nivāsetvā pattacīvaramādāya gāmaṁ vā nigamaṁ vā piṇḍāya pavisati
rakkhiteneva kāyena rakkhitāya vācāya rakkhitena cittena upaṭṭhitāya
satiyā saṁvutehi indriyehi okkhittacakkhu iriyāpathasampanno
1 Ma. loluppaṁ. 2 Ma. ayaṁ pāṭho natthi. 3 Ma. dantaṁ sāre patiṭṭhitaṁ.
Kulā kulaṁ abhikkamanto 1 piṇḍāya caratīti anaññaposī
sapadānacārī.

[783] Kule kule appaṭibaddhacittoti dvīhi kāraṇehi
paṭibaddhacitto hoti attānaṁ vā nīcaṁ ṭhapento paraṁ uccaṁ ṭhapento
paṭibaddhacitto hoti attānaṁ vā uccaṁ ṭhapento paraṁ nīcaṁ
ṭhapento paṭibaddhacitto hoti.
Kathaṁ attānaṁ nīcaṁ ṭhapento paraṁ uccaṁ ṭhapento paṭibaddhacitto
hoti. Tumhe me bahūpakārā ahaṁ tumhe nissāya labhāmi
cīvarapiṇḍapātasenāsanagilānapaccayabhesajjaparikkhāraṁ yampi me aññe
dātuṁ vā kātuṁ vā maññanti tumhe nissāya tumhe sampassantā
yampi me porāṇaṁ mātāpettikaṁ nāmagottaṁ tampi me antarahitaṁ
tumhehi ahaṁ ñāyāmi asukassa kulupako asukāya kulupakoti evaṁ
attānaṁ nīcaṁ ṭhapento paraṁ uccaṁ ṭhapento paṭibaddhacitto hoti.
Kathaṁ attānaṁ uccaṁ ṭhapento paraṁ nīcaṁ ṭhapento paṭibaddhacitto
hoti. Ahaṁ tumhākaṁ bahūpakāro tumhe maṁ āgamma buddhaṁ
saraṇaṁ gatā dhammaṁ saraṇaṁ gatā saṅghaṁ saraṇaṁ gatā pāṇātipātā
paṭiviratā adinnādānā paṭiviratā kāmesu micchācārā paṭiviratā
musāvādā paṭiviratā surāmerayamajjapamādaṭṭhānā paṭiviratā tumhākaṁ [2]-
uddesaṁ demi paripucchaṁ demi uposathaṁ akkhāmi 3 navakammaṁ adhiṭṭhāmi
atha ca pana tumhe maṁ pariccajitvā 4 aññaṁ 5 sakkarotha garukarotha
1 Ma. anatikkamanto. 2 Ma. ahaṁ. 3 Ma. ācikkhāmi. 4 Ma. ujjhitvā.
5 Ma. aññe.
Mānetha pūjethāti evaṁ attānaṁ uccaṁ ṭhapento paraṁ nīcaṁ ṭhapento
paṭibaddhacitto hoti.
Kule kule appaṭibaddhacittoti so paccekasambuddho kulapalibodhena
appaṭibaddhacitto hoti gaṇapalibodhena appaṭibaddhacitto
hoti āvāsapalibodhena appaṭibaddhacitto hoti cīvarapalibodhena
appaṭibaddhacitto hoti piṇḍapātapalibodhena appaṭibaddhacitto hoti
senāsanapalibodhena appaṭibaddhacitto hoti gilānapaccayabhesajja-
parikkhārapalibodhena appaṭibaddhacitto hotīti kule kule
appaṭibaddhacitto. Eko care khaggavisāṇakappo. Tenāha so
paccekasambuddho
rasesu gedhaṁ akaraṁ alolo
anaññaposī sapadānacārī
kule kule appaṭibaddhacitto
eko care khaggavisāṇakappoti.

[784] Pahāya pañcāvaraṇāni cetaso
upakkilese byapanujja sabbe
anissito chetvā snehadosaṁ 1
eko care khaggavisāṇakappo.

[785] Pahāya pañcāvaraṇāni cetasoti so paccekasambuddho
kāmacchandanīvaraṇaṁ pahāya pajahitvā vinodetvā byantīkaritvā
1 Ma. - chetva sinehadosaṁ. evamuparipi.
Anabhāvaṅgametvā byāpādanīvaraṇaṁ thīnamiddhanīvaraṇaṁ uddhaccakukkuccanīvaraṇaṁ
vicikicchānīvaraṇaṁ pahāya pajahitvā vinodetvā
byantīkaritvā anabhāvaṅgametvā vivicceva kāmehi vivicca akusalehi
dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja
viharatīti pahāya pañcāvaraṇāni cetaso.

[786] Upakkilese byapanujja sabbeti rāgo cittassa
upakkileso doso cittassa upakkileso moho cittassa upakkileso
kodho upanāho .pe. Sabbākusalābhisaṅkhārā cittassa upakkilesā.
Upakkilese byapanujja sabbeti cittassa sabbe upakkilese
byapanujja panūditvā 1 pajahitvā vinodetvā byantīkaritvā
anabhāvaṅgametvāti upakkilese byapanujja sabbe.

[787] Anissito chetvā snehadosanti anissitoti dve
nissayā taṇhānissayo ca diṭṭhinissayo ca .pe. Ayaṁ taṇhānissayo
.pe. Ayaṁ diṭṭhinissayo. Snehoti dve snehā
taṇhāsneho ca diṭṭhisneho ca .pe. Ayaṁ taṇhāsneho
.pe. Ayaṁ diṭṭhisneho. Dosoti yo cittassa āghāto paṭighāto
paṭigho 2 paṭivirodho kopo pakopo sampakopo doso padoso
sampadoso cittassa byāpatti manopadoso kodho kujjhanā
kujjhitattaṁ doso dussanā dussitattaṁ byāpatti byāpajjanā
byāpajjitattaṁ virodho paṭivirodho 3 caṇḍikkaṁ assuropo anattamanatā
1 Ma. panuditvā. 2 Ma. paṭighaṁ. 3 Ma. ime dve pāṭhā natthi.
Cittassa. Anissito chetvā snehadosanti so paccekasambuddho
taṇhāsnehañca diṭṭhisnehañca dosañca chetvā ucchetvā 1
samucchetvā pajahitvā vinodetvā byantīkaritvā anabhāvaṅgametvā
cakkhuṁ anissito sotaṁ anissito .pe. Diṭṭhasutamutaviññātabbe
dhamme anissito anallīno anupagato anajjhosito anadhimutto
nikkhanto nissaṭṭho vippamutto visaññutto vimariyādikatena cetasā
viharatīti anissito chetvā snehadosaṁ. Eko care khaggavisāṇakappo.
Tenāha so paccekasambuddho
pahāya pañcāvaraṇāni cetaso
upakkilese byapanujja sabbe
anissito chetvā snehadosaṁ
eko care khaggavisāṇakappoti.