[388] Sutvānahaṁ vīra akāmakāmiṁ (iccāyasmā jatukaṇṇī)
oghātigaṁ puṭṭhumakāmamāgamaṁ
santipadaṁ brūhi sahājanetta 1
yathātacchaṁ bhagavā brūhi me taṁ.

[389] Sutvānahaṁ vīra akāmakāminti sutvā suṇitvā
uggahetvā upadhāretvā upalakkhayitvā itipi so bhagavā arahaṁ .pe.
Buddho bhagavāti sutvānahaṁ. Vīrāti vīro. Bhagavā viriyavāti
vīro. Pahūti vīro. Visavīti vīro. Alamattoti vīro.
Sūro vikkanto abhiru acchambhī anutrāsī apalāyī pahīnabhayabheravo
vigatalomahaṁsoti vīro.
Virato idha sabbāpāpakehi
nirayadukkhamaticca viriyavāso
so viriyavā padhānavā
vīro tādi pavuccate tathattāti.
Sutvānahaṁ vīra. Akāmakāminti kāmāti uddānato dve kāmā
vatthukāmā ca kilesakāmā ca .pe. Ime vuccanti vatthukāmā
.pe. Ime vuccanti kilesakāmā. Buddhassa bhagavato vatthukāmā
pariññātā kilesakāmā pahīnā vatthukāmānaṁ pariññātattā
1 Ma. sahajanetta. evamuparipi.
Kilesakāmānaṁ pahīnattā bhagavā na kāme kāmeti kāmā 1 seṭṭhāti
na kāme pamodati 2 na kāme abhijappati tasmā buddho akāmo
nikkāmo cattakāmo vantakāmo muttakāmo pahīnakāmo paṭinissaṭṭhakāmo
vītarāgo vigatarāgo cattarāgo vantarāgo muttarāgo
pahīnarāgo paṭinissaṭṭharāgo nicchāto nibbuto sītibhūto sukhapaṭisaṁvedī
brahmabhūtena attanā viharatīti sutvānahaṁ vīra akāmakāmiṁ.
Iccāyasmā jatukaṇṇīti iccāti padasandhi .pe. Padānupubbakametaṁ
iccāti. Āyasmāti piyavacanaṁ sagāravasappatissādhivacanametaṁ
āyasmāti. Jatukaṇṇīti tassa brāhmaṇassa gottaṁ .pe.
Vohāroti iccāyasmā jatukaṇṇī.

[390] Oghātigaṁ puṭṭhumakāmamāgamanti oghātiganti
oghātigaṁ oghaṁ atikkantaṁ samatikkantaṁ vītivattanti oghātigaṁ.
Puṭṭhunti puṭṭhuṁ pucchituṁ yācituṁ ajjhesituṁ pasādetuṁ. Akāmamāgamanti
akāmaṁ puṭṭhuṁ nikkāmaṁ cattakāmaṁ vantakāmaṁ muttakāmaṁ
pahīnakāmaṁ paṭinissaṭṭhakāmaṁ vītarāgaṁ [3]- cattarāgaṁ vantarāgaṁ muttarāgaṁ
pahīnarāgaṁ paṭinissaṭṭharāgaṁ āgamhā āgatamhā upāgatamhā
sampattamhā tayā saddhiṁ samāgatamhāti oghātigaṁ puṭṭhumakāmamāgamaṁ.

[391] Santipadaṁ brūhi sahājanettāti santīti ekena
ākārena santipi santipadaṁpi taññeva amataṁ nibbānaṁ yo so sabbasaṅkhārasamatho
sabbūpadhipaṭinissaggo taṇhakkhayo virāgo nirodho
1-2 Ma. ime pāṭhā natthi. etthantare na kāme pattheti na kāme piheti na kāme
abhijappati. ye kāme kāmenti kāme patthenti kāme pihenti kāme abhijappanti.
te kāmakāmino rāgarāgino saññāsaññino. bhagavā na kāme kāmeti na kāme pattheti na
kāme piheti na kāme abhijappati. 3 Ma. vigatarāgaṁ.
Nibbānaṁ. Vuttañhetaṁ bhagavatā santametaṁ padaṁ paṇītametaṁ padaṁ
yadidaṁ sabbasaṅkhārasamatho sabbūpadhipaṭinissaggo taṇhakkhayo virāgo
nirodho nibbānanti. Athāparenākārena ye dhammā santādhigamāya
santiphusanāya sacchikiriyāya 1 saṁvattanti seyyathīdaṁ cattāro satipaṭṭhānā
cattāro sammappadhānā cattāro iddhipādā
pañcindriyāni pañca balāni satta bojjhaṅgā ariyo aṭṭhaṅgiko maggo
ime vuccanti santipadā. Santipadaṁ tāṇapadaṁ leṇapadaṁ saraṇapadaṁ
abhayapadaṁ accutapadaṁ amatapadaṁ nibbānapadaṁ brūhi ācikkhāhi desehi
paññapehi paṭṭhapehi vivarāhi vibhajāhi uttānīkarohi pakāsehi.
Sahājanettāti nettaṁ vuccati sabbaññutañāṇaṁ. Buddhassa bhagavato
nettañca jinabhāvo ca bodhiyā mūle apubbaṁ acarimaṁ ekasmiṁ khaṇe
uppanno tasmā buddho sahājanettoti santipadaṁ brūhi
sahājanetta.

[392] Yathātacchaṁ bhagavā brūhi me tanti yathātacchaṁ vuccati
amataṁ nibbānaṁ yo so sabbasaṅkhārasamatho sabbūpadhipaṭinissaggo
taṇhakkhayo virāgo nirodho nibbānaṁ. Bhagavāti gāravādhivacanametaṁ
.pe. Sacchikā paññatti yadidaṁ bhagavāti. Brūhi me tanti brūhi
ācikkhāhi .pe. Pakāsehīti yathātacchaṁ bhagavā brūhi me taṁ.
Tenāha so brāhmaṇo
sutvānahaṁ vīra akāmakāmiṁ (iccāyasmā jatukaṇṇī)
1 Ma. santisacchikiriyāya.
Oghātigaṁ puṭṭhumakāmamāgamaṁ
santipadaṁ brūhi sahājanetta
yathātacchaṁ bhagavā brūhi me tanti.

[393] Bhagavā hi kāme abhibhuyya iriyati
ādiccova paṭhaviṁ tejī tejasā
parittapaññassa me bhūripañño
ācikkha dhammaṁ yamahaṁ vijaññaṁ
jātijjarāya idha vippahānaṁ.

[394] Bhagavā hi kāme abhibhuyya iriyatīti bhagavāti gāravādhivacanametaṁ
.pe. Sacchikā paññatti yadidaṁ bhagavāti. Kāmeti
uddānato dve kāmā vatthukāmā ca kilesakāmā ca .pe. Ime
vuccanti vatthukāmā .pe. Ime vuccanti kilesakāmā. Bhagavā
vatthukāme parijānitvā kilesakāme pahāya abhibhuyya abhibhavitvā
ajjhottharitvā pariyādayitvā madditvā 1 carati [2]- iriyati vatteti
pāleti yapeti yāpetīti bhagavā hi kāme abhibhuyya iriyati.

[395] Ādiccova paṭhaviṁ tejī tejasāti ādicco vuccati
suriyo 3 . Paṭhavī vuccati jarā 4 . Yathā suriyo tejī tejasā 5 tejena
samannāgato paṭhaviṁ abhibhuyya abhibhavitvā ajjhottharitvā pariyādayitvā
santāpayitvā sabbaṁ ākāsagataṁ [6]- abhivihacca andhakāraṁ vidhamitvā
ālokaṁ dassetvā 7 ākāse antalikkhe gamanapathe 8 gacchati
1 Ma. ayaṁ pāṭho natthi. 2 Ma. viharati. evamuparipi. 3 Ma. sabbattha sūriyo.
4 Ma. jagatī. 5 Ma. ayaṁ pāṭho natthi. 6 Ma. tamagataṁ. 7 Ma. dassayitvā.
8 Ma. gaganapathe.
Evameva bhagavā ñāṇatejī ñāṇatejena samannāgato sabbaṁ abhisaṅkhārasamudayaṁ
.pe. Kilesatamaṁ avijjandhakāraṁ vidhamitvā ñāṇālokaṁ
dassetvā vatthukāme parijānitvā kilesakāme pahāya abhibhuyya
abhibhavitvā ajjhottharitvā pariyādayitvā madditvā carati
iriyati vatteti pāleti yapeti yāpetīti ādiccova paṭhaviṁ tejī
tejasā.

[396] Parittapaññassa me bhūripaññoti ahamasmi parittapañño
omakapañño [1]- jatukapañño 2 tvaṁpi mahāpañño puthupañño
hāsapañño javanapañño tikkhapañño nibbedhikapañño bhūri
vuccati paṭhavī tāya paṭhavīsamāya paññāya vipulāya vitthatāya
samannāgatoti parittapaññassa me bhūripañño.

[397] Ācikkha dhammaṁ yamahaṁ vijaññanti ācikkha dhammanti
ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ
kevalaparipuṇṇaṁ parisuddhaṁ brahmacariyaṁ cattāro satipaṭṭhāne .pe.
Nibbānañca nibbānagāminiñca paṭipadaṁ ācikkhāhi desehi
paññapehi paṭṭhapehi vivarāhi vibhajāhi uttānīkarohi pakāsehīti
ācikkha dhammaṁ. Yamahaṁ vijaññanti yamahaṁ jāneyyaṁ vijāneyyaṁ
paṭivijāneyyaṁ paṭivijjheyyaṁ adhigaccheyyaṁ phuseyyaṁ 3 sacchikareyyanti
ācikkha dhammaṁ yamahaṁ vijaññaṁ.