[268] Atthaṁ paleti na upeti saṅkhanti atthaṁ paletīti
atthaṁ paleti atthaṁ gameti atthaṁ gacchati nirujjhati vūpasamati
paṭippassambhati. Upeti saṅkhanti amukaṁ 2 nāma disaṁ gatoti 3 saṅkhaṁ
na upeti uddesaṁ na upeti gaṇanaṁ na upeti paṇṇattiṁ na
upetīti [4]- atthaṁ paleti na upeti saṅkhaṁ.

[269] Evaṁ muni nāmakāyā vimuttoti evanti opammasampaṭipādanaṁ.
Munīti monaṁ vuccati ñāṇaṁ .pe. Saṅgajālamaticca
so muni. Nāmakāyā vimuttoti so muni pakatiyā pubbe nāmakāyā
vimutto ca rūpakāyā vimutto ca tadaṅgasamatikkamavikkhambhanappahānena 5
pahīno tassa munino bhavantaṁ āgamma cattāro
ariyamaggā paṭiladdhā honti catunnaṁ ariyamaggānaṁ paṭiladdhattā
nāmakāyo ca rūpakāyo ca pariññātā honti nāmakāyassa
ca rūpakāyassa ca pariññātattā nāmakāyā ca rūpakāyā ca mutto
vimutto [6]- accantavimokkhenāti 7 evaṁ muni nāmakāyā vimutto.

[270] Atthaṁ paleti na upeti saṅkhanti atthaṁ paletīti
anupādisesāya nibbānadhātuyā parinibbāyati anupādisesāya nibbānadhātuyā
1 Ma. khittā ... vakkhambhitāti. evamuparipi. 2-3 Ma. ime pāṭhā natthi. 4 Ma.
puratthimaṁ disaṁ gatā pacchimaṁ vā disaṁ gatā uttaraṁ vā disaṁ gatā dakkhiṇaṁ vā disaṁ
gatā uddhaṁ vā gatā adho vā gatā tiriyaṁ vā gatā vidisaṁ vā gatāti so hetu natthi
paccayo natthi kāraṇaṁ natthi yena saṅkhaṁ gaccheyyāti. 5 Ma. tadaṅgaṁ samatikkamā. 6 Ma.
suvimutto. 7 Ma. accantānupādāvimokkhenāti.
Parinibbuto 1 . Na upeti saṅkhanti [2]- saṅkhaṁ na upeti uddesaṁ
na upeti gaṇanaṁ na upeti paṇṇattiṁ na upeti khattiyoti vā
brāhmaṇoti vā vessoti vā suddoti vā gahaṭṭhoti vā
pabbajitoti vā devoti vā manussoti vā rūpīti vā arūpīti vā
saññīti vā asaññīti vā nevasaññīnāsaññīti vā so hetu
natthi paccayo natthi kāraṇaṁ natthi yena saṅkhaṁ gaccheyyāti atthaṁ
paleti na upeti saṅkhaṁ. Tenāha bhagavā
acci yathā vātavegena khittaṁ (upasīvāti bhagavā)
atthaṁ paleti na upeti saṅkhaṁ
evaṁ muni nāmakāyā vimutto
atthaṁ paleti na upeti saṅkhanti.

[271] Atthaṅgato so udavā so natthi
udāhu ve sassatiyā arogo
tamme munī sādhu viyākarohi
tathāhi te vidito esa dhammo.

[272] Atthaṅgato so udavā so natthīti so atthaṅgato
udāhu so 3 natthi so niruddho ucchinno vinaṭṭhoti atthaṅgato
so udavā so natthi.

[273] Udāhu ve sassatiyā arogoti udāhu [4]- dhuvo sassato
avipariṇāmadhammo sassatisamaṁ tattheva tiṭṭheyyāti udāhu ve
1 Ma. ime pāṭhā natthi. 2 Ma. anupādisesāya nibbānadhātuyā parinibbuto.
3 Ma. ayaṁ pāṭho natthi. 4 Ma. nicco.
Sassatiyā arogo.

[274] Tamme munī sādhu viyākarohīti tanti yaṁ pucchāmi
yaṁ yācāmi yaṁ ajjhesāmi yaṁ pasādemi. Munīti monaṁ vuccati
ñāṇaṁ .pe. Saṅgajālamaticca so muni. Sādhu viyākarohīti sādhu
ācikkhāhi desehi paññapehi paṭṭhapehi vivarāhi vibhajāhi uttānīkarohi
pakāsehīti tamme munī sādhu viyākarohi.

[275] Tathāhi te vidito esa dhammoti tathāhi te vidito
ñāto 1 tulito tīrito vibhāvito vibhūto esa dhammoti tathāhi
te vidito esa dhammo. Tenāha so brāhmaṇo
atthaṅgato so udavā so natthi
udāhu ve sassatiyā arogo
tamme munī sādhu viyākarohi
tathāhi te vidito esa dhammoti.

[276] Atthaṅgatassa na pamāṇamatthi (upasīvāti bhagavā)
yena naṁ vajju 2 taṁ tassa natthi
sabbesu dhammesu samūhatesu
samūhatā vādapathāpi sabbe.

[277] Atthaṅgatassa na pamāṇamatthīti atthaṅgatassa anupādisesāya
nibbānadhātuyā parinibbutassa rūpappamāṇaṁ natthi vedanāppamāṇaṁ
natthi saññāppamāṇaṁ natthi saṅkhārappamāṇaṁ natthi
1 Ma. ayaṁ pāṭho natthi. 2 Ma. vajjuṁ. evamuparipi.
Viññāṇappamāṇaṁ natthi [1]- na saṁvijjati na upalabbhati pahīnaṁ samucchinnaṁ
vūpasantaṁ paṭippassaddhaṁ abhabbuppattikaṁ ñāṇagginā daḍḍhanti
atthaṅgatassa na pamāṇamatthi. Upasīvāti bhagavāti upasīvāti
bhagavā taṁ brāhmaṇaṁ nāmena ālapati. Bhagavāti gāravādhivacanametaṁ
.pe. Sacchikā paññatti yadidaṁ bhagavāti upasīvāti
bhagavā.