[218] Nāhaṁ samissāmi pamocanāya
kathaṅkathiṁ dhotaka kañci loke
dhammañca seṭṭhaṁ ājānamāno
evaṁ tuvaṁ oghamimaṁ taresi.

[219] Nāhaṁ samissāmi pamocanāyāti nāhantaṁ sakkomi
muñcituṁ pamuñcituṁ mocetuṁ pamocetuṁ uddharituṁ uddharāpetuṁ vuṭṭhāpetuṁ
kathaṅkathāsallatoti evampi nāhaṁ samissāmi pamocanāya. Athavā
na īhāmi na sahāmi na ussahāmi na vāyamāmi na ussāhaṁ karomi
na ussoḷhiṁ karomi na thāmaṁ karomi na dhitiṁ karomi na viriyaṁ karomi
na chandaṁ janemi na sañjanemi na nibbattemi na abhinibbattemi
assaddhe puggale acchandike kusīte hīnaviriye appaṭipajjamāne
dhammadesanāyāti evampi nāhaṁ samissāmi pamocanāya. Athavā
natthañño koci mocetuṁ 1 te yadi muñceyyuṁ sakena thāmena
1 katthacī syāmapotthake mocetātipi pāṭho. Ma. īdisameva.
Sakena balena sakena viriyena sakena parakkamena sakena purisathāmena
sakena purisabalena sakena purisaviriyena sakena purisaparakkamena attanā
sammāpaṭipadaṁ anulomapaṭipadaṁ [1]- anvatthapaṭipadaṁ dhammānudhammapaṭipadaṁ
paṭipajjamānā muñceyyunti 2 evampi nāhaṁ samissāmi pamocanāya.
Vuttañhetaṁ bhagavatā so vata cunda attanā palipapalipanno
paraṁ palipapalipannaṁ uddharissatīti netaṁ ṭhānaṁ vijjati so vata cunda
attanā adanto avinīto aparinibbuto paraṁ damessati vinessati
parinibbāpessatīti netaṁ ṭhānaṁ vijjatīti. Evampi nāhaṁ samissāmi
pamocanāya. Vuttañhetaṁ bhagavatā
attanāva 3 kataṁ pāpaṁ attanā saṅkilissati
attanā akataṁ pāpaṁ attanāva visujjhati
suddhi 4 asuddhi paccattaṁ nāñño aññaṁ visodhayeti 5 .
Evampi nāhaṁ samissāmi pamocanāya. Vuttañhetaṁ bhagavatā evameva
kho brāhmaṇa tiṭṭhateva nibbānaṁ tiṭṭhati nibbānamaggo
tiṭṭhāmahaṁ samādapetā atha capana mama sāvakā mayā evaṁovadiyamānā
evaṁanusāsiyamānā appekacce accantaniṭṭhaṁ nibbānaṁ
ādhārenti ekacce nārādhenti 6 ettha kyāhaṁ brāhmaṇa karomi
maggakkhāyī brāhmaṇa tathāgato maggaṁ puṭṭho ācikkhati attanā
paṭipajjamānā muñceyyunti 7 . Evampi nāhaṁ samissāmi pamocanāya.
1 Ma. apaccanīkapaṭipadaṁ. 2 Ma. moceyyunti. 3 Ma. attanā hi. 4 Ma. suddhī.
5 vimocayetipi pāṭho. 6 Ma. nārādhārentīti. 7 Ma. mucceyyunti.

[220] Kathaṅkathiṁ dhotaka kañci loketi kathaṅkathiṁ puggalaṁ sakaṅkhaṁ
sakhilaṁ dveḷhakaṁ savicikicchaṁ. Kañcīti kañci khattiyaṁ vā brāhmaṇaṁ
vā vessaṁ vā suddaṁ vā gahaṭṭhaṁ vā pabbajitaṁ vā devaṁ vā
manussaṁ vā. Loketi apāyaloke .pe. Āyatanaloketi kathaṅkathiṁ
dhotaka kañci loke.

[221] Dhammañca seṭṭhaṁ ājānamānoti dhammaṁ seṭṭhaṁ vuccati
amataṁ nibbānaṁ yo so sabbasaṅkhārasamatho sabbūpadhipaṭinissaggo
taṇhakkhayo virāgo nirodho nibbānaṁ. Seṭṭhanti aggaṁ seṭṭhaṁ
viseṭṭhaṁ pāmokkhaṁ uttamaṁ pavaraṁ dhammaṁ. Ājānamānoti 1 ājānamāno
vijānamāno paṭivijānamāno paṭivijjhamānoti dhammañca
seṭṭhaṁ ājānamāno.

[222] Evaṁ tuvaṁ oghamimaṁ taresīti evaṁ tuvaṁ kāmoghaṁ bhavoghaṁ
diṭṭhoghaṁ avijjoghaṁ tareyyāsi [2]- samatikkameyyāsi vītivatteyyāsīti
evaṁ tuvaṁ oghamimaṁ taresi. Tenāha bhagavā
nāhaṁ samissāmi pamocanāya
kathaṅkathiṁ dhotaka kañci loke
dhammañca seṭṭhaṁ ājānamāno
evaṁ tuvaṁ oghamimaṁ taresīti.

[223] Anusāsa brahme karuṇāyamāno
vivekadhammaṁ yamahaṁ vijaññaṁ
1 Ma. ayaṁ pāṭho natthi. 2 Ma. uttareyyāsi patareyyāsi. evamuparipi.
Yathāhaṁ ākāso ca abyāpajjhamāno 1
idheva santo asito careyyaṁ.

[224] Anusāsa brahme karuṇāyamānoti anusāsa brahmeti
anusāsa brahme anuggaṇha brahme anukampa brahmeti anusāsa
brahme. Karuṇāyamānoti karuṇāyamāno anuddayamāno
anurakkhamāno anuggaṇhamāno anukampamānoti anusāsa brahme
karuṇāyamāno.

[225] Vivekadhammaṁ yamahaṁ vijaññanti vivekadhammaṁ vuccati
amataṁ nibbānaṁ yo so sabbasaṅkhārasamatho sabbūpadhipaṭinissaggo
taṇhakkhayo virāgo nirodho nibbānaṁ. Yamahaṁ vijaññanti yaṁ ahaṁ
jāneyyaṁ [2]- vijāneyyaṁ paṭivijāneyyaṁ paṭivijjheyyanti [3]- vivekadhammaṁ
yamahaṁ vijaññaṁ.

[226] Yathāhaṁ ākāso ca abyāpajjhamānoti yathā ākāso
nappajjati [4]- na bajjhati na palibajjhati evaṁ apajjamāno [5]- abajjhamāno
apalibajjhamānoti evaṁ 6 ākāso ca abyāpajjhamāno.
Yathā ākāso na rajjati lākhāya vā haliddena vā nīlena 7 vā
mañjeṭṭhāya vā evaṁ arajjamāno adussamāno amuyhamāno
akiliyamānoti 8 evampi ākāso ca abyāpajjhamāno. Yathā
ākāso na kuppati na byāpajjhati na paṭilīyati na paṭihaññati
evaṁ akuppamāno abyāpajjhamāno appaṭilīyamāno appaṭihaññamānoti 1
1 Ma.-ākāsova abyāpajjamāno. evamuparipi. 2 Ma. ājāneyyaṁ. 3 Ma.
adhigaccheyyaṁ phasseyyaṁ sacchikareyyanti. 4 Ma. na gaṇhati. 5 Ma. agaṇhamāno.
6 Ma. evampi. 7 Ma. haliddiyā vā nīliyāvā. 8 Ma. akissamānoti.
Evampi ākāso ca abyāpajjhamāno.

[227] Idheva santo asito careyyanti idheva santoti
idheva santo [2]- samāno idheva nisīdanto samāno imasmiṁyeva
āsane nisinno samāno imissāyeva parisāya nisinno samānoti
evampi idheva santo. Athavā idheva santo upasanto
vūpasanto nibbuto paṭippassaddhoti evampi idheva santo.
Asitoti dve nissayā taṇhānissayo ca diṭṭhinissayo ca .pe.
Ayaṁ taṇhānissayo .pe. Ayaṁ diṭṭhinissayo. Taṇhānissayaṁ
pahāya diṭṭhinissayaṁ paṭinissajjitvā cakkhuṁ anissito sotaṁ anissito
ghānaṁ anissito jivhaṁ anissito kāyaṁ anissito manaṁ anissito
rūpe sadde gandhe rase phoṭṭhabbe kulaṁ gaṇaṁ āvāsaṁ lābhaṁ yasaṁ
pasaṁsaṁ sukhaṁ cīvaraṁ piṇḍapātaṁ senāsanaṁ gilānapaccayabhesajjaparikkhāraṁ
kāmadhātuṁ rūpadhātuṁ arūpadhātuṁ kāmabhavaṁ rūpabhavaṁ arūpabhavaṁ
saññābhavaṁ asaññābhavaṁ nevasaññānāsaññābhavaṁ ekavokārabhavaṁ
catuvokārabhavaṁ pañcavokārabhavaṁ atītaṁ anāgataṁ paccuppannaṁ
diṭṭhasutamutaviññātabbe dhamme [3]- anissito anallīno anupagato
anajjhosito anadhimutto nikkhanto nissaṭṭho 4 vippamutto
vimariyādikatena cetasā viharatīti 5 asito 5 . Careyyanti careyyaṁ
vicareyyaṁ 6 iriyeyyaṁ vatteyyaṁ pāleyyaṁ 7 yapeyyaṁ yāpeyyanti idheva
santo asito careyyaṁ. Tenāha so brāhmaṇo
1 Ma. appaṭihatamānoti. 2 Ma. idheva. 3 Ma. asito. 4 Ma. nissaṭo.
evamupari. 5 Ma. ime dve pāṭhā natthi. 6 Ma. vihareyyaṁ. 7 Ma. ayaṁ
pāṭho natthi.
Anusāsa brahme karuṇāyamāno
vivekadhammaṁ yamahaṁ vijaññaṁ
yathāhaṁ ākāso ca abyāpajjhamāno
idheva santo asito careyyanti.