[128] Jaraṁ sitā yaññamakappayiṁsūti jaraṁ sitāti jaranissitā
byādhinissitā maraṇanissitā sokaparidevadukkhadomanassupāyāsanissitā
devate 1 jātinissitāya devate jātinissitā vā devate
jaranissitāya devate jaranissitā vā devate byādhinissitāya devate
byādhinissitā vā devate maraṇanissitāya devate maraṇanissitā
vā devate sokaparidevadukkhadomanassupāyāsanissitāya devate
sokaparidevadukkhadomanassupāyāsanissitā vā devate gatinissitāya
devate gatinissitā vā devate upapattinissitāya devate upapattinissitā
vā devate paṭisandhinissitāya devate paṭisandhinissitā vā
devate bhavanissitāya devate bhavanissitā vā devate saṁsāranissitāya
devate saṁsāranissitā vā devate vaṭṭanissitāya devate vaṭṭanissitā
vā āsitā allīnā upagatā ajjhositā adhimuttāti
jaraṁ sitā yaññamakappayiṁsu. Tenāha bhagavā
yekecime isayo manujā (puṇṇakāti bhagavā)
khattiyā brāhmaṇā devatānaṁ
yaññamakappiṁsu puthūdha loke
āsiṁsamānā puṇṇaka itthataṁ
jaraṁ sitā yaññamakappayiṁsūti.

[129] Yekecime isayo manujā (iccāyasmā puṇṇako)
1 Ma. yadeva te jātinissitā. tadeva te jarānissitā. yadeva te jarānissitā.
tadeva te byādhinissitā .... evamuparipi.
Khattiyā brāhmaṇā devatānaṁ
yaññamakappiṁsu puthūdha loke
kaccissu 1 te bhagavā yaññapathe appamattā
atāruṁ 2 jātiñca jarañca mārisa
pucchāmi taṁ bhagavā brūhi me taṁ.

[130] Yekecime isayo manujāti yekecimeti .pe. Kaccissu
te bhagavā yaññapathe appamattāti kaccissūti saṁsayapucchā
vimatipucchā dveḷhakapucchā anekaṁsapucchā evaṁ nukho na nu kho kinnu
kho kathaṁ nu khoti kaccissu. Teti yaññayajakā [3]-. Bhagavāti
gāravādhivacanametaṁ .pe. Sacchikā paññatti yadidaṁ bhagavāti kaccissu te
bhagavā. Yaññapathe appamattāti yaññoyeva vuccati yaññapatho.
Yathā ariyamaggo ariyapatho devamaggo devapatho brahmamaggo
brahmapatho evameva yaññoyeva vuccati yaññapatho. Appamattāti
yaññapathe appamattā lakkaccakārino sātaccakārino aṭṭhitakārino
anolīnavuttino anikkhittacchandā anikkhittadhurā taccaritā
tabbahulā taggarukā tanninnā tappoṇā tappabbhārā tadadhimuttā
tadādhipateyyāti [4]- yaññapathe appamattā. Yepi yaññaṁ esanti
gavesanti pariyesanti cīvarapiṇḍapātasenāsanagilānapaccayabhesajjaparikkhāraṁ
annaṁ pānaṁ vatthaṁ yānaṁ mālāganadhaṁ vilepanaṁ seyyāvasathaṁ
padīpeyyaṁ sakkaccakārino .pe. Tadādhipateyyā tepi yaññapathe
1 Ma. kaccisu. evamupari. 2 Ma. atāru. 3 Ma. vuccanti. 4 Ma. tepi.
Appamattā. Yepi yaññaṁ abhisaṅkharonti cīvarapiṇḍapātasenāsana-
gilānapaccayabhesajjaparikkhāraṁ annaṁ pānaṁ vatthaṁ yānaṁ mālāgandhaṁ
vilepanaṁ seyyāvasathaṁ padīpeyyaṁ sakkaccakārino .pe. Tadādhipateyyā
patepi yaññapathe appamattā. Yepi yaññaṁ denti
yajanti pariccajanti cīvarapiṇḍapātasenāsanagilānapaccayabhesajjaparikkhāraṁ
annaṁ pānaṁ vatthaṁ yānaṁ mālāgandhaṁ vilepanaṁ seyyāvasathaṁ
padīpeyyaṁ sakkaccakārino .pe. Tadādhipateyyā tepi yaññapathe
appamattāti kaccissu te bhagavā yaññapathe appamattā.

[131] Atāruṁ jātiñca jarañca mārisāti jātijarāmaraṇaṁ
atāriṁsu uttariṁsu patariṁsu samatikkamiṁsu vītivattiṁsu. Mārisāti
piyavacanaṁ garuvacanaṁ sagāravasappatissādhivacanametaṁ mārisāti atāruṁ
jātiñca jarañca mārisa.

[132] Pucchāmi taṁ bhagavā brūhi me tanti pucchāmi tanti
pucchāmi taṁ yācāmi taṁ ajjhesāmi taṁ pasādemi taṁ kathassu meti
pucchāmi taṁ. Bhagavāti gāravādhivacanametaṁ .pe. Sacchikā
paññatti yadidaṁ bhagavāti. Brūhi me tanti brūhi ācikkhāhi desehi
paññapehi paṭṭhapehi vivarāhi vibhajāhi uttānīkarohi pakāsehīti
pucchāmi taṁ bhagavā brūhi me taṁ. Tenāha so brāhmaṇo
yekecime isayo manujā (iccāyasmā puṇṇako)
khattiyā brāhmaṇā devatānaṁ
Yaññamakappiṁsu puthūdha loke
kaccissu te bhagavā yaññapathe appamattā
atāruṁ jātiñca jarañca mārisa
pucchāmi taṁ bhagavā brūhi metanti.

[133] Āsiṁsanti thomayanti (abhijappanti) juhanti (puṇṇakāti bhagavā)
kāmābhijappanti paṭicca lābhaṁ
te yājayogā bhavarāgarattā
nātariṁsu jātijaranti brūmi.

[134] Āsiṁsanti thomayanti abhijappanti juhantīti āsiṁsantīti
rūpapaṭilābhaṁ āsiṁsanti saddapaṭilābhaṁ āsiṁsanti gandhapaṭilābhaṁ
āsiṁsanti rasapaṭilābhaṁ āsiṁsanti phoṭṭhabbapaṭilābhaṁ āsiṁsanti
puttapaṭilābhaṁ āsiṁsanti dārapaṭilābhaṁ āsiṁsanti dhanapaṭilābhaṁ āsiṁsanti
yasapaṭilābhaṁ āsiṁsanti issariyapaṭilābhaṁ āsiṁsanti khattiyamahāsālakule
attabhāvapaṭilābhaṁ āsiṁsanti brāhmaṇamahāsālakule gahapatimahāsālakule
cātummahārājikesu devesu .pe. Brahmakāyikesu
devesu attabhāvapaṭilābhaṁ āsiṁsanti sādiyanti patthayanti pihayantīti
āsiṁsanti.
Thomayantīti yaññaṁ vā thomenti phalaṁ vā thomenti dakkhiṇeyyaṁ
vā thomenti. Kathaṁ yaññaṁ thomenti. Piyaṁ 1 dinnaṁ manāpaṁ dinnaṁ
paṇītaṁ dinnaṁ kappiyaṁ dinnaṁ viceyyaṁ dinnaṁ anavajjaṁ dinnaṁ abhiṇhaṁ
1 Ma. suciṁ.
Dinnaṁ dadaṁ cittaṁ pasāditanti thomenti kittenti vaṇṇenti
pasaṁsanti evaṁ yaññaṁ thomenti. Kathaṁ phalaṁ thomenti. Itonidānaṁ
rūpapaṭilābho bhavissati saddapaṭilābho bhavissati gandhapaṭilābho bhavissati
rasapaṭilābho bhavissati phoṭṭhabbapaṭilābho bhavissati khattiyamahāsālakule
brāhmaṇamahāsālakule .pe. Brahmakāyikesu devesu
attabhāvapaṭilābho bhavissatīti thomenti kittenti vaṇṇenti
pasaṁsanti evaṁ phalaṁ thomenti. Kathaṁ dakkhiṇeyyaṁ thomenti.
Dakkhiṇeyyā jātisampannā gottasampannā ajjhāyakā mantadharā
tiṇṇaṁ vedānaṁ pāragū sanighaṇḍuketubhānaṁ akkharappabhedānaṁ
itihāsapañcamānaṁ padakā veyyākaraṇā lokāyatanamahāpurisalakkhaṇesu
anavayā 1 vītarāgā [2]- rāgavinayāya vā paṭipannā vītadosā
dosavinayāya vā paṭipannā vītamohā mohavinayāya vā paṭipannā
saddhāsampannā sīlasampannā samādhisampannā paññāsampannā
vimuttisampannā vimuttiñāṇadassanasampannāti thomenti kittenti
vaṇṇenti pasaṁsanti evaṁ dakkhiṇeyyaṁ thomentīti āsiṁsanti
thomayanti.
Abhijappantīti rūpapaṭilābhaṁ abhijappanti saddapaṭilābhaṁ abhijappanti
gandhapaṭilābhaṁ abhijappanti rasapaṭilābhaṁ abhijappanti phoṭṭhabbajappaṭilābhaṁ
abhijappanti khattiyamahāsālakule attabhāvapaṭilābhaṁ abhijappanti
.pe. Brahmakāyikesu devesu attabhāvapaṭilābhaṁ abhijappantīti
1 Ma. anavayāti. 2 Ma. vā. evamuparipi.
Āsiṁsanti thomayanti abhijappanti.
Juhantīti juhanti denti yajanti pariccajanti
cīvarapiṇḍapātasenāsanagilānapaccayabhesajjaparikkhāraṁ annaṁ pānaṁ vatthaṁ yānaṁ
mālāgandhaṁ vilepanaṁ seyyāvasathaṁ padīpeyyanti āsiṁsanti thomayanti
abhijappanti juhanti. Puṇṇakāti bhagavāti puṇṇakāti bhagavā
taṁ brāhmaṇaṁ nāmena ālapati. Bhagavāti gāravādhivacanametaṁ .pe.
Yadidaṁ bhagavāti puṇṇakāti bhagavā.

[135] Kāmābhijappanti paṭicca lābhanti rūpapaṭilābhaṁ paṭicca
kāme abhijappanti saddapaṭilābhaṁ paṭicca kāme abhijappanti .pe.
Brahmakāyikesu devesu attabhāvapaṭilābhaṁ paṭicca kāme abhijappanti
jappanti pajappantīti kāmābhijappanti paṭicca lābhaṁ.

[136] Te yājayogā bhavarāgarattā nātariṁsu jātijaranti
brūmīti teti yaññayajakā [1]-. Yājayogāti yāgesu yuttā āyuttā
samāyuttā taccaritā tabbahulā taggarukā tanninnā tappoṇā
tappabbhārā tadadhimuttā tadādhipateyyāti te yājayogā.
Bhavarāgarattāti bhavarāgo vuccati taṇhā 2 yo bhavesu bhavacchando
bhavarāgo bhavanandi bhavataṇhā bhavasineho bhavapipāsā bhavapariḷāho
bhavamucchā bhavajjhosānaṁ bhavarāgena bhavesu rattā gadhitā
mucchitā ajjhopannā laggā laggitā palibuddhāti te yājayogā
bhavarāgarattā. Nātariṁsu jātijaranti brūmīti te yājayogā
1 Ma. vuccanti. 2 Ma. ayaṁ pāṭho natthi.
Bhavarāgarattā jātijarāmaraṇaṁ na tariṁsu na uttariṁsu na patariṁsu na
samatikkamiṁsu na vītivattiṁsu jātijarāmaraṇā anikkhantā anissaṭṭhā
anatikkantā asamatikkantā avītivattā antojātijarāmaraṇe
parivattanti antosaṁsārapathe parivattanti jātiyā anugatā jarāya
anusaṭā byādhinā abhibhūtā maraṇena abbhāhatā atāṇā aleṇā
asaraṇā asaraṇībhūtāti brūmi ācikkhāmi desemi paññapemi
paṭṭhapemi vivarāmi vibhajāmi uttānīkaromi pakāsemīti te yājayogā
bhavarāgarattā nātariṁsu jātijaranti brūmi. Tenāha bhagavā
āsiṁsanti thomayanti (abhijappanti) juhanti (puṇṇakāti bhagavā)
kāmābhijappanti paṭicca lābhaṁ
te yājayogā bhavarāgarattā
nātariṁsu jātijaranti brūmīti.

[137] Te ce nātariṁsu yājayogā (iccāyasmā puṇṇako)
yaññehi jātiñca jarañca mārisa
atha ko carahi devamanussaloke
atāri jātiñca jarañca mārisa
pucchāmi taṁ bhagavā brūhi me taṁ.