[98] Sato bhikkhu paribbajeti satoti catūhi kāraṇehi sato
kāye kāyānupassanāsatipaṭṭhānaṁ bhāvento sato vedanāsu
vedanānupassanāsatipaṭṭhānaṁ bhāvento sato citte cittānupassanāsatipaṭṭhānaṁ
bhāvento sato dhammesu dhammānupassanāsatipaṭṭhānaṁ bhāvento
sato. Aparehipi catūhi kāraṇehi sato asatiparivajjanāya
sato satikaraṇīyānaṁ dhammānaṁ katattā sato satipaṭipakkhānaṁ 2
dhammānaṁ hatattā sato satinimittānaṁ dhammānaṁ appamuṭṭhattā 3 sato.
Aparehipi catūhi kāraṇehi sato satiyā samannāgatattā sato
satiyā vasitattā sato satiyā pāguññatāya 4 sato satiyā
apaccorohaṇatāya sato. Aparehipi catūhi kāraṇehi sato satattā 5
sato santattā sato samitattā sato santadhammasamannāgatattā
sato. Buddhānussatiyā sato dhammānussatiyā sato saṅghānussatiyā
sato sīlānussatiyā sato cāgānussatiyā sato devatānussatiyā
1 Ma. chandarāgo. 2 Ma. satiparibandhānaṁ. 3 Ma. asammuṭṭhattā. 4 Ma. pāguññena
samannāgatattā. 5 Ma. satiyā samannāgatattā.
Sato ānāpānassatiyā sato maraṇānussatiyā 1 sato kāyagatāsatiyā
sato upasamānussatiyā sato. Yā sati .pe. Sammāsati
satisambojjhaṅgo ekāyanamaggo ayaṁ vuccati sati. Imāya upeto
hoti samupeto upāgato samupāgato upapanno samupapanno
samannāgato so vuccati sato. Bhikkhūti sattannaṁ dhammānaṁ
bhinnattā bhikkhu. Sakkāyadiṭṭhi bhinnā hoti vicikicchā bhinnā
hoti sīlabbataparāmāso bhinno hoti rāgo bhinno hoti doso
bhinno hoti moho bhinno hoti māno bhinno hoti bhinnassa 2
honti pāpakā akusalā dhammā saṅkilesikā ponobbhavikā 3 sadarā
dukkhavipākā āyatiṁjātijarāmaraṇīyā.
Pajjena katena attanā (sabhiyāti bhagavā)
parinibbānagato vitiṇṇakaṅkho
vibhavañca bhavañca vippahāya
vusitavā khīṇapunabbhavo sa bhikkhūti.
Sato bhikkhu paribbajeti sato bhikkhu paribbaje sato gaccheyya
sato tiṭṭheyya sato nisīdeyya sato seyyaṁ kappeyya sato abhikkameyya
sato paṭikkameyya sato ālokeyya sato vilokeyya sato
sammiñjeyya 4 sato pasāreyya sato saṅghāṭipattacīvaraṁ dhāreyya
sato careyya sato 5 vihareyya vatteyya iriyeyya pāleyya yapeyya
yāpeyyāti sato bhikkhu paribbaje. Tenāha bhagavā
1 Ma. maraṇassatiyā. 2 Ma. bhinnā. 3 Ma. ponobhavikā. 4 Ma. samiñjeyya.
5 Ma. ayaṁ pāṭho natthi.
Kāmesu nābhigijjheyya manasānāvilo siyā
kusalo sabbadhammānaṁ sato bhikkhu paribbajeti.

[99] Saha gāthāpariyosānā tena 1 brāhmaṇena saddhiṁ ekacchandā
ekappayogā ekādhippāyā ekavāsanavāsitā tesaṁ anekapāṇasahassānaṁ
virajaṁ vītamalaṁ dhammacakkhuṁ udapādi yaṅkiñci samudayadhammaṁ
sabbantaṁ nirodhadhammanti tassa ca brāhmaṇassa anupādāya
āsavehi cittaṁ vimucci. Saha arahattappattā ajinajaṭāvākacīradaṇḍakamaṇḍalukesā
ca massū ca antarahitā. Bhaṇḍakāsāyavatthavasano 3
saṅghāṭipattacīvaradharo bhikkhu 4 anvatthapaṭipattiyā pañjaliko
bhagavantaṁ namassamāno nisinno hoti satthā me bhante bhagavā
sāvakohamasmīti.
Ajitamāṇavakapañhāniddeso paṭhamo.
---------------
1 Ma. ye te. 2 Ma.-tidaṇḍaka ... evamuparipi. 3 Ma. bhaṇḍu ... evamuparipi.
4 Ma. ayaṁ pāṭho natthi.
Tissametteyyamāṇavakapañhāniddeso

[100] Kodha santusito loke (iccāyasmā tissametteyyo)
kassa no santi iñjitā
ko ubhantamabhiññāya
majjhe mantā na limpati 1
kaṁ brūsi mahāpurisoti
ko idha sibbanimaccagāti 2 .

[101] Kodha santusito loketi [3]- santuṭṭho attamano
paripuṇṇasaṅkappoti kodha santusito loke. Iccāyasmā tissametteyyoti
iccāti padasandhi padasaṁsaggo padapāripūri akkharasamavāyo
byañjanasiliṭṭhatā padānupubbakametaṁ 4 iccāti. Āyasmāti piyavacanaṁ
garuvacanaṁ sagāravasappatissādhivacanametaṁ āyasmāti. Tissāti 5 tassa
brāhmaṇassa nāmaṁ saṅkhā samaññā paññatti vohāro nāmaṁ
nāmakammaṁ nāmadheyyaṁ nirutti byañjanaṁ abhilāpo. Metteyyāti 6
tassa brāhmaṇassa gottaṁ saṅkhā samaññā paññatti vohāroti
iccāyasmā tissametteyyo.

[102] Kassa no santi iñjitāti taṇhiñjitaṁ diṭṭhiñjitaṁ
māniñjitaṁ kilesiñjitaṁ kammiñjitaṁ kassime iñjitā natthi na
santi na saṁvijjanti nūpalabbhanti pahīnā samucchinnā vūpasantā
1 na. lippati. 2 Ma. sabbinimaccagā. evamuparipi. 3 tuṭṭho. 4 Ma.
padānupubbatāmetaṁ. evamuparipi. 5 Ma. tissoti. 6 metteyyoti.
Paṭippassaddhā abhabbuppattikā ñāṇagginā daḍḍhāti kassa no
santi iñjitā.

[103] Ko ubhantamabhiññāyāti ko ubho ante abhiññāya
jānitvā tulayitvā tirayitvā 1 vibhāvayitvā vibhūtaṁ katvāti ko
ubhantamabhiññāya.

[104] Majjhe mantā nalimpatīti [1]- alitto anupalitto
nikkhanto nissaṭṭho vippamutto visaṁyutto vimariyādikatena cetasā
viharatīti majjhe mantā na limpati.

[105] Kaṁ brūsi mahāpurisoti mahāpuriso aggapuriso seṭṭhapuriso
viseṭṭhapuriso pāmokkhapuriso uttamapuriso [3]- pavarapurisoti kaṁ
brūsi kaṁ kathesi kaṁ maññesi kaṁ bhaṇasi kaṁ passasi kaṁ vohāresīti 4
kaṁ brūsi mahāpurisoti.

[106] Ko idha sibbanimaccagāti ko sibbaniṁ 5 taṇhaṁ accagā
upaccagā atikkanto samatikkanto vītivattoti ko idha sibbanimaccagā.
Tenāha so brāhmaṇo
kodha santusito loke (accāyasmā tissametteyyo)
kassa no santi iñjitā
ko ubhantamabhiññāya
majjhe mantā na limpati
kaṁ brūsi mahāpurisoti
1 Ma. tīrayitvā. evamuparipi. 2 Ma. majjhe mantāya nalippati. 3 Ma. padhānapuriso.
4 Ma. voharasīti. 5 Ma. sibbiniṁ. evamuparipi.
Ko idha sibbanimaccagāti.

[107] Kāmesu brahmacariyavā (metteyyāti bhagavā)
vītataṇho sadā sato
saṅkhāya nibbuto bhikkhu
tassa no santi iñjitā
so ubhantamabhiññāya
majjhe mantā na limpati
taṁ brūmi mahāpurisoti
so idha sibbanimaccagāti.