[676] Nivissavādī na hi subbināyoti sassato loko idameva
saccaṁ moghamaññanti nivissavādī. Asassato loko .pe.
Neva hoti na na hoti tathāgato parammaraṇā idameva saccaṁ
moghamaññanti nivissavādī. Na hi subbināyoti nivissavādī
dubbinayo duññāpayo 2 dunnijjhāpayo duppekkhāpayo duppasādayoti
nivissavādī na hi subbināyo.

[677] Pakappitaṁ diṭṭhi purekkharānoti pakappitaṁ abhisaṅkhataṁ
saṇṭhapitaṁ diṭṭhiṁ purakkhato purato katvā carati diṭṭhiddhajo
diṭṭhiketu diṭṭhādhipateyyo diṭṭhiyā parivārito caratīti pakappitaṁ
diṭṭhi purekkharāno.

[678] Yaṁ nissito tattha subhaṁvadānoti yaṁ nissitoti yaṁ
satthāraṁ dhammakkhānaṁ gaṇaṁ diṭṭhiṁ paṭipadaṁ maggaṁ nissito sannissito
1 Ma. pakappitā. 2 Ma. duppaññāpayo.
Allīno upagato ajjhosito adhimuttoti yaṁ nissito. Tatthāti
sakāya diṭṭhiyā sakāya khantiyā sakāya ruciyā sakāya laddhiyā.
Subhaṁvadānoti subhavādo sobhanavādo paṇḍitavādo dhīravādo ñāṇavādo
hetuvādo lakkhaṇavādo kāraṇavādo ṭhānavādo sakāya
laddhiyāti yaṁ nissito tattha subhaṁvadāno.

[679] Suddhiṁvado tattha tathaddasā soti suddhiṁvadoti suddhivādo
visuddhivādo parisuddhivādo vodātavādo pariyodātavādo 1 . Athavā
suddhidassano visuddhidassano parisuddhidassano vodātadassano
pariyodātadassanoti 2 suddhiṁvado 3 . Tatthāti sakāya diṭṭhiyā sakāya
khantiyā sakāya ruciyā sakāya laddhiyā. Tathaddasā soti tathaṁ
tacchaṁ bhūtaṁ yāthāvaṁ aviparītanti addasa addakkhi apassi paṭivijjhīti
suddhiṁvado 2 tattha tathaddasā so. Tenāha bhagavā
nivissavādī na hi subbināyo
pakappitaṁ diṭṭhi purekkharāno
yaṁ nissito tattha subhaṁvadāno
suddhiṁvado tattha tathaddasā soti.

[680] Na brāhmaṇo kappamupeti saṅkhaṁ 4
na diṭṭhisārī napi ñāṇabandhu
ñatvā ca so sammatiyo puthujjā
upekkhatī uggahaṇanti maññe.
1-2 parivodāta .. itipi pāṭho. 3 Ma. suddhiṁvādo. 4 Ma. saṅkhā. sabbattha
īdisameva.

[681] Na brāhmaṇo kappamupeti saṅkhanti nāti paṭikkhepo.
Brāhmaṇoti sattannaṁ dhammānaṁ bāhitattā brāhmaṇo .pe.
Anissito tādi pavuccate sa brahmā. Kappāti dve kappā
taṇhākappo ca diṭṭhikappo ca .pe. Ayaṁ taṇhākappo .pe.
Ayaṁ diṭṭhikappo. Saṅkhā vuccati ñāṇaṁ yā paññā
pajānanā .pe. Amoho dhammavicayo sammādiṭṭhi. Na brāhmaṇo
kappamupeti saṅkhanti brāhmaṇo saṅkhāya jānitvā tulayitvā
tīrayitvā vibhāvayitvā vibhūtaṁ katvā sabbe saṅkhārā aniccāti
sabbe saṅkhārā dukkhāti .pe. Yaṅkiñci samudayadhammaṁ sabbantaṁ
nirodhadhammanti saṅkhāya jānitvā tulayitvā tīrayitvā vibhāvayitvā
vibhūtaṁ katvā taṇhākappaṁ vā diṭṭhikappaṁ vā [1]- na upeti na
upagacchati na gaṇhāti na parāmasati nābhinivisatīti na brāhmaṇo
kappamupeti saṅkhaṁ.

[682] Na diṭṭhisārī napi ñāṇabandhūti tassa dvāsaṭṭhī diṭṭhigatāni
pahīnāni samucchinnāni vūpasantāni paṭippassaddhāni abhabbuppattikāni
ñāṇagginā daḍḍhāni so diṭṭhiyā na yāyati na
niyyati na vuyhati na saṁhariyati napi taṁ diṭṭhigataṁ sārato pacceti
paccāgacchatīti na diṭṭhisārī. Napi ñāṇabandhūti aṭṭhasamāpattiñāṇena
vā pañcābhiññāñāṇena vā micchāñāṇena vā taṇhābandhaṁ
vā diṭṭhibandhaṁ vā na karoti na janeti na sañjaneti na
1 Ma. neti.
Nibbatteti nābhinibbattetīti na diṭṭhisārī napi ñāṇabandhu.

[683] Ñatvā ca so sammatiyo puthujjāti ñatvāti
ñatvā jānitvā tulayitvā tīrayitvā vibhāvayitvā vibhūtaṁ katvā
sabbe saṅkhārā aniccāti sabbe saṅkhārā dukkhāti .pe.
Yaṅkiñci samudayadhammaṁ sabbantaṁ nirodhadhammanti ñatvā jānitvā
tulayitvā tīrayitvā vibhāvayitvā vibhūtaṁ katvāti ñatvā ca
so. Sammatiyoti vuccanti dvāsaṭṭhī diṭṭhigatāni [1]-. Puthujjāti
puthujjanehi janitā vā tā sammatiyoti puthujjā. Puthunānājanehi
janitā vā tā sammatiyoti puthujjāti ñatvā ca so sammatiyo
puthujjā.

[684] Upekkhatī uggahaṇanti maññeti aññe taṇhāvasena
diṭṭhivasena gaṇhanti parāmasanti abhinivisanti arahā upekkhati
na gaṇhāti na parāmasati nābhinivisatīti upekkhatī uggahaṇanti
maññe. Tenāha bhagavā
na brāhmaṇo kappamupeti saṅkhaṁ
na diṭṭhisārī napi ñāṇabandhu
ñatvā ca so sammatiyo puthujjā
upekkhatī uggahaṇanti maññeti.

[685] Visajja ganthāni munīdha loke
vivādajātesu na vaggasārī
1 Po. Ma. diṭṭhisammutiyo.
Santo asantesu upekkhako so
anuggaho uggahaṇanti maññe.