[616] Sīluttamā saññamenāhu suddhinti santeke
samaṇabrāhmaṇā sīluttamavādā te sīlamattena saññamamattena
saṁvaramattena avītikkamamattena suddhiṁ visuddhiṁ parisuddhiṁ muttiṁ vimuttiṁ
parimuttiṁ 1 āhu vadanti kathenti bhaṇanti dīpayanti voharanti.
Samaṇamuṇḍikāputto evamāha catūhi kho ahaṁ thapati dhammehi
samannāgataṁ purisapuggalaṁ paññāpemi sampannakusalaṁ paramakusalaṁ
uttamappattippattaṁ samaṇaṁ ayojjhaṁ katamehi catūhi idha thapati 2
na kāyena pāpakammaṁ karoti na pāpikaṁ vācaṁ bhāsati na pāpakaṁ
saṅkappaṁ saṅkappati na pāpakaṁ ājīvaṁ ājīvati imehi kho ahaṁ
1 Ma. parivimuttiṁ. 2 Po. Ma. gahapati.
Thapati catūhi dhammehi samannāgataṁ purisapuggalaṁ paññāpemi sampannakusalaṁ
paramakusalaṁ uttamappattippattaṁ samaṇaṁ ayojjhaṁ. Evameva
santeke samaṇabrāhmaṇā sīluttamavādā te sīlamattena saññamamattena
saṁvaramattena avītikkamamattena suddhiṁ visuddhiṁ parisuddhiṁ muttiṁ
vimuttiṁ parimuttiṁ āhu vadanti kathenti bhaṇanti dīpayanti voharantīti
sīluttamā saññamenāhu suddhiṁ.

[617] Vattaṁ samādāya upaṭṭhitāseti vattanti hatthivattaṁ
vā assavattaṁ vā govattaṁ vā ajavattaṁ vā kukkuravattaṁ vā
kākavattaṁ vā vāsudevavattaṁ vā [1]- puṇṇabhaddavattaṁ vā maṇibhaddavattaṁ
vā aggivattaṁ vā nāgavattaṁ vā supaṇṇavattaṁ vā yakkhavattaṁ vā
asuravattaṁ vā gandhabbavattaṁ vā mahārājavattaṁ vā candavattaṁ vā
suriyavattaṁ vā indavattaṁ vā brahmavattaṁ vā devavattaṁ vā disavattaṁ 2
vā ādāya samādāya ādayitvā 3 gaṇhitvā parāmasitvā
abhinivisitvā upaṭṭhitā paccupaṭṭhitā allīnā upagatā ajjhositā
adhimuttāti vattaṁ samādāya upaṭṭhitāse.

[618] Idheva sikkhema athassa suddhinti idhāti sakāya
diṭṭhiyā sakāya khantiyā sakāya ruciyā sakāya laddhiyā sikkhema
ācarema samācarema samādāya vattemāti idheva sikkhema.
Athassa suddhinti athavāssa suddhiṁ visuddhiṁ parisuddhiṁ muttiṁ vimuttiṁ
parimuttinti idheva sikkhema athassa suddhiṁ.
1 Ma. baladevavataṁ. 2 Ma. Yu. disāvattaṁ. 3 Po. Ma. ādiyitvā.

[619] Bhavūpanītā kusalāvadānāti bhavūpanītāti bhavūpanītā
bhavūpagatā bhavajjhositā bhavādhimuttāti bhavūpanītā. Kusalāvadānāti
kusalavādā paṇḍitavādā dhīravādā ñāṇavādā hetuvādā
lakkhaṇavādā kāraṇavādā ṭhānavādā sakāya laddhiyāti bhavūpanītā
kusalāvadānā. Tenāha bhagavā
sīluttamā saññamenāhu suddhiṁ
vattaṁ samādāya upaṭṭhitāse
idheva sikkhema athassa suddhiṁ
bhavūpanītā kusalāvadānāti.

[620] Sace cuto sīlavatāto 1 hoti
sa vedhatī 2 kamma virādhayitvā
sa jappatī 3 patthayatī ca suddhiṁ
satthāvahīno pavasaṁ gharamhā.

[621] Sace cuto sīlavatāto hotīti dvīhi kāraṇehi sīlabbatato
cavati paravicchindanāya vā cavati anabhisambhuṇanto vā cavati.
Kathaṁ paravicchindanāya cavati. Paro vicchindati so satthā
na sabbaññū dhammo na svākkhāto gaṇo na supaṭipanno
diṭṭhi na bhaddikā paṭipadā na supaññattā maggo na niyyāniko
natthettha suddhi vā visuddhi vā parisuddhi vā mutti vā vimutti vā
1 Po. Ma. sīlavatato. 2 pavedhatītipi pāṭho. 3 pajappatītipi pāṭho.
Parimutti vā na tattha sujjhanti vā visujjhanti vā parisujjhanti vā
muccanti vā vimuccanti vā parimuccanti vā hīnā nihīnā omakā
lāmakā jatukkā parittāti evaṁ paro vicchindati. Evaṁ
vicchindiyamāno satthārā cavati dhammakkhānā cavati gaṇā cavati diṭṭhiyā
cavati paṭipadāya cavati maggato cavati evaṁ paravicchindanāya cavati.
Kathaṁ anabhisambhuṇanto cavati. Sīlaṁ anabhisambhuṇanto sīlato
cavati vattaṁ anabhisambhuṇanto vattato cavati sīlabbataṁ
anabhisambhuṇanto sīlabbatato cavati evaṁ anabhisambhuṇanto
cavatīti sace cuto sīlavatāto hoti.

[622] Sa vedhatī kamma virādhayitvāti sa vedhatīti sīlaṁ vā
vattaṁ vā sīlabbataṁ vā viraddhaṁ mayā aparaddhaṁ mayā khalitaṁ
mayā gaḷitaṁ mayā aññāya aparaddho ahanti vedhati pavedhati
sampavedhatīti sa vedhatī. Kamma virādhayitvāti puññābhisaṅkhāraṁ
vā apuññābhisaṅkhāraṁ vā āneñjābhisaṅkhāraṁ vā viraddhaṁ mayā
aparaddhaṁ mayā khalitaṁ mayā gaḷitaṁ mayā aññāya aparaddho
ahanti vedhati pavedhati sampavedhatīti sa vedhatī kamma virādhayitvā.

[623] Sa jappatī patthayatī ca suddhinti sa jappatīti sīlaṁ
vā jappati vattaṁ vā jappati sīlabbataṁ vā jappati pajappati
abhijappatīti sa jappatī. Patthayatī ca suddhinti sīlasuddhiṁ vā
pattheti vattasuddhiṁ vā pattheti sīlabbatasuddhiṁ vā pattheti piheti
Abhijappatīti sa jappatī patthayatī ca suddhiṁ.

[624] Satthāvahīno pavasaṁ gharamhāti yathā puriso gharato
nikkhanto satthena saha vasanto satthā ohīno taṁ vā satthaṁ
anubandhati sakaṁ vā gharaṁ paccāgacchati evameva so diṭṭhigatiko
taṁ vā satthāraṁ gaṇhāti aññaṁ vā satthāraṁ gaṇhāti taṁ vā
dhammakkhānaṁ gaṇhāti aññaṁ vā dhammakkhānaṁ gaṇhāti taṁ vā
gaṇaṁ gaṇhāti aññaṁ vā gaṇaṁ gaṇhāti taṁ vā diṭṭhiṁ gaṇhāti
aññaṁ vā diṭṭhiṁ gaṇhāti taṁ vā paṭipadaṁ gaṇhāti aññaṁ
vā paṭipadaṁ gaṇhāti taṁ vā maggaṁ gaṇhāti aññaṁ vā maggaṁ
gaṇhāti parāmasati abhinivisatīti satthāvahīno pavasaṁ gharamhā.
Tenāha bhagavā
sace cuto sīlavatāto hoti
sa vedhatī kamma virādhayitvā
sa jappatī patthayatī ca suddhiṁ
satthāvahīno pavasaṁ gharamhāti.

[625] Sīlabbataṁ vāpi pahāya sabbaṁ
kammañca sāvajjanavajjametaṁ
suddhiṁ asuddhinti apatthayāno
virato care santimanuggahāya.