[536] Saṁsuddhapaññā kusalā matīmāti suddhapaññā visuddhapaññā
parisuddhapaññā vodātapaññā pariyodātapaññā. Athavā suddhadassanā
visuddhadassanā parisuddhadassanā vodātadassanā pariyodātadassanāti
saṁsuddhapaññā. Kusalāti kusalā paṇḍitā paññavanto
buddhimanto ñāṇino vibhāvino medhāvinoti saṁsuddhapaññā
kusalā. Matīmāti matimā paṇḍitā paññavanto buddhimanto
1 Ma. ceva na vīvadātā. sabbattha īdisameva. 2 Ma. mutimā.
3 Ma. anavīvadātā avodātā. 4 Po. apariyodātā.
Ñāṇino vibhāvino medhāvinoti saṁsuddhapaññā kusalā matīmā.

[537] Na tesaṁ koci parihīnapaññoti tesaṁ samaṇabrāhmaṇānaṁ
na koci hīnapañño nihīnapañño omakapañño lāmakapañño
jatukkapañño parittapañño [1]-. Athavā sabbeva aggapaññā
seṭṭhapaññā viseṭṭhapaññā pāmokkhapaññā uttamapaññā
pavarapaññāti na tesaṁ koci parihīnapañño.

[538] Diṭṭhī hi tesaṁpi tathā samattāti tesaṁ samaṇabrāhmaṇānaṁ
diṭṭhi tathā samattā samādinnā gahitā parāmaṭṭhā abhiniviṭṭhā
ajjhositā adhimuttāti diṭṭhī hi tesaṁpi tathā samattā.
Tenāha bhagavā
sandiṭṭhiyā ce pana vīvadātā
saṁsuddhapaññā kusalā matīmā
na tesaṁ koci parihīnapañño
diṭṭhī hi tesaṁpi tathā samattāti.

[539] Na vāhametaṁ tathivanti 2 brūmi
yamāhu bālā mithu aññamaññaṁ
sakaṁ sakaṁ diṭṭhimakaṁsu saccaṁ
tasmā hi bāloti paraṁ dahanti.

[540] Na vāhametaṁ tathivanti brūmīti nāti paṭikkhepo.
Etanti dvāsaṭṭhidiṭṭhigatanti nāhaṁ etaṁ tathaṁ tacchaṁ bhūtaṁ yāthāvaṁ
1 Po. Ma. atthi. 2 Ma. tathiyanti.
Aviparītanti brūmi ācikkhāmi desemi paññāpemi paṭṭhapemi vivarāmi
vibhajāmi uttānīkaromi pakāsemīti na vāhametaṁ tathivanti brūmi.

[541] Yamāhu bālā mithu aññamaññanti mithūti dve janā
dve kalahakārakā dve bhaṇḍanakārakā dve bhassakārakā dve
vivādakārakā dve adhikaraṇakārakā dve vādino dve sallāpakā 1 .
Te aññamaññaṁ bālo hīno nihīno omako lāmako jatukko
parittoti evamāhaṁsu evaṁ kathenti evaṁ bhaṇanti evaṁ dīpayanti
evaṁ voharantīti yamāhu bālā mithu aññamaññaṁ.

[542] Sakaṁ sakaṁ diṭṭhimakaṁsu saccanti sassato loko idameva
saccaṁ moghamaññanti sakaṁ sakaṁ diṭṭhimakaṁsu saccaṁ. Asassato
loko idameva saccaṁ moghamaññanti .pe. Neva hoti na na
hoti tathāgato parammaraṇā idameva saccaṁ moghamaññanti sakaṁ
sakaṁ diṭṭhimakaṁsu saccaṁ.

[543] Tasmā hi bāloti paraṁ dahantīti tasmāti tasmā
taṁkāraṇā taṁhetu tappaccayā taṁnidānā paraṁ bālo hīno nihīno
omako lāmako jatukko parittoti dahanti passanti dakkhanti
olokenti nijjhāyanti upaparikkhantīti tasmā hi bāloti paraṁ
dahanti. Tenāha bhagavā
na vāhametaṁ tathivanti brūmi
yamāhu bālā mithu aññamaññaṁ
1 Ma. sallapakā.
Sakaṁ sakaṁ diṭṭhimakaṁsu saccaṁ
tasmā hi bāloti paraṁ dahantīti.

[544] Yamāhu saccaṁ tathivanti eke
tamāhu aññepi tucchaṁ musāti
evampi viggayha vivādayanti
kasmā na ekaṁ samaṇā vadanti.

[545] Yamāhu saccaṁ tathivanti eketi yaṁ dhammaṁ diṭṭhiṁ paṭipadaṁ
maggaṁ eke samaṇabrāhmaṇā idaṁ saccaṁ tacchaṁ bhūtaṁ yāthāvaṁ
aviparītanti evamāhaṁsu evaṁ kathenti evaṁ bhaṇanti evaṁ dīpayanti
evaṁ voharantīti yamāhu saccaṁ tathivanti eke.