[476] Sātaṁ asātañca kutonidānā
kismiṁ asante na bhavanti hete
vibhavaṁ bhavañcāpi yametamatthaṁ
etamme pabrūhi yatonidānaṁ.

[477] Sātaṁ asātañca kutonidānāti sātāsātā kutonidānā
kuto jātā kuto sañjātā kuto nibbattā kuto abhinibbattā
kuto pātubhūtā kiṁnidānā kiṁsamudayā kiṁjātikā kiṁpabhavāti
sātāsātānaṁ mūlaṁ pucchati .pe. Samudayaṁ pucchati papucchati yācati
ajjhesati pasādetīti sātaṁ asātañca kutonidānā.

[478] Kiṁsmiṁ asante na bhavanti heteti kismiṁ asante
asaṁvijjamāne [1]- anupalabbhiyamāne sātāsātā na bhavanti nappabhavanti
na jāyanti na sañjāyanti na nibbattanti nābhinibbattantīti
kismiṁ asante na bhavanti hete.

[479] Vibhavaṁ bhavañcāpi yametamatthanti katamo sātāsātānaṁ
bhavo. Yo sātāsātānaṁ bhavo sambhavo 2 jāti sañjāti nibbatti
abhinibbatti pātubhāvo ayaṁ sātāsātānaṁ bhavo. Katamo
sātāsātānaṁ vibhavo. Yo sātāsātānaṁ khayo vayo bhedo paribhedo
aniccatā antaradhānaṁ ayaṁ sātāsātānaṁ vibhavo. Yametamatthanti
yaṁ paramatthanti vibhavaṁ bhavañcāpi yametamatthaṁ.

[480] Etamme pabrūhi yatonidānanti etanti yaṁ pucchāmi
1 Ma. natthi. ito paraṁ evaṁ ñātabbaṁ. 2 Ma. pabhavo.
Yaṁ yācāmi yaṁ ajjhesāmi yaṁ pasādemi. Pabrūhīti brūhi [1]- ācikkha
desehi paññāpehi paṭṭhapehi vivara vibhaja uttānīkarohi pakāsehīti
etamme pabrūhi. Yatonidānanti yaṁnidānaṁ yaṁsamudayaṁ yaṁjātikaṁ
yaṁpabhavanti etamme pabrūhi yatonidānaṁ. Tenāha so nimmito
sātaṁ asātañca kutonidānā
kismiṁ asante na bhavanti hete
vibhavaṁ bhavañcāpi yametamatthaṁ
etamme pabrūhi yatonidānanti.

[481] Phassanidānaṁ sātaṁ asātaṁ
phasse asante na bhavanti hete
vibhavaṁ bhavañcāpi yametamatthaṁ
etante pabrūmi itonidānaṁ.

[482] Phassanidānaṁ sātaṁ asātanti sukhavedanīyaṁ phassaṁ paṭicca
uppajjati sukhā vedanā. Sā 2 tasseva sukhavedanīyassa phassassa
nirodhā [3]- tajjaṁ vedayitaṁ sukhavedanīyaṁ phassaṁ paṭicca uppannā sukhā
vedanā sā nirujjhati sā vūpasammati. Dukkhavedanīyaṁ phassaṁ paṭicca
uppajjati dukkhā vedanā. Sā 4 tasseva dukkhavedanīyassa phassassa
nirodhā [5]- tajjaṁ vedayitaṁ dukkhavedanīyaṁ phassaṁ paṭicca uppannā dukkhā
vedanā sā nirujjhati sā vūpasammati. Adukkhamasukhavedanīyaṁ phassaṁ
paṭicca uppajjati adukkhamasukhā vedanā. Sā 6 tasseva adukkhamasukhavedanīyassa
1 Ma. Yu. vadehi. 2-4-6 Ma. yā. 3-5 Ma. yaṁ.
Sukhavedanīyassa phassassa nirodhā [1]- tajjaṁ vedayitaṁ adukkhamasukhavedanīyaṁ
phassaṁ paṭicca uppannā adukkhamasukhā vedanā sā nirujjhati sā
vūpasammati. Phassanidānaṁ sātaṁ asātanti sātāsātā phassanidānā
phassasamudayā phassajātikā phassappabhavāti phassanidānaṁ
sātaṁ asātaṁ.

[483] Phasse asante na bhavanti heteti phasse asante
asaṁvijjamāne anupalabbhiyamāne sātāsātā na bhavanti nappabhavanti na
jāyanti na sañjāyanti na nibbattanti nābhinibbattanti na pātubhavantīti
phasse asante na bhavanti hete.

[484] Vibhavaṁ bhavañcāpi yametamatthanti bhavadiṭṭhipi phassanidānā
vibhavadiṭṭhipi phassanidānā. Yametamatthanti yaṁ paramatthanti vibhavaṁ
bhavañcāpi yametamatthaṁ.

[485] Etante pabrūmi itonidānanti etanti yaṁ pucchasi yaṁ
yācasi yaṁ ajjhesasi yaṁ pasādesi. Pabrūmīti brūmi ācikkhāmi
desemi paññāpemi paṭṭhapemi vivarāmi vibhajāmi uttānīkaromi
pakāsemīti etante pabrūmi. Itonidānanti itophassanidānaṁ
phassasamudayaṁ phassajātikaṁ phassappabhavanti etante pabrūmi itonidānaṁ.
Tenāha bhagavā
phassanidānaṁ sātaṁ asātaṁ
phasse asante na bhavanti hete
1 Ma. yaṁ.
Vibhavaṁ bhavañcāpi yametamatthaṁ
etante pabrūmi itonidānanti.