[257] Ekacariyaṁ daḷhaṁ kayirāti dvīhi kāraṇehi ekacariyaṁ
daḷhaṁ kareyya pabbajjāsaṅkhātena vā gaṇāvavassaggaṭṭhena vā.
Kathaṁ pabbajjāsaṅkhātena ekacariyaṁ daḷhaṁ kareyya. Sabbaṁ
gharāvāsapalibodhaṁ chinditvā puttadārapalibodhaṁ chinditvā ñātipalibodhaṁ
chinditvā mittāmaccapalibodhaṁ chinditvā sannidhipalibodhaṁ chinditvā
kesamassuṁ ohāretvā kāsāyāni vatthāni acchādetvā agārasmā
anagāriyaṁ pabbajitvā ākiñcanabhāvaṁ upagantvā eko careyya
vihareyya iriyeyya vatteyya pāleyya yapeyya yāpeyya evaṁ
pabbajjāsaṅkhātena ekacariyaṁ daḷhaṁ kareyya.
Kathaṁ gaṇāvavassaggaṭṭhena ekacariyaṁ daḷhaṁ kareyya. So evaṁ
pabbajito samāno eko araññavanapatthāni pantāni senāsanāni
paṭiseveyya appasaddāni appanigghosāni vijanavātāni manussarāhaseyyakāni
Paṭisallānasārūpāni. So eko gaccheyya eko
tiṭṭheyya eko nisīdeyya eko seyyaṁ kappeyya eko gāmaṁ
piṇḍāya paviseyya eko paṭikkameyya eko raho nisīdeyya
eko caṅkamaṁ adhiṭṭheyya eko careyya vihareyya iriyeyya vatteyya
pāleyya yapeyya yāpeyya evaṁ gaṇāvavassaggaṭṭhena ekacariyaṁ
daḷhaṁ kareyya 1 . Ekacariyaṁ daḷhaṁ kareyya thiraṁ kareyya daḷhasamādāno
assa avaṭṭhitasamādāno [2]- kusalesu dhammesūti ekacariyaṁ
daḷhaṁ kayirā.

[258] Na nisevetha methunanti methunadhammo nāma yo so
asaddhammo .pe. Taṁkāraṇā vuccati methunadhammo. Methunadhammaṁ
na seveyya na niseveyya na saṁseveyya na paṭiseveyyāti 3 na
nisevetha methunaṁ. Tenāha bhagavā
etamādīnavaṁ ñatvā muni pubbāpare idha
ekacariyaṁ daḷhaṁ kayirā na nisevetha methunanti.

[259] Vivekaññeva sikkhetha etadariyānamuttamaṁ
tena seṭṭho na maññetha sa ve nibbānasantike.

[260] Vivekaññeva sikkhethāti vivekoti tayo vivekā kāyaviveko
cittaviveko upadhiviveko. Katamo kāyaviveko .pe. Ayaṁ
upadhiviveko. Kāyaviveko ca vūpakaṭṭhakāyānaṁ nekkhammābhiratānaṁ
cittaviveko ca parisuddhacittānaṁ paramavodānappattānaṁ upadhiviveko
1 Po. Ma. Yu. kareyyāti. 2 Ma. assa. 3 Ma. itisaddo natthi na careyya na
samācareyya na samādāya vatteyyāti.
Ca nirūpadhīnaṁ puggalānaṁ visaṅkhāragatānaṁ. Sikkhāti tisso sikkhā
adhisīlasikkhā adhicittasikkhā adhipaññāsikkhā .pe. Ayaṁ adhipaññāsikkhā.
Vivekaññeva sikkhethāti vivekaññeva sikkheyya
ācareyya samācareyya samādāya vatteyyāti vivekaññeva
sikkhetha.

[261] Etadariyānamuttamanti ariyā vuccanti buddhā ca buddhasāvakā
ca paccekabuddhā ca ariyānaṁ etaṁ aggaṁ seṭṭhaṁ viseṭṭhaṁ
pāmokkhaṁ uttamaṁ pavaraṁ yadidaṁ vivekacariyāti etadariyānamuttamaṁ.

[262] Tena seṭṭho na maññethāti tāya vivekacariyāya
uṇṇatiṁ na kareyya uṇṇamaṁ na kareyya mānaṁ na kareyya [1]- thambhaṁ
na kareyya na tena mānaṁ janeyya bandhaṁ na kareyya na tena
thaddho assa patthaddho paggahitasiroti tena seṭṭho na maññetha.

[263] Sa ve nibbānasantiketi so nibbānassa santike
sāmantā āsanne avidūre upakaṭṭheti sa ve nibbānasantike.
Tenāha bhagavā
vivekaññeva sikkhetha etadariyānamuttamaṁ
tena seṭṭho na maññetha sa ve nibbānasantiketi.

[264] Rittassa munino carato kāmesu anapekkhino
oghatiṇṇassa pihayanti kāmesu gadhitā pajā.

[265] Rittassa munino caratoti rittassāti rittassa vivittassa
1 Ma. thāmaṁ na kareyya.
Pavivittassa kāyaduccaritena rittassa vivittassa pavivittassa
vacīduccaritena manoduccaritena rāgena dosena mohena kodhena
upanāhena makkhena paḷāsena issāya macchariyena māyāya
sāṭheyyena thambhena sārambhena mānena atimānena madena
pamādena sabbakilesehi sabbaduccaritehi sabbadarathehi sabbapariḷāhehi
sabbasantāpehi sabbākusalābhisaṅkhārehi rittassa vivittassa
pavivittassa. Muninoti monaṁ vuccati ñāṇaṁ yā paññā
pajānanā .pe. Saṅgajālamaticca so muni. Caratoti carato
viharato iriyato vattato pālayato yapayato yāpayatoti
rittassa munino carato.

[266] Kāmesu anapekkhinoti kāmāti uddānato dve
kāmā vatthukāmā ca kilesakāmā ca .pe. Ime vuccanti
vatthukāmā .pe. Ime vuccanti kilesakāmā. Vatthukāme
parijānitvā kilesakāme pahāya pajahitvā vinoditvā
byantīkaritvā anabhāvaṅgamitvā kāmesu anapekkhavā 1 cattakāmo
vantakāmo muttakāmo pahīnakāmo paṭinissaṭṭhakāmo vītarāgo
cattarāgo vantarāgo muttarāgo pahīnarāgo paṭinissaṭṭharāgo
nicchāto nibbuto sītibhūto sukhapaṭisaṁvedī brahmabhūtena attanā
viharatīti kāmesu anapekkhino.