[247] Atha satthāni kurute paravādehi coditoti athāti
padasandhi padasaṁsaggo padapāripūri akkharasamavāyo byañjanasiliṭṭhatā
padānupubbatāmetaṁ 2 athāti. Satthānīti tīṇi satthāni kāyasatthaṁ
vacīsatthaṁ manosatthaṁ. Tividhaṁ kāyaduccaritaṁ kāyasatthaṁ catubbidhaṁ
vacīduccaritaṁ vacīsatthaṁ tividhaṁ manoduccaritaṁ manosatthaṁ. Paravādehi
coditoti upajjhāyakehi vā ācariyakehi vā samānupajjhāyakehi vā
1 Ma. byādhito. 2 Ma. ...petaṁ.
Samānācariyakehi vā mittehi vā sandiṭṭhehi vā sambhattehi vā
sahāyehi vā codito sampajānamusā bhāsati abhirato ahaṁ bhante
ahosiṁ pabbajjāya mātā me posetabbā tenamhi vibbhantoti
bhaṇati pitā me posetabbo tenamhi vibbhantoti bhaṇati bhātā
me posetabbo bhaginī me posetabbā putto me posetabbo
dhītā me posetabbā mittā me posetabbā amaccā me
posetabbā ñātakā me posetabbā sālohitā me posetabbā
tenamhi vibbhantoti bhaṇati vacīsatthaṁ karoti [1]- janeti sañjaneti
nibbatteti abhinibbattetīti atha satthāni kurute paravādehi
codito.

[248] Esa khvassa mahāgedhoti eso kho assa mahāgedho
mahāvanaṁ mahāgahanaṁ mahākantāro mahāvisamo mahākuṭilo mahāpaṅko
mahāpalipo mahāpalibodho mahābandhanaṁ yadidaṁ sampajānamusāvādoti
esa khvassa mahāgedho.

[249] Mosavajjaṁ pagāhatīti mosavajjaṁ vuccati musāvādo.
Idhekacco sabhaggato vā parisaggato vā ñātimajjhagato vā
pūgamajjhagato vā rājakulamajjhagato vā abhinīto sakkhipuṭṭho ehi 2
bho purisa yaṁ jānāsi taṁ vadehīti. So ajānaṁ vā āha
jānāmīti jānaṁ vā āha na jānāmīti apassaṁ vā āha
passāmīti passaṁ vā āha na passāmīti iti attahetu vā
1 Ma. Yu. saṅkaroti. 2 Po. Ma. ehambho.
Parahetu vā āmisakiñcikkhahetu vā sampajānamusā bhāsati. Idaṁ
vuccati mosavajjaṁ. Apica tīhākārehi musāvādo hoti pubbevassa
hoti musā bhaṇissanti bhaṇantassa hoti musā bhaṇāmīti
bhaṇitassa hoti musā mayā bhaṇitanti imehi tīhākārehi musāvādo
hoti. Apica catūhākārehi [1]- pañcahākārehi. Chahākārehi.
Sattahākārehi. Aṭṭhahākārehi musāvādo hoti pubbevassa
hoti musā bhaṇissanti bhaṇantassa hoti musā bhaṇāmīti bhaṇitassa
hoti musā mayā bhaṇitanti vinidhāya diṭṭhiṁ vinidhāya khantiṁ
vinidhāya ruciṁ vinidhāya saññaṁ vinidhāya bhāvaṁ imehi
aṭṭhahākārehi musāvādo hoti. Mosavajjaṁ pagāhatīti mosavajjaṁ
pagāhati ogāhati ajjhogāhati pavisatīti mosavajjaṁ pagāhati.
Tenāha bhagavā
atha satthāni kurute paravādehi codito
esa khvassa mahāgedho mosavajjaṁ pagāhatīti.

[250] Paṇḍitoti samaññāto ekacariyaṁ adhiṭṭhito
athāpi methune yutto mandova parikissati.

[251] Paṇḍitoti samaññātoti idhekacco pubbe samaṇabhāve
kittivaṇṇakato hoti paṇḍito viyatto medhāvī bahussuto cittakathī
kalyāṇapaṭibhāṇo suttantikoti vā vinayadharoti vā dhammakathikoti
vā .pe. Nevasaññānāsaññāyatanasamāpattiyā lābhīti
1 Po. Ma. musāvādo hoti pubbevassa hoti musā bhaṇissanti bhaṇantassa hoti musā
bhaṇāmīti bhaṇitassa hoti musā mayā bhaṇitanti vinidhāya diṭṭhiṁ imehi catūhākārehi
musāvādo hoti. apica ....
Vā evaṁ ñāto hoti saññāto samaññātoti paṇḍitoti
samaññāto.

[252] Ekacariyaṁ adhiṭṭhitoti dvīhi kāraṇehi ekacariyaṁ adhiṭṭhito
pabbajjāsaṅkhātena vā gaṇāvavassaggaṭṭhena vā. Kathaṁ pabbajjāsaṅkhātena
ekacariyaṁ adhiṭṭhito. Sabbaṁ gharāvāsapalibodhaṁ
chinditvā .pe. Evaṁ pabbajjāsaṅkhātena ekacariyaṁ adhiṭṭhito.
Kathaṁ gaṇāvavassaggaṭṭhena ekacariyaṁ adhiṭṭhito. So evaṁ pabbajito
samāno eko araññavanapatthāni pantāni .pe. Evaṁ gaṇāvavassaggaṭṭhena
ekacariyaṁ adhiṭṭhitoti ekacariyaṁ adhiṭṭhito.

[253] Athāpi methune yuttoti methunadhammo nāma yo so
asaddhammo .pe. Taṁkāraṇā vuccati methunadhammo. Athāpi
methune yuttoti so aparena samayena buddhaṁ dhammaṁ saṅghaṁ sikkhaṁ
paccakkhāya hīnāyāvattitvā methunadhamme yutto payutto āyutto
samāyuttoti athāpi methune yutto.

[254] Mandova parikissatīti kapaṇo viya momūho viya kissati
parikissati parikilissati pāṇampi hanati adinnampi ādiyati
sandhimpi chindati nillopampi harati ekāgārikampi karoti
paripanthepi tiṭṭhati paradārampi gacchati musāpi bhaṇati evampi
kissati parikissati parikilissati. Tamenaṁ rājāno gahetvā vividhā
kammakāraṇā kārenti kasāhipi tāḷenti vettehipi tāḷenti
Aḍḍhadaṇḍakehipi tāḷenti hatthampi chindanti pādampi chindanti
hatthapādampi chindanti kaṇṇampi chindanti nāsampi chindanti
kaṇṇanāsampi chindanti vilaṅgathālikampi karonti saṅkhamuṇḍikampi
karonti rāhumukhampi karonti jotimālikampi karonti hatthapajjotikampi
karonti erakavattikampi karonti cirakavāsikampi
karonti eṇeyyakampi karonti baḷisamaṁsikampi karonti kahāpaṇakampi
karonti khārāpatacchikampi karonti palighaparivattikampi
karonti palālapīṭhakampi karonti tattenapi telena osiñcanti
sunakhehipi khādāpenti jīvantampi sūle uttāsenti asināpi
sīsaṁ chindanti evampi kissati parikissati parikilissati. Athavā
kāmataṇhāya abhibhūto pariyādinnacitto bhoge pariyesanto nāvāya
mahāsamuddaṁ pakkhandati sītassa purakkhato uṇhassa purakkhato
ḍaṁsamakasavātātapasiriṁsapasamphassehi rissamāno 1 khuppipāsāya pīḷiyamāno 2
gumabaṁ 3 gacchati takkolaṁ gacchati takkasilaṁ gacchati kālamukhaṁ
gacchati maraṇapāraṁ gacchati vesuṅgaṁ gacchati verāpathaṁ
gacchati javaṁ gacchati kamaliṁ 4 gacchati vaṅkaṁ 5 gacchati eḷavaddanaṁ 6
gacchati suvaṇṇakūṭaṁ gacchati suvaṇṇabhūmiṁ gacchati tambapaṇṇiṁ
gacchati suppāraṁ gacchati bharukaṁ 7 gacchati suraddhaṁ 8 gacchati
aṅgaṇekaṁ 9 gacchati gaṅgaṇaṁ 10 gacchati paramagaṅgaṇaṁ 11 gacchati yonaṁ
1 Ma. piḷiyamāno. 2 Ma. miyyamāno. 3 Ma. tigumbaṁ. 4 Ma. Yu. tamaliṁ.
5 Ma. vaṅgaṁ. 6 Ma. veḷabandhanaṁ. 7 Ma. bhārukacchaṁ. 8 Ma. suraṭṭhaṁ. 9 Ma.
bhaṅgalokaṁ. 10 Ma. bhaṅgaṇaṁ. 11 Ma. saramataṁ gaṇaṁ.
Gacchati pinaṁ 1 gacchati allasandaṁ 2 gacchati marukantāraṁ gacchati
jaṇṇupathaṁ gacchati ajapathaṁ gacchati meṇḍapathaṁ gacchati saṅkupathaṁ
gacchati chattapathaṁ gacchati vaṁsapathaṁ gacchati sakuṇapathaṁ gacchati
mūsikapathaṁ gacchati daripathaṁ gacchati vettādhāraṁ gacchati evampi
kissati parikissati parikilissati. Pariyesanto 3 na labhati alābhamūlakampi
dukkhadomanassaṁ paṭisaṁvedeti evampi kissati parikissati
parikilissati. Pariyesanto 4 labhati laddhā 5 ca ārakkhamūlakampi
dukkhadomanassaṁ paṭisaṁvedeti kinti me bhoge neva rājāno hareyyuṁ
na corā hareyyuṁ na aggi ḍaheyya na udakaṁ vaheyya na
appiyā dāyādā hareyyunti tassa evaṁ rakkhato gopayato [6]-
bhogā vippalujjanti [7]- vippayogamūlakampi dukkhadomanassaṁ paṭisaṁvedeti
evampi kissati parikissati parikilissatīti [8]- mandova parikissati.
Tenāha bhagavā
paṇḍitoti samaññāto ekacariyaṁ adhiṭṭhito
athāpi methune yutto mandova parikissatīti.

[255] Etamādīnavaṁ ñatvā muni pubbāpare idha
ekacariyaṁ daḷhaṁ kayirā na nisevetha methunaṁ.

[256] Etamādīnavaṁ ñatvā muni pubbāpare idhāti etanti
pubbe samaṇabhāve yaso ca kitti ca aparabhāge buddhaṁ dhammaṁ
1 Ma. Yu. paramayonaṁ. 2 Ma. vinakaṁ mūlapadaṁ. 3 Ma. gavesanto na vindati.
4 Ma. gavesanto. 5 Ma. laddhāpi. 6 Ma. Yu. te. 7 Ma. Yu. so.
8 Po. Ma. sacāpi methune yutto.
Saṅghaṁ sikkhaṁ paccakkhāya hīnāyāvattassa ayaso ca akitti ca
etaṁ sampattivipattiṁ ñatvā jānitvā tulayitvā tīrayitvā
vibhāvayitvā vibhūtaṁ katvā. Munīti monaṁ vuccati ñāṇaṁ yā paññā
pajānanā .pe. Saṅgajālamaticca so muni. Idhāti imissā
diṭṭhiyā imissā khantiyā imissā ruciyā imasmiṁ ādāye imasmiṁ
dhamme imasmiṁ vinaye imasmiṁ dhammavinaye imasmiṁ pāvacane imasmiṁ
brahmacariye imasmiṁ satthusāsane imasmiṁ attabhāve imasmiṁ manussaloketi
etamādīnavaṁ ñatvā muni pubbāpare idha.