[107] Attaṁ nirattaṁ na hi tassa atthīti attāti sassatadiṭṭhi 2
natthi nirattāti ucchedadiṭṭhi natthi attāti gahitaṁ natthi nirattāti
muñcitabbaṁ natthi. Yassatthi gahitaṁ tassatthi muñcitabbaṁ yassatthi
muñcitabbaṁ tassatthi gahitaṁ. Gahaṇamuñcanaṁ 3 samatikkanto arahā
vuḍḍhiparihāniṁ vītivatto. So vuṭṭhavāso ciṇṇacaraṇo .pe.
Natthi tassa punabbhavoti attaṁ nirattaṁ na hi tassa atthi.

[108] Adhosi so diṭṭhimidheva sabbanti tassa dvāsaṭṭhī
1 Ma. puggalaṁ. 2 Ma. attānudiṭṭhi. 3 Ma. gahaṇaṁ muñcanā.
Diṭṭhigatāni pahīnāni samucchinnāni vūpasantāni paṭippassaddhāni
abhabbuppattikāni ñāṇagginā daḍḍhāni. So sabbaṁ diṭṭhigataṁ
idheva adhosi dhuni sandhuni niddhuni pajahi vinodesi byantīakāsi
anabhāvaṅgamesīti adhosi so diṭṭhimidheva sabbaṁ. Tenāha bhagavā
upayo hi dhammesu upeti vādaṁ
anūpayaṁ kena kathaṁ vadeyya
attaṁ nirattaṁ na hi tassa atthi
adhosi so diṭṭhimidheva sabbanti.
Tatiyo duṭṭhaṭṭhakasuttaniddeso niṭṭhito.
---------------
Catuttho suddhaṭṭhakasuttaniddeso

[109] Passāmi suddhaṁ paramaṁ arogaṁ
diṭṭhena saṁsuddhi narassa hoti
evābhijānaṁ 1 paramanti ñatvā
suddhānupassīti pacceti ñāṇaṁ.

[110] Passāmi suddhaṁ paramaṁ aroganti passāmi suddhanti
passāmi suddhaṁ dakkhāmi suddhaṁ olokemi suddhaṁ nijjhāyāmi suddhaṁ
upaparikkhāmi suddhaṁ. Paramaṁ aroganti paramaṁ ārogyappattaṁ
khemappattaṁ tāṇappattaṁ leṇappattaṁ saraṇappattaṁ parāyanappattaṁ
abhayappattaṁ accutappattaṁ amatappattaṁ nibbānappattanti passāmi
suddhaṁ paramaṁ arogaṁ.

[111] Diṭṭhena saṁsuddhi narassa hotīti cakkhuviññāṇena 2
rūpadassanena narassa suddhi visuddhi parisuddhi mutti vimutti parimutti
hoti naro sujjhati visujjhati parisujjhati muccati vimuccati
parimuccatīti diṭṭhena saṁsuddhi narassa hoti.

[112] Evābhijānaṁ paramanti ñatvāti evaṁ abhijānanto
ājānanto vijānanto paṭivijānanto paṭivijjhanto idaṁ paramaṁ
aggaṁ seṭṭhaṁ viseṭṭhaṁ pāmokkhaṁ uttamaṁ paramanti ñatvā jānitvā
1 Yu. etābhijānaṁ. 2 Po. Ma. cakkhuviññāṇaṁ.
Tulayitvā tīrayitvā vibhāvayitvā vibhūtaṁ katvāti evābhijānaṁ
paramanti ñatvā.

[113] Suddhānupassīti pacceti ñāṇanti yo suddhaṁ passati so
suddhānupassī. Pacceti ñāṇanti cakkhuviññāṇena 1 rūpadassanaṁ
ñāṇanti pacceti maggoti pacceti pathoti pacceti niyyānanti
paccetīti suddhānupassīti pacceti ñāṇaṁ. Tenāha bhagavā
passāmi suddhaṁ paramaṁ arogaṁ
diṭṭhena saṁsuddhi narassa hoti
evābhijānaṁ paramanti ñatvā
suddhānupassīti pacceti ñāṇanti.

[114] Diṭṭhena ce suddhi narassa hoti
ñāṇena vā so pajahāti dukkhaṁ
aññena so sujjhati sopadhīko
diṭṭhī hi naṁ pāva tathā vadānaṁ.

[115] Diṭṭhena ce suddhi narassa hotīti cakkhuviññāṇena
rūpadassanena ce narassa suddhi visuddhi parisuddhi mutti vimutti
parimutti hoti naro sujjhati visujjhati parisujjhati muccati vimuccati
parimuccatīti diṭṭhena ce suddhi narassa hoti.

[116] Ñāṇena vā so pajahāti dukkhanti cakkhuviññāṇena
rūpadassanena ce naro jātidukkhaṁ pajahati jarādukkhaṁ pajahati byādhidukkhaṁ
1 Po. Ma. cakkhuviññāṇaṁ rūpadassanena ñāṇanti. sabbattha īdisameva.
Dukkhaṁ pajahati maraṇadukkhaṁ pajahati sokaparidevadukkhadomanassupāyāsadukkhaṁ
pajahatīti ñāṇena vā so pajahāti dukkhaṁ.