[1257] Dhammena rajjaṁ kārentaṁ raṭṭhā pabbājayittha maṁ
tvañca jānapadā ceva negamā ca samāgatā.

[1258] Dukkaṭañca hi no putta bhūnahaccaṁ kataṁ mayā
yohaṁ sivīnaṁ vacanā pabbājesiṁ adūsakaṁ.

[1259] Yenakenaci vaṇṇena pitu dukkhaṁ udabbahe
mātuyā bhaginiyāpi api pāṇehi attano.
(nhānakālo mahārāja rajojallaṁ pavāhaya 1 )

[1260] Tato vessantaro rājā rajojallaṁ pavāhayi
rajojallaṁ pavāhetvā saṅkhaṁ vaṇṇaṁ adhārayi. 2

[1261] Sīsanhāto sucivattho sabbābharaṇabhūsito
paccayaṁ nāgamāruyha khaggaṁ bandhi parantapaṁ.
1 katthaci potthake dissati. 3 katthaci potthake evaṁ dissati sabbaṁ vattaṁ
cajetvāna rājavesamadhārayi.
Tato saṭṭhī sahassāni yodhino cārudassanā
sahajātā parikariṁsu 1 nandayantā rathesabhaṁ.
Tato maddiṁpi nhāpesuṁ sivikaññā samāgatā
vessantaro taṁ pāletu jālī kaṇhājinā cubho
athopi taṁ mahārājā sañjayo abhirakkhatu.

[1262] Idañca paccayaṁ laddhā pubbe kilesamattano 2
ānandiyaṁ ācāriṁsu ramaṇīye giribbaje.
Idañca paccayaṁ laddhā pubbe kilesamattano 3
ānandacittā sumanā putte saṅgamma lakkhaṇā.
Idañca paccayaṁ laddhā pubbe kilesamattano 4
ānandacittā patītā saha puttehi lakkhaṇā.

[1263] Ekabhattī 5 pure āsiṁ niccaṁ thaṇḍilasāyinī
iti metaṁ vataṁ āsi tumhaṁ kāmā hi puttakā.
Taṁ me vataṁ samiddhajja tumhe saṅgamma puttakā
mātujaṁpi taṁ pāletu pitujaṁpi ca puttakā
athopi taṁ mahārājā sañjayo abhirakkhatu.
Yaṅkiñcitthi kataṁ puññaṁ mayhañceva pitucca te
sabbena tena kusalena ajaro tvaṁ 6 amaro bhava.

[1264] Kappāsikañca koseyyaṁ khomakodumbarāni ca
1 Ma. pakiriṁsu. 2-3-4 Ma. sallekhamattano. 5 ekabhattātipi. 6 Ma. ayaṁ pāṭho natthi.
Sassu suṇhāya pāhesi yehi maddī asobhatha.
Tato khomañca kāyūraṁ gīveyyaṁ ratanāmayaṁ
sassu suṇhāya pāhesi yehi maddī asobhatha.
Tato khomañca kāyūraṁ aṅgadaṁ maṇimekhalaṁ
sassu suṇhāya pāhesi yehi maddī asobhatha.
Uṇṇataṁ mukhaphullañca nānāratte ca māṇiye 1
sassu suṇhāya pāhesi yehi maddī asobhatha.
Uggatthanaṁ giṅgamakaṁ mekhalaṁ paṭipādukaṁ 2
sassu suṇhāya pāhesi yehi maddī asobhatha.
Suttañca suttavajjañca upanijjhāya seyyasi
asobhatha rājaputtī devakaññāva nandane.
Sīsanhātā sucivatthā sabbābharaṇabhūsitā
asobhatha rājaputtī tāvatiṁsāva accharā.
Kadalīva vātacchupitā jātā cittalatāvane
dantāvaraṇasampannā rājaputtī asobhatha.
Sakuṇī mānusinīva jātā cittappattā pati
nigrodhapakkabimboṭṭhī rājaputtī asobhatha.

[1265] Tassā ca nāgamānesuṁ nātivuḍḍhaṁva kuñjaraṁ
sattikkhamaṁ sarakkhamaṁ īsādantaṁ uruḷhavaṁ.
Sā maddī nāgamāruhi nātivuḍḍhaṁva kuñjaraṁ
1 Ma. māṇike. 2 Ma. paṭipādakaṁ. Yu. pālipādakaṁ.
Sattikkhamaṁ sarakkhamaṁ īsādantaṁ uruḷhavaṁ.

[1266] Sabbamhi taṁ araññamhi yāvantettha migā ahu
vessantarassa tejena nāññamaññaṁ viheṭhayuṁ.
Sabbamhi taṁ araññamhi yāvantettha dijā ahu
vessantarassa tejena nāññamaññaṁ viheṭhayuṁ.
Sabbamhi taṁ araññamhi yāvantettha migā ahu
ekajjhaṁ sannipātiṁsu
vessantare payātamhi sivīnaṁ raṭṭhavaḍḍhane.
Sabbamhi taṁ araññamhi yāvantettha dijā ahu
ekajjhaṁ sannipātiṁsu
vessantare payātamhi sivīnaṁ raṭṭhavaḍḍhane.
Sabbamhi taṁ araññamhi yāvantettha migā ahu
nāssa mañjūni kūjiṁsu
vessantare payātamhi sivīnaṁ raṭṭhavaḍḍhane.
Sabbamhi taṁ araññamhi yāvantettha dijā ahu
nāssa mañjūni kūjiṁsu
vessantare payātamhi sivīnaṁ raṭṭhavaḍḍhane.