[1237] Na deva mayhaṁ vacanā ehiti sivisuttamo
sayameva devo gantvāna siñca bhogehi atrajaṁ.

[1238] Tato senāpatiṁ rājā sañjayo ajjhabhāsatha
atthī assā rathā patti senā sannāhayantu naṁ
negamā ca maṁ anventu brāhmaṇā ca purohitā
tato saṭṭhī sahassāni yodhino cārudassanā
khippamāyantu sannaddhā nānāvaṇṇehilaṅkatā.
Nīlavatthadharāneke 1 pītāneke nivāsitā
aññe lohitauṇhīsā suddhāneke nivāsitā
khippamāyantu sannaddhā nānāvaṇṇehilaṅkatā.
Himavā yathā gandharo pabbato gandhamādano
nānārukkhehi sañchanno mahābhūtagaṇālayo.
Osadhehi ca dibbehi disā bhāti pavāti ca
khippamāyantu sannaddhā disā bhantu pavantu ca.
Tato nāgasahassāni yojayantu catuddasa
suvaṇṇakacche mātaṅge hemakappanivāsase 2 .
Āruḷhe 3 gāmaṇīyebhi tomaraṅkusapāṇibhi
khippamāyantu sannaddhā hatthikkhandhehi dassitā.
Tato assasahassāni yojayantu catuddasa
1 Sī. Yu. nīlavaṇṇadharāneke. 2 Ma. suvaṇṇakacchā mātaṅgā hemakappanavāsasā.
3 Ma. āruḷhā. aparaṁpi īdisameva.
Ājāniyeva 1 jātiyā sindhave sīghavāhane 2 .
Āruḷhe gāmaṇīyebhi indiyācāpadhāribhi
khippamāyantu sannaddhā assapiṭṭhe alaṅkatā.
Tato rathasahassāni yojayantu catuddasa
ayosukatanemiyo suvaṇṇacitrapokkhare.
Āropentu dhaje tattha cammāni kavacāni ca
vipphālentu 3 ca cāpāni daḷhadhammā pahārino
khippamāyantu sannaddhā rathesu rathajīvino.

[1239] Lājā olokiyā pupphā mālāgandhavilepanā
agghiyāni ca tiṭṭhantu yena maggena ehiti.
Gāme gāme sataṁ kumbhā merayassa surāya ca
maggamhi patitā ṭhantu 4 yena maggena ehiti.
Maṁsā pūvā ca saṅkulyā 5 kummāsā macchasaṁyutā
maggamhi patitā ṭhantu yena maggena ehiti.
Sappi telaṁ dadhi khīraṁ kaṅgupiṭṭhā 6 bahū surā
maggamhi patitā ṭhantu yena maggena ehiti.
Āḷārikā ca sūdā ca naṭanaṭṭakagāyino
pāṇissarā kumbhathūniyo muddikā 7 sokajjhāyikā.
Āhaññantu sabbavīṇā bheriyo dindimāni ca
1 Ma. ājānīyāva. 2 Ma. sindhavā sīghavāhanā. 3 Ma. vippālentu.
4 Ma. patitiṭṭhantu. ito paraṁ īdisameva. 5 Ma. maṁsā pūvā saṅkuliyo.
6 Ma. kaṅgubījā. 7 Ma. maṇḍakā.
Kharamukhāni dhamantu 1 nadantu ekapokkharā
mudiṅgā paṇḍavā saṅkhā godhā parivadantikā 2
dindimāni ca haññantu kuṭumbā dindimāni 3 ca.

[1240] Sā senā mahatī āsi uyyuttā sivivāhinī
jālinā magganāyena vaṅkaṁ pāyāsi pabbataṁ.
Koñcaṁ nadati mātaṅgo kuñjaro saṭṭhihāyano
kacchāya bajjhamānāya koñcaṁ nadati vāraṇo.
Ājāniyā hasiyanti 4 nemighoso ajāyatha
nabhaṁ rajo achādesi uyyuttā sivivāhinī.
Sā senā mahatī āsi uyyuttā hārihāriṇī
jālinā magganāyena vaṅkaṁ pāyāsi pabbataṁ.
Te pāviṁsu brahāraññaṁ bahusākhaṁ mahodakaṁ 5
puppharukkhehi sañchannaṁ phalarukkhehi cūbhayaṁ.
Tattha vindussarā vaggū nānāvaṇṇā bahū dijā
kūjantamupakūjanti utusaṁpupphite dume.
Te gantvā dīghamaddhānaṁ ahorattānamaccaye
padesantaṁ upāgañchuṁ yattha vessantaro ahu.
Mahārājapabbaṁ nāma.

[1241] Tesaṁ sutvāna nigghosaṁ bhīto vessantaro ahu
pabbataṁ abhirūhitvā bhīto senaṁ udikkhati.
1 Ma. dhamentu. Sī.Yu. vadantu. 2 Ma. parivadentikā. 3 Ma. kutumpadindimāni ca.
4 Sī. Yu. ahissiṁsu. 5 Yu. bahudijaṁ.
Iṅgha maddi nisāmehi nigghoso yādiso vane
ājāniyā hasiyanti dhajaggāneva dissare.
Ime nūna araññamhi migasaṅghāni luddakā
vāgurāhi parikkhippa sobbhe 1 pātetvā tāvade
vikkosamānā tippāhi hanti nesaṁ varaṁ varaṁ.
Tathā mayaṁ adūsakā araññe avaruddhakā
amittahatthatthagatā 2 passa dubbalaghātakaṁ.

[1242] Amittā nappasaheyyuṁ aggiva udakaṇṇave
tadeva tvaṁ vicintehi api sotthi ito siyā.

[1243] Tato vessantaro rājā orohitvāna pabbatā
nisīdi paṇṇasālāyaṁ daḷhaṁ katvāna mānasaṁ.

[1244] Nivattayitvāna rathaṁ vuṭṭhāpetvāna seniyo
ekaṁ araññe viharantaṁ pitā puttaṁ upāgami.
Hatthikkhandhato oruyha ekaṁso pañjalīkato
parikiṇṇo 3 amaccehi puttaṁ siñcitupāgami
tatthaddasa kumāraṁ so rammarūpaṁ samāhitaṁ
nisinnaṁ paṇṇasālāyaṁ jhāyantaṁ akutobhayaṁ.

[1245] Tañca disvāna āyantaṁ pitaraṁ puttagiddhinaṁ
vessantaro ca maddī ca paccuggantvā avandisuṁ.
Maddī ca sirasā pāde sassurassābhivādayi
1 Ma. sobbhaṁ. 2 Ma. amittahatthattaṁ gatā. 3 Sī. Yu. parikhitto.
Maddī ahañhi te deva pāde vandāmi te husā 1
tesu tattha palisajja pāṇinā parimajjatha.

[1246] Kacci vo kusalaṁ putta kacci putta anāmayaṁ
kacci uñchena yāpetha kacci mūlaphalā bahū.
Kacci ḍaṁsā makasā ca appameva siriṁsapā
vane vāḷamigākiṇṇe kacci hiṁsā na vijjati.