[1217] Mayhante dārakā deva dinnā vittena sañjaya
ajja paṇṇarasā ratti yato laddhā 3 me dārakā.
1 anivattītipi pāṭho. 2 kuhiṁ gacchasi brāhmaṇātipi pāṭho. 3 sī Yu. dinnā.

[1218] Kena vācāya peyyena 1 sammā ñāyena saddahe
ko te taṁ dānamadadā puttake dānamuttamaṁ.

[1219] Yo yācataṁ patiṭṭhāsi bhūtānaṁ dharaṇīriva
so me vessantaro rājā puttedāsi vane vasaṁ.
Yo yācataṁ gati āsi savantīnaṁva sāgaro
so me vessantaro rājā puttedāsi vane vasaṁ.

[1220] Dukkaṭaṁ vata bho raññā saddhena gharamesinā
kathaṁ nu puttake dajjā araññe avaruddhako.
Imaṁ bhonto nisāmetha yāvantettha samāgatā
kathaṁ vessantaro rājā puttedāsi vane vasaṁ.
Dāsaṁ dāsiñca so dajjā assaṁ cassatarīrathaṁ
hatthiñca kuñjaraṁ dajjā kathaṁ so dajja dārake.

[1221] Yassa nāssa ghare dāso asso cassatarīratho
hatthī ca kuñjaro nāgo kiṁ so dajjā pitāmaha.

[1222] Dānamassa pasaṁsāma nāvanindāma potaka 3
kathaṁ nu hadayaṁ āsi tumhe datvā vanibbake.

[1223] (pitā mayhaṁ mahārāja amhe datvā vanibbake
sutvāna kalūnaṁ vācaṁ acchakaṇhāya bhāsitaṁ 4 ).

[1224] Dukkhassa hadayaṁ āsi atho uṇhaṁpi assasi
1 Ma. kena vā vācapeyyena. 2 Sī. Yu. natthi. 3 Ma. na ca nindāma puttakā.
4 ayaṁ gāthā aṭṭhakathāpotthakeyeva dissati.
Rohaṇī heva tāmbakkhī pitā assūni vattayi.

[1225] Yantaṁ kaṇhājināvoca ayaṁ maṁ tāta brāhmaṇo
laṭṭhiyā paṭikoṭeti ghare jātaṁva dāsiyaṁ.
Na cāyaṁ brāhmaṇo tāta dhammikā honti brāhmaṇā
yakkho brāhmaṇavaṇṇena khādituṁ tāta neti no.
Nīyamāne pisācena kinnu tāta udikkhasi.

[1226] Rājaputtī ca vo mātā rājaputto ca vo pitā
pubbe me aṅkamāruyha kinnu tiṭṭhatha ārakā.