[1207] Maddiṁ hatthe gahetvāna udakassa kamaṇḍaluṁ
brāhmaṇassa adā dānaṁ sivīnaṁ raṭṭhavaḍḍhano.
Tadāsi yaṁ bhiṁsanakaṁ tadāsi lomahaṁsanaṁ
maddiṁ pariccajantassa medanī samakampatha 2 .
Nevassa maddī bhakuṭī 3 na sandhīyati na rodati
pekkhatevassa tuṇhiyā 4 esa jānāti yaṁ varaṁ.

[1208] Jāliṁ kaṇhājinaṁ dhītaṁ maddiṁ deviṁ patibbataṁ
cajamāno na cintesiṁ bodhiyāyeva kāraṇā.
Na me dessā ubho puttā maddī devī na appiyā
1 Ma. nappaṭiguyhāmi. 2 Ma. sampakampatha. 3 Ma. neva sā maddī bhākuṭī.
4 Ma. tuṇhī sā.
Sabbaññutaṁ piyaṁ mayhaṁ tasmā piye adāsahaṁ 1 .

[1209] Komārī yassāhaṁ bhariyā sāmiko mama issaro
yassicche tassa maṁ dajjā vikkīṇeyya haneyya vā.

[1210] Tesaṁ saṅkappamaññāya devindo etadabravi
sabbe jitā te paccuhā ye dibbā ye ca mānusā
ninnāditā te paṭhavī saddo te tidivaṅgato
samantā vijjutā āgū girīnaṁva paṭissutā.
Tassa te anumodanti ubho nāradapabbatā
indo ca brahmā ca pajāpatī ca
somo yamo vessavaṇo ca rājā
sabbe devānumodanti dukkaraṁ hi karoti so.
Duddadaṁ dadamānānaṁ dukkaraṁ kammakubbataṁ
asanto nānukubbanti sataṁ dhammo duranvayo.
Tasmā satañca asatañca 2 nānā hoti ito gati
asanto nirayaṁ yanti santo saggaparāyanā.
Yametaṁ kumāre adadā 3 bhariyaṁ adadā 3 vane vasaṁ
brahmayānamanokkamma sagge te taṁ vipaccatu.

[1211] Dadāmi bhoto bhariyaṁ maddiṁ sabbaṅgasobhiniṁ
tvañceva maddiyā channo maddī ca patinā saha.
1 Ma. imā dve gāthā na dissanti. 2 Ma. asataṁ. 3 adā.
Yathā payo ca saṅkho ca ubho samānavaṇṇino
evaṁ tuvañca maddī ca samānamanacetasā.
Avaruddhettha araññasmiṁ ubho sammatha assame
khattiyā gottasampannā sujātā mātupetito
yathā puññāni kayirātha dadantā aparāparaṁ.

[1212] Sakkohamasmi devindo āgatosmi tavantike
varaṁ varassu rājisi vare aṭṭha dadāmi te.

[1213] Varañce me ado sakka sabbabhūtānamissara
pitā maṁ anumodeyya ito pattaṁ sakaṁ gharaṁ
āsanena nimanteyya paṭhametaṁ varaṁ vare.
Purisassa vadhaṁ na roceyyaṁ api kibbisakārakaṁ
vajjhaṁ vadhamhā moceyyaṁ dutiyetaṁ varaṁ vare.
Ye vuḍḍhā ye ca daharā ye ca majjhimaporisā
mameva upajīveyyuṁ tatiyetaṁ varaṁ vare.
Paradāraṁ na gaccheyyaṁ sadārapasuto siyaṁ
thīnaṁ vasaṁ na gaccheyyaṁ catutthetaṁ varaṁ vare.
Putto me sakka jāyetha so ca dīghāyuko siyā
dhammena jine paṭhaviṁ pañcametaṁ varaṁ vare.
Tato ratyā vivasane suriyassuggamanaṁ pati
dibyā bhakkhā pātubhaveyyuṁ chaṭṭhametaṁ varaṁ vare.
Dadato me na khīyetha datvā nānutapeyyahaṁ
dadaṁ cittaṁ pasādeyyaṁ sattametaṁ varaṁ vare.
Ito vimuccamānāhaṁ saggagāmī visesagū
anibbattī 1 tato assaṁ aṭṭhametaṁ varaṁ vare.

[1214] Tassa taṁ vacanaṁ sutvā devindo etadabravi
aciraṁ vata te tāto pitā taṁ daṭṭhumessati.
Idaṁ vatvāna maghavā devarājā sujampati
vessantare varaṁ datvā saggakāyaṁ apakkami.
Sakkapabbaṁ nāma.

[1215] Kassetaṁ mukhamābhāti hemaṁvuttattamagginā
nikkhaṁva jātarūpassa ukkāmukhapahaṁsitaṁ.
Ubho sadisapaccaṅgā ubho sadisalakkhaṇā
jālissa sadiso eko ekā kaṇhājinā yathā.
Sīhā vilāva nikkhantā ubho sampattirūpakā
jātarūpamayāyeva ime dissanti dārakā.

[1216] Kuto nu tvaṁ bhāradvāja ime ānesi dārake
ajja raṭṭhamanuppatto kuto āgacchasi brāhmaṇa 2 .