[1197] Sā tattha paridevitvā pabbatāni vanāni ca
punadevassamaṁ gantvā sāmikassanti rodati 2 .
Na kho no deva passāmi yena te nīhaṭā matā
kākolāpi na vassanti matā me nūna dārakā.
Na kho no deva passāmi yena te nīhaṭā matā
sakuṇāpi na vassanti matā me nūna dārakā.
Na kho no deva passāmi yena te nīhaṭā matā
1 Ma. samo me. 2 Ma. rodi sāmikasantike. sāmikasantike rodi itipi.
Vicarantī rukkhamūlesu pabbatesu guhāsu ca.
Iti maddī varārohā rājaputtī yasassinī
bāhā paggayha kanditvā tattheva patitā chamā.

[1198] Tamajjhapattaṁ rājaputtiṁ udakenābhisiñcatha
assatthaṁ naṁ viditvāna atha naṁ etadabravi.
Ādiyeneva te maddi dukkhaṁ nakkhātumicchisaṁ
daliddo yācako vuḍḍho brāhmaṇo gharamāgato.
Tassa dinnā mayā puttā maddi mā bhāyi assasa
maṁ passa maddi mā putte mā bāḷhaṁ paridevayi
lacchāma putte jīvantā arogā ca bhavāmase.
Putte pasuñca dhaññañca yañca aññaṁ ghare dhanaṁ
dajjā sappuriso dānaṁ disvā yācakamāgate
anumodāhi me maddi puttake dānamuttamaṁ.

[1199] Anumodāmi te deva puttake dānamuttamaṁ
datvā cittaṁ pasādehi bhiyyo dānaṁ dado bhava.
Yo tvaṁ maccherabhūtesu manussesu janādhipa
brāhmaṇassa adā dānaṁ sivīnaṁ raṭṭhavaḍḍhano.

[1200] Ninnāditā te paṭhavī saddo te tidivaṅgato
samantā vijjutā āgū 2 girīnaṁva paṭissutā.

[1201] Tassa te anumodanti ubho nāradapabbatā
1 Ma. paridevasi. 2 Ma. āguṁ.
Indo ca brahmā ca pajāpatī ca
somo yamo vessavaṇo ca rājā
sabbe devānumodanti tāvatiṁsā saindakā.
Iti maddī varārohā rājaputtī yasassinī
vessantarassa anumodi puttake dānamuttamaṁ.
Maddīpabbaṁ nāma.

[1202] Tato ratyā vivasane 1 suriyassuggamanaṁ pati
sakko brāhmaṇavaṇṇena pāto nesaṁ adissatha.

[1203] Kacci nu bhoto kusalaṁ kacci bhoto anāmayaṁ
kacci uñchena yāpetha kacci mūlaphalā bahū.
Kacci ḍaṁsā makasā ca appameva siriṁsapā
vane vāḷamigākiṇṇe kacci hiṁsā na vijjati.

[1204] Kusalañceva no brahme atho brahme anāmayaṁ
atho uñchena yāpema atho mūlaphalā bahū.
Atho ḍaṁsā makasā ca appameva siriṁsapā
vane vāḷamigākiṇṇe hiṁsā mayhaṁ na vijjati.
Satta no māse vasataṁ araññe jīvisokinaṁ
idaṁpi dutiyaṁ passāma brāhmaṇaṁ devavaṇṇinaṁ
ādāya veluvaṁ daṇḍaṁ dhārentaṁ ajinakkhipaṁ.
Svāgatante mahābrahme atho te adurāgataṁ
1 Ma. vivasāne. sabbattha īdisameva.
Anto pavisa bhaddante pāde pakkhālayassu te.
Tiṇḍukāni piyālāni madhuke kāsamāriyo
phalāni khuddakappāni bhuñje brahme varaṁ varaṁ.
Idaṁpi pāniyaṁ sītaṁ ābhataṁ girigabbharā
tato piva mahābrahme sace tvaṁ abhikaṅkhasi.
Atha tvaṁ kena vaṇṇena kena vā pana hetunā
anuppattosi brahāraññaṁ taṁ me akkhāhi pucchito.

[1205] Yathā vārivaho pūro sabbakālaṁ na khīyati
evantaṁ yācitāgacchiṁ bhariyaṁ me dehi yācito.

[1206] Dadāmi na vikampāmi yaṁ maṁ yācasi brāhmaṇa
santaṁ nappaṭigūhāmi 1 dāne me ramate mano.