[1187] Kimidaṁ tuṇhībhūtosi api ratteva me mano
kākolāpi na vassanti matā me nūna dārakā.
1 Ma. paccuṭṭhenti. 2 Ma. chakaliṁva migiṁ. 3 Ma. pavilokenti. 4 Ma. idaṁ
nesaṁ kīḷānakaṁ. 5 Ma. mayhime. 6 Ma. ucchaṅgeko vicināti. 7 Ma. yassu.
8 Ma. ucchaṅge.
Kimidaṁ tuṇhībhūtosi api ratteva me mano
sakuṇāpi na vassanti matā me nūna dārakā.
Kacci nu me ayyaputta migā khādiṁsu dārake
araññe īriṇe vivane kena nītā me dārakā.
Ādū te pahitā dūtā ādū suttā piyaṁvadā
ādū bahi no nikkhantā khiḍḍāsu pasutā nu te.
Nevāsaṁ kesā dissanti hatthapādā ca jālino
sakuṇānañca opāto kena nītā me dārakā.

[1188] Idaṁ tato dukkhataraṁ sallaviddho yathā vaṇo
tyajja putte na passāmi jāliṁ kaṇhājinaṁ cubho.
Idaṁpi dutiyaṁ sallaṁ kampeti hadayaṁ mama
yañca putte na passāmi tvañca maṁ nābhibhāsasi.
Ajja ce 1 me imaṁ rattiṁ rājaputta na saṁsasi
maññe okkantasantaṁ 2 maṁ pāto dakkhasi no mataṁ.

[1189] Nanu maddī varārohā rājaputtī yasassinī
pāto gatāsi uñchāya kimidaṁ sāyamāgatā.

[1190] Nanu tvaṁ saddamassosi ye saraṁ pātumāgatā
sīhassa vinadantassa 3 byagghassa ca nikūjitaṁ.
Ahu pubbanimittaṁ me vicarantyā brahāvane
khaṇitto me hatthā patito uggīvañcāpi aṁsato.
1 Ma. ajjeva. 2 okkantasattantipi. 3 Ma. sīhassapi nadantassa.
Tadāhaṁ byatthitā bhītā puthuṁ katvāna añjaliṁ
sabbā disā namassissaṁ api sotthi ito siyā.
Mā heva no rājaputto hato sīhena dīpinā
dārakā vā parāmaṭṭhā acchakokataracchibhi.
Sīho byaggho ca dīpi ca tayo vāḷā vane migā
te maṁ pariyāvaruṁ maggaṁ tena sāyamhi āgatā.

[1191] Ahaṁ patiñca putte ca ācariyamiva māṇavo
anuṭṭhitā divārattiṁ jaṭinī brahmacārinī.
Ajināni paridahitvā vanamūlaphalahāriyā
vicarāmi divārattiṁ tumhaṁ kāmā hi puttakā.
Idaṁ suvaṇṇahāliddaṁ ābhataṁ paṇḍuveluvaṁ
rukkhapakkāni cāhāsiṁ ime vo puttakīḷanā.
Idaṁ mūḷālivattakaṁ sālukaṁ jiñjarodakaṁ 1
bhuñja khuddena saṁyuttaṁ saha puttehi khattiya.
Padumaṁ jālino dehi kumudaṁ pana kumāriyā
māline passa naccante siviputtāni avhaya.
Tato kaṇhājinā yāti nisāmehi rathesabha
mañjussarāya vagguyā assamaṁ upagacchantiyā 2 .
Samānasukhadukkhamhā raṭṭhā pabbājitā ubho
1 Ma. ciñcabhedakaṁ. 2 Ma. upayantiyā.
Api siviputte passesi jāliṁ kaṇhājinaṁ cubho.
Samaṇe brāhmaṇe nūna brahmacariyaparāyane
ahaṁ loke abhisasiṁ 1 sīlavante bahussute
tyajja putte na passāmi jāliṁ kaṇhājinaṁ cubho.

[1192] Ime te jambukā rukkhā vedisā sindhuvāritā
vividhāni rukkhajātāni te kumārā na dissare.
Assatthā panasā ceme nigrodhā ca kapitthanā
vividhāni phalajātāni te kumārā na dissare.
Ime tiṭṭhanti ārāme ayaṁ sītūdakā nadī
yatthassu pubbe kīḷiṁsu te kumārā na dissare.
Vividhāni pupphajātāni asmiṁ upari pabbate
yānassu pubbe dhāriṁsu te kumārā na dissare.
Vividhāni phalajātāni asmiṁ upari pabbate
yānassu pubbe bhuñjiṁsu te kumārā na dissare.
Ime te hatthikā assā balibaddhā ca no ime
yehissu pubbe kīḷiṁsu te kumārā na dissare.

[1193] Ime sāmā sasolūkā bahukā kadalīmigā
yehissu pubbe kīḷiṁsu te kumārā na dissare.
Ime haṁsā ca koñcā ca mayurā citrapekhuṇā
yehissu pubbe kīḷiṁsu te kumārā na dissare.
1 Ma. abhissapiṁ.

[1194] Imā tā vanagumbāyo pupphitā sabbakālikā
yatthassu pubbe kīḷiṁsu te kumārā na dissare.
Imā tā pokkharaṇī rammā cakkavākūpakūjitā
maṇḍālakehi sañchannā padumuppalakehi ca
yatthassu pubbe kīḷiṁsu te kumārā na dissare.

[1195] Na te kaṭṭhāni bhinnāni na te udakamābhataṁ
aggipi te na hāpito kinnu mandova jhāyasi.
Piyo piyena saṅgamma samohaṁ 1 byapahaññati
tyajja putte na passāmi jāliṁ kaṇhājinaṁ cubho.

[1196] Na kho no deva passāmi yena te nīhaṭā matā
kākolāpi na vassanti matā me nūna dārakā.
Na kho no deva passāmi yena te nīhaṭā matā
sakuṇāpi na vassanti matā me nūna dārakā.