[1167] Ime kumāre disvāna mañjuke piyabhāṇine
dhamme ṭhito mahārājā sivīnaṁ raṭṭhavaḍḍhano
laddhā pītisomanassaṁ bahuṁ dassati te dhanaṁ.

[1168] Nāhantaṁpi karissāmi yaṁ maṁ tvaṁ anusāsasi
dārakeva ahaṁ nessaṁ brāhmaṇiyā paricārike.

[1169] Tato kumārā byatthitā 3 sutvā luddassa bhāsitaṁ
tena tena padhāviṁsu jālī kaṇhājinā cubho.

[1170] Ehi tāta piyaputta pūretha mama pāramiṁ
1 Ma. ayyathassapi dassehi. 2 Ma. jino. 3 Ma. byathitā. Sī. Yu. byadhitā.
Hadayaṁ mebhisiñcetha karotha vacanaṁ mama.
Yānanāvāva 1 me hotha acalā bhavasāgare
jātipāraṁ tarissāmi santāressaṁ sadevakaṁ.
Ehi amma piyā dhītā 2 piyā me dānapāramī 3
hadayaṁ mebhisiñcetha karotha vacanaṁ mama.
Yānanāvāva 4 me hotha acalā bhavasāgare
jātipāraṁ tarissāmi uddharissaṁ sadevakaṁ.

[1171] Tato kumāre ādāya jāliṁ kaṇhājinaṁ cubho
brāhmaṇassa adā dānaṁ sivīnaṁ raṭṭhavaḍḍhano.
Tato kumāre ādāya jāliṁ kaṇhājinaṁ cubho
brāhmaṇassa adā citto 5 puttake dānamuttamaṁ.
Tadāsi yaṁ bhiṁsanakaṁ tadāsi lomahaṁsanaṁ
yaṁ kumāre padinnamhi medanī samakampatha 6 .
Tadāsi yaṁ bhiṁsanakaṁ tadāsi lomahaṁsanaṁ
yaṁ pañjalikato rājā kumāre sukhavacchite
brāhmaṇassa adā dānaṁ sivīnaṁ raṭṭhavaḍḍhano.

[1172] Tato so brāhmaṇo luddo lataṁ dantehi chindiya
latāya hatthe bandhitvā latāya anupajjatha 7 .
Tato so rajjumādāya daṇḍañcādāya brāhmaṇo
1-4 Ma. yānā nāvā ca. 2 Ma. piyadhīti. 3 Ma. pūretha mama pāramiṁ.
5 vittotipi pāṭho. 6 Ma. sampakampatha. 7 Ma. anumajjatha.
Ākoṭayanto te neti sivirājassa pekkhato.

[1173] Tato kumārā pakkāmuṁ brāhmaṇassa pamuñciya
assupuṇṇehi nettehi pitaraṁ so udikkhati.
Vedhamassatthapattaṁva pitu pādāni vandati
pitu pādāni vanditvā idaṁ vacanamabravi.
Ammā ca tāta nikkhantā tvañca no tāta dassasi
yāva ammaṁpi passemu atha no tāta dassasi.
Ammā ca tāta nikkhantā tavañca no tāta dassasi
mā no tvaṁ tāta adadā yāva ammāpi eti 1 no.
Tadāyaṁ brāhmaṇo kāmaṁ vikkīṇātu hanātu vā
balaṅkapādo addhanakho 2 atho obaddhapiṇḍiko 3
dīghottaroṭṭho capalo kaḷāro bhagganāsako.
Kumbhodaro bhaggapiṭṭhī atho visamacakkhuko
lohamassu haritakeso valīnaṁ tilakāhato.
Piṅgalo ca vinato ca vikaṭo ca brahā kharo
ajinānipi 4 sannaddho amanusso bhayānako.
Manusso udāhu yakkho maṁsalohitabhojano
gāmā araññamāgamma dhanaṁ taṁ tāta yācati.
Nīyamāne pisācena kinnu tāta udikkhasi
asmā nūna te hadayaṁ ayasā 5 daḷhabandhanaṁ.
1 Ma. et. 2 Ma. andhanakho. 3 Ma. ovaddha .... 4 Ma. ajināni ca.
5 Ma. āyasaṁ.
Yo no bandhe 1 na jānāsi brāhmaṇena dhanesinā
accāyikena luddena yo no gāvova sumbhati.
Idheva acchataṁ kaṇhā na sā jānāti kismiñci
migīva khīrasammattā yūthā hīnā va kandati 2 .

[1174] Na me idaṁ tathā dukkhaṁ labbhā hi pumunā idaṁ
yañca ammaṁ na passissaṁ 3 taṁ me dukkhataraṁ ito.
Na me idaṁ tathā dukkhaṁ labbhā hi pumunā idaṁ
yañca tātaṁ na passissaṁ 4 taṁ me dukkhataraṁ ito.
Sā nūna kapaṇā ammā ciraṁ rattāya 5 ruccati
kaṇhājinaṁ apassantī kumāriṁ cārudassaniṁ.
So nūna kapaṇo tāto ciraṁ rattāya ruccati
kaṇhājinaṁ apassanto kumāriṁ cārudassaniṁ.
Sā nūna kapaṇā ammā ciraṁ ruccati assame
kaṇhājinaṁ apassantī kumāriṁ cārudassaniṁ.
So nūna kapaṇo tāto ciraṁ ruccati assame
kaṇhājinaṁ apassanto kumāriṁ cārudassaniṁ.
Sā nūna kapaṇā ammā ciraṁ rattāya ruccati
aḍḍharatteva ratte vā nadīva avasussati 6 .
So nūna kapaṇo tāto ciraṁ rattāya ruccati
aḍḍharatteva ratte vā nadīva avasussati 7 .
1 Ma. baddhe. 2 Ma. hīnā pakandati. 3-4 Ma. passāmi. 5 Ma. cirarattāya.
6-7 Ma. avasucchati.
Ime te jambukā rukkhā vedisā sindhuvāritā 1
vividhāni rukkhajātāni tāni ajja jahāmase.
Assatthā panasā ceme nigrodhā ca kapitthanā
vividhāni phalajātāni tāni ajja jahāmase.
Ime tiṭṭhanti ārāmā ayaṁ sītūdakā nadī
yatthassu pubbe kīḷāma tāni ajja jahāmase.
Vividhāni pupphajātāni asmiṁ upari pabbate
yānassu pubbe dhārema tāni ajja jahāmase.
Vividhāni phalajātāni asmiṁ upari pabbate
yānassu pubbe bhuñjāma tāni ajja jahāmase.
Ime no hatthikā assā balibaddhā ca no ime
yehissu pubbe kīḷāma tāni ajja jahāmase.

[1175] Nīyamānā kumārā te pitaraṁ etadabravuṁ
ammaṁ ārogyaṁ vajjāsi tvañca tāta sukhī bhava.
Ime no hatthikā assā balibaddhā ca no ime
tāni ammāya dajjāsi 2 sokantehi vinessati.
Ime no hatthikā assā balibaddhā ca no ime
tāni ammā udikkhantī sokaṁ paṭivinessati.

[1176] Tato vessantaro rājā dānaṁ datvāna khattiyo
paṇṇasālaṁ pavisitvā kalūnaṁ paridevayi.
1 Ma. sinduvārakā. 2 Ma. dajjesi.
Kanvajjacchātā 1 tasitā uparucchenti 2 dārakā
sāyaṁ saṁvesanākāle ko ne dassati bhojanaṁ.
Kanvajjacchātā 3 tasitā uparucchenti 4 dārakā
sāyaṁ saṁvesanākāle amma chātamha detha no.
Kathannu pathaṁ gacchanti pattikā anupāhanā
santā sūnehi pādehi ko ne hatthe gahessati.
Kathannu so na lajjeyya sammukhā paharaṁ mama
adūsakānaṁ puttānaṁ alajjī vata brāhmaṇo.
Yopime dāsīdāsassa añño vāpana pesiyo
tassāpi suvihīnassa ko lajjī paharissati.
Vārijasseva me sato bandhassa kumināmukhe
akkosati paharati piye putte apassato.