[1147] Na bhavaṁ eti puññatthaṁ sivirājassa dassanaṁ
maññe bhavaṁ patthayati rañño bhariyaṁ patibbataṁ.
Maññe kaṇhājinaṁ dāsiṁ jāliṁ dāsañca icchasi
athavā tayo mātāputte araññā netumāgato
Na tassa bhogā vijjanti dhanaṁ dhaññañca brāhmaṇa.

[1148] Akuddharūpohaṁ bhoto 1 nāhaṁ yācitumāgato
sāhu dassanamariyānaṁ sannivāso sadā sukho
adiṭṭhapubbo sivirājā sivīhi vippavāsito
tamahaṁ dassanamāgato yadi jānāsi saṁsa me.

[1149] Esa selo mahābrahme pabbato gandhamādano
yattha vessantaro rājā saha puttehi sammati.
Dhārento brāhmaṇavaṇṇaṁ āsadañca masañjaṭaṁ
cammavāsī chamā seti jātavedaṁ namassati.
Ete nīlā padissanti nānāphaladharā dumā
uggatā abbhakūṭāva nīlā añjanapabbatā
dhavassakaṇṇā khadirā sālā phandanamāluvā
sampavedhenti vātena sakiṁ pītāva māṇavā.
Upari dumapariyāyesu saṅgītiyova suyyare
najjuhā kokilā saṅghā sampatanti dumā dumaṁ.
Avhayanteva gacchantaṁ sākhā pattasamīritā
ramayanteva āgantuṁ modayanti nivāsinaṁ.
Yattha vessantaro rājā saha puttehi sammati
dhārento brāhmaṇavaṇṇaṁ āsadañca masañjaṭaṁ
cammavāsī chamā seti jātavedaṁ namassati.
1 Sī. Yu. bhotā.
Kirerīmālā vitatā bhūmibhāge manorame
saddalā haritā bhūmi na tatthuddhaṁsate rajo.
Mayūragīvasaṅkāsā tūlaphassasamūpamā
tiṇāni nātivattanti samantā caturaṅgulā.
Ambā jambū kapiṭṭhā ca nīce pakkā cudumbarā
paribhogehi rukkhehi vanantaṁ rativaḍḍhanaṁ.
Veḷuriyavaṇṇasannibhaṁ macchagumbanisevitaṁ
suci sugandhaṁ salilaṁ āpo tatthapi sandati.
Tassāvidūre pokkharaṇī bhūmibhāge manorame
padumuppalasañchannā devānamiva nandane.
Tīṇi uppalajātāni tasmiṁ sarasi brāhmaṇa
vicitranīlānekāni setā lohitakāni ca.

[1150] Khomāva tattha padumā setasogandhiyehi ca 1
kalambakehi sañchanno mucalindo nāma so saro.
Athettha padumā phullā apariyantāva dissare
gimhā hemantikā phullā jaṇṇutagghā upattharā.
Surabhī sampavāyanti vicitrā pupphasanthatā
bhamarā pupphagandhena samantāmabhināditā.

[1151] Athettha udakantasmiṁ rukkhā tiṭṭhanti brāhmaṇa
kadambā pāṭalī phullā koviḷārā ca pupphitā.
Aṅkolā kaccikārā ca pārijaññā ca pupphitā
1 ma ...gandhikehi ca.
Vāraṇā vuyhanā 1 rukkhā mucalindamubhato 2 saraṁ.
Sirīsā setapārisā 3 sādhu vāyanti padmakā
niggaṇḍī saraniggaṇḍī 4 asanā cettha pupphitā.
Paṅkurā 5 bahulā selā sobhañjanā ca pupphitā
ketakā kaṇikārā ca kaṇaverā ca pupphitā.
Ajjunā ajjukaṇṇā ca mahānāmā ca pupphitā
sampupphitaggā tiṭṭhanti pajjalanteva kiṁsukā.
Setapaṇṇi sattapaṇṇā kadaliyo kusumbharā
dhanutakkāripupphehi sīsapāvaraṇāni ca.
Acchipā simbalīrukkhā 6 sallakiyo ca pupphitā
setagerūtagarikā maṁsikoṭṭhakulāvarā 7 .
Daharā rukkhā vuḍḍhā ca akuṭilā cettha pupphitā
assamaṁ ubhato ṭhanti agyāgāraṁ samantato.

[1152] Athettha udakantasmiṁ bahū jātā phaṇijjakā
muggatiyo karatiyo sevālaṁ sīsakaṁ bahu 8 .
Uddhāpavattaṁ 9 ulluḷitaṁ makkhikā hiṅgujālikā
dāsimakañcako cettha bahū nīce kalambakā.
Eḷambakehi sañchannā rukkhā tiṭṭhanti brāhmaṇa
sattāhaṁ dhāriyamānānaṁ gandho tesaṁ na chijjati.
1 Ma. vayanā. Sī. Yu. sāyanā. 2 Sī. Yu. ..ṃabhito. 3 Sī. Yu. setavārisā.
4 Ma. nigguṇḍī sirīnigguṇḍī. 5 Ma. paṅgurā. 6 Ma. acchivā sallavā. Sī. ..
sabalā. Yu. ... simalā. 7 Ma. ...kaṭṭha.... 8 Ma. sevālasīsakā bahū. 9 Ma.
uddāpavattaṁ.
Ubhato sarañca mucalindaṁ pupphā tiṭṭhanti bhāgaso
indivarehi sañchannaṁ vanantamupasobhati
aḍḍhamāsaṁ dhāriyamānānaṁ gandho tesaṁ na chijjati.
Nīlapupphisetavārī pupphitā girikaṇṇikā
kalerukkhehi 1 sañchannaṁ vanantaṁ tulasīhi ca.
Sammoditeva 2 gandhena pupphasākhāhi taṁ vanaṁ
bhamarā pupphagandhena samantāmabhināditā.
Tīṇi kakkārujātāni tasmiṁ sarasi brāhmaṇa
kumbhamattāni cekāni muramattāni 3 vā ubho.

[1153] Athettha sāsapo bahuko nādiyo haritāyuto
asītālāva tiṭṭhanti chejjā indivarā bahū.
Apphoṭā suriyavallī ca kāḷiyā madhugandhiyā
asokā mudayantī ca vallibho khuddapupphiyo.
Koraṇḍakā anojā ca pupphitā nāgamallikā 4
rukkhamāruyha tiṭṭhanti phullā kiṁsukavalliyo.
Kaṭeruhā pavāsenti yodhikā madhugandhiyā
niliyā sumanā bhaṇḍī sobhati padumuttaro.
Pāṭalisamuddakappāsī kaṇikārā ca pupphitā
hemajālāva dissanti rucirā aggisikhūpamā 5 .
Yāni tāni ca pupphāni thalajānūdakāni ca
1 Sī. kaṭerukehi. Yu. kaṭerukkhehi. 2 Ma. sammaddateva. 3 Ma. murajamattāni
tā ubho. 4 Sī. Yu. nāgavallitā. 5 Ma. ruciraggi sikhūpamā.
Sabbāni tattha dissanti evaṁ rammo mahodadhi.

[1154] Athassā pokkharaṇiyā bahukā vārigocarā
rohitā nalapesiṅgū 1 kumbhilā makarā susū.
Madhu ca madhulaṭṭhi ca tāliyā ca piyaṅgukā
kuddajā bhaddamuṭṭhā 2 ca sattapupphā 3 ca lolupā.
Surabhimarutagarā 4 bahukā tuṅgavalliyo 5
padmakā nāradā koṭṭhā jhāmakā ca hareṇukā.
Haliddakā gandhaselā hariverā ca guggulā
vibhedakā corakoṭṭhā 6 kappurā ca kaliṅgukā.

[1155] Athettha sīhā byagghā ca purisālū ca hatthiyo
eṇeyyā pasadā ceva rohitā 7 sarabhā migā.
Koṭṭhasuṇā suṇopi ca tuliyā naḷasannibhā
cāmarī calanī laṅghī jhāpitā makkaṭā picu.
Kakkaṭā katamāyā ca ikkā goṇasirā bahū
khaggā varāhā nakulā kāḷakettha bahutaso.
Mahisā 8 soṇā sigālā cappakā 9 ca samantato
ākuccā pacalākā ca citrakā cāpi dīpiyo.
Pelakā ca vighāsādā sīhā kokanisātakā 10
aṭṭhapādā ca morā ca bhassarā ca kukuṭṭhakā.
1 Ma. naḷapī siṅgū. 2 Ma. kuṭaṇḍajā bhaddamuttā. 3 satapupphātipi pāṭho.
Ma. setapupphā. 4 Ma. surabhī ca rukkhā tagarā. 5 Ma. tuvaṅgavaṇṭakā.
6 Ma. vibhedikā corakā kuṭaṭhā. 7 Ma. rohiccā. 8 Ma. mahiṁsā. 9 Ma.
pampakā. 10 Ma. gogaṇisādakā.
Caṅkorā kukkuṭā nāgā aññamaññaṁ pakūjino
bakā balākā najjuhā dindibhā koñcavādikā 1
byagghinasā lohapiṭṭhā cappakā 2 jīvajīvakā
kapiñjarā tittirāyo kulāvā paṭikuṭṭhakā.
Maṇḍālakā celakeḷu bhaṇḍutittiranāmakā
celāvakā piṅgulāyo godhakā aṅgahetukā.
Karavikā 3 ca saggā ca uhuṅkārā ca kukkuhā
nānādijagaṇākiṇṇaṁ nānāsaranikūjitaṁ.

[1156] Athettha sakuṇā santi nīlakā 4 mañjubhāṇikā
modanti saha bhariyāhi aññamaññaṁ pakūjino.
Athettha sakuṇā santi dijā mañjussarāsitā
setakkhikūṭā bhadrakkhā aṇḍajā citrapekkhaṇā 5 .
Athettha sakuṇā santi dijā mañjussarāsitā
sikhaṇḍī nīlagīvāhi aññamaññaṁ pakūjino.
Kukkuṭṭhakā kuḷīrakā koṭṭhā pokkharasātakā
kāḷaveyyā balīyakkhā kadambā suvasālikā.
Haliddā lohitā setā athettha naḷakā bahū
vāraṇā bhiṅgarājā ca kadambā suvakokilā.
Ukkusā kururā haṁsā āṭā parivadentikā
1 Ma. kuñjavājitā. Sī. Yu. kuṇjavādikā. 2 Ma. pammakā. Sī. Yu. pampakā.
3 Ma. karaviyā. 4 Ma. sālikātipi pāṭho. 5 Ma. citrapekkhuṇā.
Cākahaṁsā 1 atibalā najjuhā jīvajīvakā.
Pārevatā ravihaṁsā cākavākā 2 nadīcarā
vāraṇābhirudā rammā ubho kālupakūjino
athettha sakuṇā santi nānāvaṇṇā bahū dijā
modanti saha bhariyāhi aññamaññaṁ pakūjino.
Athettha sakuṇā santi nānāvaṇṇā bahū dijā
sabbe mañjū nikūjanti mucalindamubhato saraṁ.
Athettha sakuṇā santi karavīkā 3 nāma te dijā
modanti saha bhariyāhi aññamaññaṁ pakūjino.
Athettha sakuṇā santi karavīkā 3 nāma te dijā
sabbe mañjū nikūjanti mucalindamubhato saraṁ.
Eṇeyyā pasadākiṇṇaṁ nāgasaṁsevitaṁ vanaṁ
nānālatāhi sañchannaṁ kadalimigasevitaṁ.
Athettha sāmā bahukā 4 nivāro varako bahu
sāli akaṭṭhapāko ca ucchu tattha anappako.
Ayaṁ ekapadī eti ujuṁ gacchati assamaṁ
khuddaṁ pipāsaṁ aratiṁ tattha patto na vindati.
Yattha vessantaro rājā saha puttehi sammati
dhārento brāhmaṇavaṇṇaṁ āsadañca masañjaṭaṁ
cammavāsī chamā seti jātavedaṁ namassati.
1 Ma. pākahaṁsā. 2 Ma. cakkavākā. 3 Ma. karaviyā nāma. 4 Ma. sāsapo
bahuko.