[1127] Natthi me sippaṭṭhānaṁ vā dhanaṁ dhaññañca brāhmaṇi
1 Ma. abhisapi. 2 Ma. dahariyā satī. 3 Ma. jagghitumpi. 4 Ma. mantayanti.
5 Ma. sabbesaṁ sokā nassanti.
Kutohaṁ dāsaṁ dāsiṁ vā ānayissāmi bhotiyā
ahaṁ bhotiṁ upaṭṭhissaṁ mā bhotī kuppitā ahu.

[1128] Ehi te ahamakkhissaṁ yathā me vacanaṁ sutaṁ
esa vessantaro rājā vaṅke vasati pabbate.
Taṁ tvaṁ gantvāna yācassu dāsaṁ dāsiñca brāhmaṇa
so te dassati yācito dāsaṁ dāsiñca khattiyo.

[1129] Jiṇṇohamasmi dubbalo 1 dīgho caddhā suduggamo
mā bhotī paridevesi mā bhotī 2 vimanā ahu
ahaṁ bhotiṁ upaṭṭhissaṁ mā bhotī kuppitā ahu.

[1130] Yathā agantvā saṅgāmaṁ ayuddheva parājito
evameva tuvaṁ brahme agantvāva parājito.
Sace me dāsaṁ dāsiṁ vā nānayissasi brāhmaṇa
evaṁ brāhmaṇa jānāhi na te vacchāmihaṁ ghare
amanāpante karissāmi tante dukkhaṁ bhavissati.
Nakkhatte utupubbesu yadā maṁ dakkhasilaṅkataṁ
aññehi saddhiṁ ramamānaṁ tante dukkhaṁ bhavissati.
Adassanena mayhante jiṇṇassa paridevato
bhiyyo vaṅkā palitā ca bahū hessanti brāhmaṇa.

[1131] Tato so brāhmaṇo bhīto brāhmaṇiyā vasānugo
aṭṭito kāmarāgena brāhmaṇiṁ etadabravi.
1 Sī. Yu. abalo. 2 Ma. mā ca tavaṁ.
Pātheyyaṁ me karohi tvaṁ saṅkulā saṅguḷāni 1 ca
madhupiṇḍikā ca sukatāyo sattubhattañca brāhmaṇi.
Ānayissaṁ methunake ubho dāsakumārake
te ca 2 paricarissanti rattindivamatanditā.

[1132] Idaṁ vatvā brahmabandhu paṭimuñci upāhanaṁ 3
tato so mantayitvāna bhariyaṁ katvā padakkhiṇaṁ.
Pakkāmi so ruṇṇamukho brāhmaṇo sahitabbato
sivīnaṁ nagaraṁ phītaṁ dāsapariyesanañcaraṁ.

[1133] So tattha gantvā avacāsi 4 ye tatthāsuṁ samāgatā
kuhiṁ vessantaro rājā kattha passemu khattiyaṁ.
Te janā taṁ avaciṁsu ye tatthāsuṁ samāgatā
tumhehi brahme pakato atidānena khattiyo
pabbājito sakā raṭṭhā vaṅke vasati pabbate.
Tumhehi brahme pakato atidānena khattiyo
ādāya puttadārañca vaṅke vasati pabbate.

[1134] So codito brāhmaṇiyā brāhmaṇo kāmagiddhimā
aghantaṁ paṭisevittha
vane vāḷamigākiṇṇe khaggadīpinisevite.
Ādāya veluvaṁ daṇḍaṁ aggihuttaṁ kamaṇḍaluṁ
so pāvisi brahāraññaṁ yattha assosi kāmadaṁ.
1 Ma. saṅkulyā saguḷāni ca. 2 Ma. taṁ. 3 Ma. upāhanā. 4 Ma. avaca.
Taṁ paviṭṭhaṁ brahāraññaṁ kokā naṁ parivārayuṁ
vikkandi so vippanaṭṭho dūre panthā apakkami.
Tato so brāhmaṇo gantvā bhogaluddho asaññato
vaṅkassoharaṇe naṭṭho 1 (sunakhehi parivārito 2 )
(rukkhasmiñca nisinno va 3 ) imā gāthā abhāsatha.

[1135] Ko rājaputtaṁ nisabhaṁ jayantamaparājitaṁ
bhaye khemassa dātāraṁ ko me vessantaraṁ vidū.
Yo yācataṁ patiṭṭhāsi bhūtānaṁ dharaṇīriva
dharaṇūpamaṁ mahārājaṁ ko me vessantaraṁ vidū.
Yo yācataṁ gatī āsi savantīnaṁva sāgaro
udadhūpamaṁ 4 mahārājaṁ ko me vessantaraṁ vidū.
Kalyāṇatitthaṁ supivaṁ sītūdakaṁ manoramaṁ
puṇḍarīkehi sañchannaṁ yuttaṁ kiñjakkhareṇunā
rahadūpamaṁ mahārājaṁ ko me vassantaraṁ vidū.
Assatthaṁva pathe jātaṁ sītacchāyaṁ manoramaṁ
samantānaṁ visametāraṁ 5 kilantānaṁ paṭiggahaṁ
tathūpamaṁ mahārājaṁ ko me vessantaraṁ vidū.
Nigrodhaṁva pathe jātaṁ sītacchāyaṁ manoramaṁ
1 Ma. vaṅkassorohaṇe naṭṭhe. 2-3 idaṁ pādadvayaṁ sabbattha potthakesu na dissati
ṭhapetvā aṭṭhakathāpotthakaṁyeva. 4 Ma. sāgarūpamaṁ. 5 visametānantipi.
Santānaṁ visametāraṁ kilantānaṁ paṭiggahaṁ
tathūpamaṁ mahārājaṁ ko me vessantaraṁ vidū.
Ambaṁ iva pathe jātaṁ sītacchāyaṁ manoramaṁ
santānaṁ visametāraṁ kilantānaṁ paṭiggahaṁ
tathūpamaṁ mahārājaṁ ko me vessantaraṁ vidū.
Sālaṁ iva pathe jātaṁ sītacchāyaṁ manoramaṁ
santānaṁ visametāraṁ kilantānaṁ paṭiggahaṁ
tathūpamaṁ mahārājaṁ ko me vessantaraṁ vidū.
Dumaṁ iva pathe jātaṁ sītacchāyaṁ manoramaṁ
santānaṁ visametāraṁ kilantānaṁ paṭiggahaṁ
tathūpamaṁ mahārājaṁ ko me vessantaraṁ vidū.
Evañca me vilapato paviṭṭhassa brahāvane
ahaṁ jānanti yo vajjā nandiṁ so janaye mama.
Evañca me vilapato paviṭṭhassa brahāvane
ahaṁ jānanti yo vajjā vessantaranivāsanaṁ 1
tāya so ekavācāya pasave puññaṁ anappakaṁ.

[1136] Tassa ceto paṭissosi araññaṁ luddako caro
tumhehi brahme pakato atidānena khattiyo
pabbājito sakā raṭṭhā vaṅke vasati pabbate.
Tumhehi brahme pakato atidānena khattiyo
1 Ma. ayaṁ gāthāpādo natthi.
Ādāya puttadārañca vaṅke vasati pabbate.
Akiccakārī dummedho raṭṭhā vivanamāgato 1
rājaputtaṁ gavesanto bako macchamivodake.
Tassa tyāhaṁ na dassāmi jīvitaṁ idha brāhmaṇa
ayaṁ hi te mayā nunno saro pāssati 2 lohitaṁ.
Siro te vajjhayitvāna hadayaṁ chetvā sabandhanaṁ
panthasakuṇaṁ yajissāmi tuyhaṁ maṁsena brāhmaṇa.
Tuyhaṁ maṁsena medena matthakena ca brāhmaṇa
āhutiṁ paggahessāmi chetvāna hadayaṁ tava.
Taṁ me suyiṭṭhaṁ suhutaṁ tuyhaṁ maṁsena brāhmaṇa
na ca tvaṁ rājaputtassa bhariyaṁ putte ca nessasi.