[1137] Avajjho brāhmaṇo dūto cetaputta suṇohi me
tasmā hi dūtaṁ na hanti esa dhammo sanantano.
Nijjhattā siviyo sabbe pitā naṁ daṭṭhumicchati
mātā ca dubbalā tassa acirā cakkhūni jīyare.
Tesāhaṁ pahito dūto cetaputta suṇohi me
rājaputtaṁ nayissāmi yadi jānāsi saṁsa me.

[1138] Piyassa me piyo dūto puṇṇapattaṁ dadāmi te
imañca madhuno tumbaṁ migasatthiñca brāhmaṇa
1 Ma. pavanamāgato. 2 Ma. pissati.
Tañca te desamakkhissaṁ yattha sammati kāmado.
Jūjakapabbaṁ nāma.

[1139] Esa selo mahābrahme pabbato gandhamādano
yattha vessantaro rājā saha puttehi sammati.
Dhārento brāhmaṇavaṇṇaṁ āsadañca masañjaṭaṁ
cammavāsī chamā seti jātavedaṁ namassati.
Ete nīlā padissanti nānāphaladharā dumā
uggatā abbhakūṭāva nīlā añjanapabbatā.
Dhavassakaṇṇā khadirā sālā phandanamāluvā
sampavedhenti 1 vātena sakiṁ pītāva māṇavā.
Upari dumapariyāyesu saṅgītiyova suyyare
najjuhā kokilā saṅghā sampatanti dumā dumaṁ.
Avhayanteva gacchantaṁ sākhāpattasamīritā
ramayanteva āgantuṁ modayanti nivāsanaṁ 2 .
Yattha vessantaro rājā saha puttehi sammati
dhārento brāhmaṇavaṇṇaṁ āsadañca masañjaṭaṁ
cammavāsī chamā seti jātavedaṁ namassati.

[1140] Ambā kapitthā panasā sālā jambū vibhedakā
harītakī āmalakā assatthā badarāni ca.
1 Ma. sampavedhanti. 2 Ma. nivāsinaṁ.
Cārutimbarukkhā cettha nigrodhā ca kapitthanā
madhumadhukā thevanti nīce pakkā cudumbarā
pārevatā bhaveyyā ca muddikā ca madhutthikā
madhuṁ anelakaṁ tattha sakamādāya bhuñjare.
Aññettha pupphitā ambā aññe tiṭṭhanti dovilā
aññe āmā ca pakkā ca bhiṅgavaṇṇā 1 tadūbhayaṁ.
Athettha heṭṭhā puriso ambapakkāni gaṇhati
āmāni ceva pakkāni vaṇṇagandharasuttamā 2 .
Ateva me acchariyaṁ hiṅkāro paṭibhāti maṁ
devānamiva āvāso sobhati nandanūpamo.
Vibhedakā nāḷikerā khajjurīnaṁ brahāvane
mālāva ganthitā ṭhanti dhajaggāneva dissare.
Nānāvaṇṇehi pupphehi nabhaṁ tārā citāmiva
kuṭajī kuṭṭhataggarā pāṭaliyo ca pupphitā
punnāgā giripunnāgā koviḷārā ca pupphitā.
Uddhālakā somarukkhā agarubhalliyā 3 bahū
pattajīvā ca kukkuṭā 4 asanā cettha pupphitā.
Kuṭajā salaḷā nīpā kosambalabujā dhavā
sālā ca pupphitā tattha palālakhalasannibhā.
1 Ma. bheṅgavaṇṇā. 2 Ma. ...suttame. 3 Ma. agaruphalliyā. 4 Sī. Ma.
kakudhā.
Tassāvidūre pokkharaṇī bhūmibhāge manorame
padumuppalasañchannā devānamiva nandane.
Athettha puppharasamattā kokilā mañjubhāṇikā
abhinādenti taṁ vanaṁ 1 utusampupphite dume.
Bhassanti makarandehi pokkhare pokkhare madhū
athettha vātā vāyanti dakkhiṇā atha pacchimā.
Padumakiñjakkhareṇūhi okiṇṇo hoti assamo
thūlā siṅghāṭakā cettha sasādiyā pasādiyā 2 .
Macchakacchapabyāvidhā bahū cettha mupayānakā
madhuṁ bhiṁsehi 3 savati khīraṁ sappi muḷālibhi
surabhi taṁ vanaṁ vāti nānāgandhasameritaṁ 4 .
Sammoditeva 5 gandhena pupphasākhāhi taṁ vanaṁ
bhamarā pupphagandhena samantāmabhināditā.
Athettha sakuṇā santi nānāvaṇṇā bahū dijā
modanti saha bhariyāhi aññamaññaṁ pakūjino.
Nandikā jīvaputtā ca jīvaputtā piyā ca no
piyā puttā piyā nandā dijā pokkharaṇīgharā.
Mālāva ganthitā ṭhanti dhajaggāneva dissare
nānāvaṇṇehi pupphehi kusalehi 6 suganthitā.
1 Ma. pavanaṁ. 2 saṁsāriyā pasāriyātipi pāṭho. Ma. saṁsādiyā pasādiyā.
3 Ma. bhisehi. 4 Ma. ...samoditaṁ. 5 Ma. sammaddateva. 6 Ma. kusaleheva.
Yattha vessantaro rājā saha puttehi sammati
dhārento brāhmaṇavaṇṇaṁ āsadañca masañjaṭaṁ
cammavāsī chamā seti jātavedaṁ namassati.

[1141] Idañca me sattubhattaṁ madhunā paṭisaṁyutaṁ
madhupiṇḍikā ca sukatāyo sattubhattaṁ dadāmi te.

[1142] Tuyheva sambalaṁ hotu nāhaṁ icchāmi sambalaṁ
itopi brahme gaṇhāhi gaccha brahme yathāsukhaṁ.
Ayaṁ ekapadī eti ujuṁ gacchati assamaṁ
isīpi accuto tattha paṅkadanto rajassiro
dhārento brāhmaṇavaṇṇaṁ āsadañca masañjaṭaṁ.
Cammavāsī chamā seti jātavedaṁ namassati
taṁ tvaṁ gantvāna pucchassu so te maggaṁ pavakkhati.

[1143] Idaṁ sutvā brahmabandhu cetaṁ katvā padakkhiṇaṁ
udaggacitto pakkāmi yenāsi accuto isi.
Cullavanavaṇṇanā 1 .

[1144] Gacchanto so bhāradvājo addasa accutaṁ isiṁ
disvāna taṁ bhāradvājo sammodi isinā saha.
Kacci nu bhoto kusalaṁ kacci bhoto anāmayaṁ
kacci uñchena yāpetha kacci mūlaphalā bahū.
Kacci ḍaṁsā makasā ca appameva siriṁsapā 2
1 Ma. cūḷavanavaṇṇā. 2 Ma. sarisapā. ito paraṁ īdisameva.
Vane vāḷamigākiṇṇe kacci hiṁsā na vijjati.

[1145] Kusalañceva me brahme atho brahme anāmayaṁ
atho uñchena yāpemi atho mūlaphalā bahū.
Atho ḍaṁsā makasā ca appameva siriṁsapā
vane vāḷamigākiṇṇe hiṁsā mayhaṁ na vijjati.
Bahūni vassapūgāni assame sammato mama
nābhijānāmi uppannaṁ ābādhaṁ amanoramaṁ.
Svāgatante mahābrahme atho te adurāgataṁ
anto pavisa bhaddante pāde pakkhālayassu te.
Tiṇḍukāni piyālāni madhuke kāsamāriyo
phalāni khuddakappāni bhuñja brahme varaṁ varaṁ.
Idaṁpi pāniyaṁ sītaṁ ābhataṁ girigabbharā
tato piva mahābrahme sace tvaṁ abhikaṅkhasi.

[1146] Paṭiggahitaṁ yaṁ dinnaṁ sabbassa agghiyaṁ kataṁ
sañjayassa sakaṁ puttaṁ sivīhi vippavāsitaṁ
tamahaṁ dassanamāgato yadi jānāsi saṁsa me.