[1157] Idaṁ sutvā brahmabandhu isiṁ katvā padakkhiṇaṁ
udaggacitto pakkāmi yattha vessantaro ahu.
Mahāvanavaṇṇanā.

[1158] Uṭṭhehi jāli patiṭṭha porāṇaṁ viya dissati
brāhmaṇaṁ viya passāmi nandiyo mābhikīrare.

[1159] Ahaṁpi tāta passāmi yo so brahmāva dissati
addhiko 1 viya āyāti atithī no bhavissati.

[1160] Kacci nu bhoto kusalaṁ kacci bhoto anāmayaṁ
kacci uñchena yāpetha kacci mūlaphalā bahū.
Kacci ḍaṁsā makasā ca appameva siriṁsapā
vane vāḷamigākiṇṇe kacci hiṁsā na vijjati.

[1161] Kusalañceva no brahme atho brahme anāmayaṁ
atho uñchena yāpema atho mūlaphalā bahū.
Atho ḍaṁsā makasā ca appameva siriṁsapā
vane vāḷamigākiṇṇe hiṁsā mayhaṁ 2 na vijjati.
Satta no māse vasataṁ araññe jīvisokinaṁ 3
idaṁpi paṭhamaṁ passāmi 4 brāhmaṇaṁ devavaṇṇinaṁ
ādāya veḷuvaṁ daṇḍaṁ aggihuttaṁ kamaṇḍaluṁ.
Svāgatante mahābrahme atho te adurāgataṁ
anto pavisa bhaddante pāde pakkhālayassu te.
1 Sī. Yu. atthiko. 2 Ma. amhaṁ. 3 Ma. jīvasokinaṁ. 4 Ma. passāma.
Tiṇḍukāni piyālāni madhuke kāsamāriyo
phalāni khuddakappāni bhuñja brahme varaṁ varaṁ.
Idaṁpi pāniyaṁ sītaṁ ābhataṁ girigabbharā
tato piva mahābrahme sace tvaṁ abhikaṅkhasi.
Atha tvaṁ kena vaṇṇena kena vā pana hetunā
anuppatato brahāraññaṁ taṁ me akkhāhi pucchito.

[1162] Yathā vārivaho pūro sabbakālaṁ na khīyati
evantaṁ yācitāgañchiṁ putte me dehi yācito.

[1163] Dadāmi na vikampāmi issaro naya brāhmaṇa
pāto gatā rājaputtī sāyaṁ uñchāto ehiti
ekarattiṁ vasitvāna pāto gacchasi brāhmaṇa.
Tassā nhāto upagghāte 1 atha ne māladhārine
ekarattiṁ vasitvāna pāto gacchasi brāhmaṇa.
Nānāpupphehi sañchanne nānāgandhehi bhūsite
nānāmūlaphalākiṇṇe gaccha svādāya brāhmaṇa.

[1164] Na vāsamabhirocāmi gamanaṁ mayhaṁpi 2 ruccati
antarāyopi me assa gacchaññeva rathesabha.
Na hetā yācayogī naṁ antarāyassa kāriyā
itthikā 3 mantaṁ jānanti sabbaṁ gaṇhanti vāmato.
Saddhāya dānaṁ dadato mā samadakkhi mātaraṁ 4
1 Ma. ... nhāte upaghāte. 2 Ma. mayha. 3 Ma. atthiyo. 4 Ma. māsaṁ
adakkhi mātaraṁ.
Antarāyaṁpi sā kayirā gacchaññeva rathesabha.
Āmantayassu te putte mā te mātaramaddasuṁ
saddhāya dānaṁ dadato evaṁ puññaṁ pavaḍḍhati.
Āmantayassu te putte mā te mātaramaddasuṁ
mādisassa dhanaṁ datvā rāja saggaṁ gamissasi.

[1165] Sace tvaṁ nicchase daṭṭhuṁ mama bhariyaṁ patibbataṁ
ayyakassapime dehi 1 jāliṁ kaṇhājinaṁ cubho.
Ime kumāre disvāna mañjuke piyabhāṇine
patīto sumano vitto bahuṁ dassati te dhanaṁ.

[1166] Acchedanassa bhāyāmi rājaputta suṇohi me
rājadaṇḍāya maṁ dajjā vikkīṇeyya haneyya vā
chinno 2 dhanañca dāse ca gārayhassa brahmabandhuyā.