[1227] Rājaputtī ca no mātā rājaputto ca no pitā
dāsā mayaṁ brāhmaṇassa tasmā tiṭṭhāma ārakā.

[1228] Mā sammevaṁ avacuttha ḍayhate hadayaṁ mama
citakāyaṁva me kāyo āsane na sukhaṁ labhe.
Mā sammevaṁ avacuttha bhiyyo sokaṁ janetha maṁ
nikkīṇissāmi dabbena na vo dāsā bhavissatha.
Kimagghiyaṁ hi vo tāta brāhmaṇassa pitā adā
yathābhūtaṁ me akkhātha paṭipādentu brāhmaṇaṁ.

[1229] Sahassagghaṁ hi maṁ tāta brāhmaṇassa pitā adā
acchaṁ 1 kaṇhājinaṁ kañña hatthiādisatena 2 ca.

[1230] Uṭṭhehi katte taramāno brāhmaṇassa avākara
dāsīsataṁ dāsasataṁ gavaṁ hatthūsabhaṁ sataṁ
1 Ma. atha. 2 Ma. hatthinā ca satena ca.
Jātarūpasahassañca potānaṁ 1 dehi nikkayaṁ.

[1231] Tato kattā taramāno brāhmaṇassa avākari
dāsīsataṁ dāsasataṁ gavaṁ hatthūsabhaṁ sataṁ
jātarūpasahassañca potānaṁdāsi nikkayaṁ.

[1232] (dāsīsataṁ dāsasataṁ gavaṁ hatthūsabhaṁ sataṁ
assatarīrathañceva sabbabhoge sataṁ sataṁ
jātarūpasahassañca brāhmaṇassa dhanesino
accāyikassa luddassa potānaṁdāsi nikkayaṁ 2 ).

[1233] Nikkīṇitvā ca nhāpetvā bhojayitvāna dārake
samalaṅkaritvā bhaṇḍehi 3 uccaṅke upavesayuṁ.
Sīsaṁ nhāte sucivatthe sabbābharaṇabhūsite
rājā aṅke karitvāna ayyako paripucchatha.
Kuṇḍale ghusite māle sabbālaṅkārabhūsite
rājā aṅke karitvāna idaṁ vacanamabravi.
Kacci ubho arogā te jāli mātāpitā tava
kacci uñchena yāpenti kacci mūlaphalā bahū.
Kacci ḍaṁsā makasā ca appameva siriṁsapā
vane vāḷamigākiṇṇe kacci hiṁsā na vijjati.

[1234] Atho ubho arogā te deva mātāpitā mama
1 Ma. puttānaṁ. 2 imā dve gāthā aṭṭhakathāpotthakeyeva dissanti.
3 Ma. bhaṇḍena.
Atho uñchena yāpenti atho mūlaphalā bahū.
Atho ḍaṁsā makasā ca appameva siriṁsapā
vane vāḷamigākiṇṇe hiṁsā nesaṁ na vijjati.
Khaṇantālukalambāni viḷānitakkalāni ca
kolaṁ bhallātakaṁ belaṁ 1 sā no āhacca posati.
Yañceva sā āharati vanamūlaphalahāriyā
taṁ no sabbe samāgantvā rattiṁ bhuñjāma no divā.
Ammā ca no kīsā paṇḍu āharantī dumapphalaṁ
vātātapena sukhumālī padumaṁ hatthagataṁmiva.
Ammāya patanūkesā vicarantyā brahāvane
vane vāḷamigākiṇṇe khaggadīpinisevite.
Kesesu jaṭaṁ bandhitvā kacche jallamadhārayi
(dhārento brāhmaṇavaṇṇaṁ āsadañcamasañjaṭaṁ 2 )
cammavāsī chamā seti jātavedaṁ namassati.

[1235] Puttā piyā manussānaṁ lokasmiṁ upapajjisuṁ
na hi nūnamhākaṁ ayyassa putte sineho ajāyatha.

[1236] Dukkaṭañca hi no pota 3 bhūnahaccaṁ kataṁ mayā
yohaṁ sivīnaṁ vacanā pabbājesiṁ adūsakaṁ.
Yaṁ me kiñci idha atthi dhanaṁ dhaññañca vijjati
1 Ma. bellaṁ. 2 idaṁ aṭṭhakathāpotthakeyeva dissati. 3 Ma. putta.
Etu vessantaro rājā siviraṭṭhe pasāsatu.