[1077] Ime kumāre passanto mañjuke piyabhāṇine
āsīne vanagumbasmiṁ na rajjassa sarissasi.
Ime kumāre passanto mañjuke piyabhāṇine
kīḷante vanagumbasmiṁ na rajjassa sarissasi.
Ime kumāre passanto mañjuke piyabhāṇine
assame ramaṇīyamhi na rajjassa sarissasi.
Ime kumāre passanto mañjuke piyabhāṇine
kīḷante assame ramme na rajjassa sarissasi.
Ime kumāre passanto māladhārī alaṅkate
assame ramaṇīyamhi na rajjassa sarissasi.
Ime kumāre passanto māladhārī alaṅkate
kīḷante assame ramme na rajjassa sarissasi.
Yadā dakkhasi naccante kumāre māladhārine
assame ramaṇīyamhi na rajjassa sarissasi.
Yadā dakkhasi naccante kumāre māladhārine
kīḷante assame ramme na rajjassa sarissasi.
Yadā dakkhasi mātaṅgaṁ kuñjaraṁ saṭṭhihāyanaṁ
ekaṁ araññe vicarantaṁ 1 na rajjassa sarissasi.
1 Ma. carantaṁ.
Yadā dakkhasi mātaṅgaṁ kuñjaraṁ saṭṭhihāyanaṁ
sāyaṁ pāto vicarantaṁ na rajjassa sarissasi.
Yadā kareṇusaṅghassa yūthassa purato vajaṁ
koñcaṁ kāhati mātaṅgo kuñjaro saṭṭhihāyano
tassa taṁ nadato sutvā na rajjassa sarissasi.
Ubhato vanavikāse yadā dakkhasi kāmadaṁ
vane vāḷamigākiṇṇe na rajjassa sarissasi.
Migaṁ disvāna sāyaṇhaṁ pañcamālinimāgataṁ 1
kiṁpurise ca naccante na rajjassa sarissasi.
Yadā sussasi 2 nigghosaṁ sandamānāya sindhuyā
gītaṁ kiṁpurisānañca na rajjassa sarissasi.
Yadā sussasi 2 nigghosaṁ girigabbharacārino
vassamānassulūkassa na rajjassa sarissasi.
Yadā sīhassa byagghassa khaggassa gavayassa ca
vane sussasi 2 vāḷānaṁ na rajjassa sarissasi.
Yadā morīhi parikiṇṇaṁ varahinaṁ 3 matthakāsinaṁ
moraṁ dakkhasi 4 naccantaṁ na rajjassa sarissasi.
Yadā morīhi parikiṇṇaṁ aṇḍajaṁ citrapekkhanaṁ 5
moraṁ dakkhasi naccantaṁ na rajjassa sarissasi.
1 Ma. pañcamālinamāgataṁ. 2 Ma. sossasi. 3 Ma. barihīnaṁ. 4 Ma. dakkhisi.
ito paraṁ īdisameva. 5 Ma. citrapakkhinaṁ.
Yadā morīhi parikiṇṇaṁ nīlagīvaṁ sikhaṇḍinaṁ
moraṁ dakkhasi naccantaṁ na rajjassa sarissasi.
Yadā dakkhasi hemante pupphite dharaṇīruhe
surabhisampavāyante 1 na rajjassa sarissasi.
Yadā hemantike māse haritaṁ dakkhasi medaniṁ
indagopakasañchannaṁ na rajjassa sarissasi.
Yadā dakkhasi hemante pupphite dharaṇīruhe
kuṭajaṁ bimbajālañca pupphitaṁ loddapadmakaṁ
surabhisampavāyante 2 na rajjassa sarissasi.
Yadā hemantike māse vanaṁ dakkhasi pupphitaṁ
opupphāni ca padmāni na rajjassa sarissasi.
Himavantaṁ niṭṭhitaṁ.

[1078] Tesaṁ lālapitaṁ 3 sutvā puttassa suṇisāya ca
kalūnaṁ paridevesi rājaputtī yasassinī.
Seyyo visaṁ me khāyitaṁ papātā papateyyahaṁ
rajjuyā bajjhamiyāhaṁ
kasmā vessantaraṁ puttaṁ pabbājenti adūsakaṁ.
Ajjhāyakaṁ dānapatiṁ yācayogaṁ amacchariṁ
kasmā 4 vessantaraṁ puttaṁ pabbājenti adūsakaṁ 5 .
1-2 Ma. surabhiṁ. 3 lālappitaṁ. 4-5 Ma. idaṁ gāthāpādadvayaṁ natthi.
Pūjitaṁ paṭirājūhi kittimantaṁ yasassinaṁ
kasmā vessantaraṁ puttaṁ pabbājenti adūsakaṁ.
Mātāpetibharaṁ jantuṁ kule jeṭṭhāpacāyinaṁ
kasmā vessantaraṁ puttaṁ pabbājenti adūsakaṁ.
Rañño hitaṁ devahitaṁ 1 ñātīnaṁ sakhinaṁ hitaṁ
hitaṁ sabbassa raṭṭhassa
kasmā vessantaraṁ puttaṁ pabbājenti adūsakaṁ.

[1079] Madhūnīva palitāni 2 ambāva patitā chamā
evaṁ hessati te raṭṭhaṁ pabbājenti adūsakaṁ.
Haṁso nikkhīṇapattova pallalasmiṁ anūdake
apaviṭṭho amaccehi eko rājā vihiyyasi.
Tantaṁ brūmi mahārāja attho te mā upaccagā
mā naṁ sivīnaṁ vacanā pabbājesi adūsakaṁ.

[1080] Dhammassāpacitiṁ kummiṁ 3 sivīnaṁ vinayaṁ dhajaṁ
pabbājemi sakaṁ puttaṁ pāṇā piyataro hi me.

[1081] Yassa pubbe dhajaggāni kaṇikārāva pupphitā
yāyantamanuyāyanti svajjekova gamissati.
Yassa pubbe dhajaggāni kaṇikāravanāniva
yāyantamanuyāyanti svajjekova gamissati.
Yassa pubbe anīkāni kaṇikārāva pupphitā
1 Ma. devihitaṁ. 2 Ma. palātāni. 3 Ma. kummi.
Yāyantamanuyāyanti svajjekova gamissati.
Yassa pubbe anīkāni kaṇikāravanāni va
yāyantamanuyāyanti svajjekova gamissati.
Indagopakavaṇṇābhā gandhārā paṇḍukambalā
yāyantamanuyāyanti svajjekova gamissati.
Yo pubbe hatthinā yāti sivikāya rathena ca
svajja vessantaro rājā kathaṁ gacchati pattiko.
Kathaṁ candanalittaṅgo naccagītappabodhano
khurājinaṁ pharasuñca khārikājañca hāriti 1 .
Kasmā nābhiharīyanti kāsāvā ajināni ca
pavisantaṁ brahāraññaṁ kasmā cīraṁ na bajjhare.
Kathaṁ nu cīraṁ dhārenti rājapabbajitā janā
kathaṁ kusamayaṁ cīraṁ maddī paridahessati 2 .
Kāsiyāni ca dhāretvā khomakodumbarāni ca
kusacīrāni dhārentī kathaṁ maddī karissati.
Vayhāhi pariyāyitvā sivikāya rathena ca
sā kathajja anuccaṅgī pathaṁ gacchati pattikā.
Yassā mudutalā hatthā calanā 3 ca sukhe ṭhitā
sā kathajja anuccaṅgī pathaṁ gacchati pattikā.
1 Ma. hāhiti. 2 Ma. paridahissati. 3 Sī. Ma. caraṇā.
Yassā mudutalā pādā calanā 1 ca sukhe ṭhitā
pādukāhi suvaṇṇāhi pīḷamānāva gacchati
sā kathajja anuccaṅgī pathaṁ gacchati pattikā.
Yassu itthīsahassassa 2 purato gacchati mālinī
sā kathajja anuccaṅgī vanaṁ gacchati ekikā.
Yā sā 3 sivāya sutvāna muhuṁ uttasate pure
sā kathajja anuccaṅgī vanaṁ gacchati bhīrukā.
Yā sā 3 indasagottassa ulūkassa pavassato
sutvāna nadato bhītā vāruṇīva pavedhati
sā kathajja anuccaṅgī vanaṁ gacchati bhīrukā.
Sakuṇī hataputtāva suññaṁ disvā kulāvakaṁ
ciraṁ dukkhena jhāyissaṁ suññaṁ āgammimaṁ puraṁ.
Sakuṇī hataputtāva suññaṁ disvā kulāvakaṁ
kīsā paṇḍu bhavissāmi piye putte apassatī.
Sakuṇī hataputtāva suññaṁ disvā kulāvakaṁ
tena tena padhāvissaṁ piye putte apassatī.
Kururī 4 hatacchāpāva suññaṁ disvā kulāvakaṁ
ciraṁ dukkhena jhāyissaṁ suññaṁ āgammimaṁ puraṁ.
Kururī hatacchāpāva suññaṁ disvā kulāvakaṁ
kīsā paṇḍu bhavissāmi piye putte apassatī.
1 Sī. Ma. caraṇā. 2 Ma. yāssu itthisahassānaṁ. 3 Ma. yāssu.
4 Ma. kurarī. ito paraṁ īdisameva.
Kururī hatacchāpāva suññaṁ disvā kulāvakaṁ
tena tena padhāvissaṁ piye putte apassatī.
Sā nūna cakkavakkīva 1 pallalasmiṁ anūdake
ciraṁ dukkhena jhāyissaṁ suññaṁ āgammimaṁ puraṁ.
Sā nūna cakkavakkīva pallalasmiṁ anūdake
kīsā paṇḍu bhavissāmi piye putte apassatī.
Sā nūna cakkavakkīva pallalasmiṁ anūdake
tena tena padhāvissaṁ piye putte apassatī.
Evaṁ me vilapantiyā rājaputtaṁ adūsakaṁ
pabbājesi ca 2 naṁ raṭṭhā maññe hessāmi jīvitaṁ.

[1082] Tassā lālapitaṁ sutvā sabbā antepure ahu 3
bāhā paggayha pakkanduṁ sivikaññā samāgatā.
Sālāva sampamadditā 4 mālutena pamadditā
senti puttā ca dārā ca vessantaranivesane.
Orodhā ca kumārā ca vesiyānā ca brāhmaṇā
bāhā paggayha pakkanduṁ vessantaranivesane.
Hatthārohā anīkaṭṭhā rathikā pattikārakā
bāhā paggayha pakkanduṁ vessantaranivesane.
Tato ratyā vivasane suriyassuggamanaṁ pati
atha vessantaro rājā dānaṁ dātuṁ upāgami.
1 Ma. cakkavāthīva. ito paraṁ īdisameva. 2 Ma. va.. 3 ma bahū. 4 Ma. sampamathitā.
Vatthāni vatthakāmānaṁ soṇḍānaṁ detha vāruṇiṁ
bhojanaṁ bhojanatthīnaṁ sammadeva pavecchatha.
Mā ca kiñci vanibbake heṭhayittha idhāgate
tappetha annapānena gacchantu paṭipūjitā.
(athettha vattati saddo tumulo bheravo mahā
dānena taṁ nīharanti puna dānaṁ adā tuvaṁ 1 .)

[1083] Te su mattā kilantāva sampatanti vanibbakā
nikkhamante mahārāje sivīnaṁ raṭṭhavaḍḍhane.
Acchecchuṁ vata bho rukkhaṁ nānāphaladadaṁ dumaṁ
yathā vessantaraṁ raṭṭhā pabbājenti adūsakaṁ.
Acchecchuṁ vata bho rukkhaṁ nānāphaladharaṁ dumaṁ
yathā vessantaraṁ raṭṭhā pabbājenti adūsakaṁ.
Acchecchuṁ vata bho rukkhaṁ sabbakāmadadaṁ dumaṁ
yathā vessantaraṁ raṭṭhā pabbājenti adūsakaṁ.
Acchecchuṁ vata bho rukkhaṁ sabbakāmarasāharaṁ
yathā vessantaraṁ raṭṭhā pabbājenti adūsakaṁ.
Ye vuḍḍhā ye ca daharā ye ca majjhimaporisā
bāhā paggayha pakkanduṁ
nikkhamante mahārāje sivīnaṁ raṭṭhavaḍḍhane.
1 ayaṁ gāthā Ma. potthakeyeva dissati.
Atiyakkhā vessavarā 1 itthāgārā ca rājino
bāhā paggayha pakkanduṁ
nikkhamante mahārāje sivīnaṁ raṭṭhavaḍḍhane.
Thiyopi tattha pakkanduṁ yā tamhi nagare ahu
nikkhamante mahārāje sivīnaṁ raṭṭhavaḍḍhane.
Ye brāhmaṇā ye ca samaṇā aññe vāpi vanibbakā
bāhā paggayha pakkanduṁ adhammo kira bho iti.
Yathā vessantaro rājā yajamāno sake pure
sivīnaṁ vacanatthena samhā raṭṭhā nirajjati.
Satta hatthisate datvā sabbālaṅkārabhūsite
suvaṇṇakacche mātaṅge hemakappanivāsase 2
āruḷhe gāmaṇīyebhi tomaraṅkusapāṇibhi
esa vessantaro rājā samhā raṭṭhā nirajjati.
Satta assasate datvā sabbālaṅkārabhūsite
ājāniyeva jātiyā sindhave sīghavāhane
āruḷhe gāmaṇīyebhi indiyācāpadhāribhi 3
esa vessantaro rājā samhā raṭṭhā nirajjati.
Satta rathasate datvā sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmaṇīyebhi cāpahatthehi cammibhi 4
1 Ma. vassavarā. 2 Ma. hemakappanavāsase. 3 Ma. illiyā .... 4 Ma. vammibhi.
Esa vessantaro rājā samhā raṭṭhā nirajjati.
Satta itthīsate datvā ekamekā rathe ṭhitā
sannaddhā nikkharajjūhi suvaṇṇehi alaṅkatā
pītālaṅkārā pītavasanā pītābharaṇabhūsitā 1
āḷārappamukhā 2 hasulā susaññā tanumajjhimā
esa vessantaro rājā samhā raṭṭhā nirajjati.
Satta dhenusate datvā sabbā kaṁsupadhārino 3
esa vessantaro rājā samhā raṭṭhā nirajjati.
Satta dāsīsate datvā satta dāsasatāni ca
esa vessantaro rājā samhā raṭṭhā nirajjati.
Hatthī asse rathe datvā nāriyo ca alaṅkatā
esa vessantaro rājā samhā raṭṭhā nirajjati.
Tadāsi yaṁ bhiṁsanakaṁ tadāsi lomahaṁsanaṁ
mahādāne padinnamhi medanī samakampatha.
Tadāsi yaṁ bhiṁsanakaṁ tadāsi lomahaṁsanaṁ
yaṁ pañjalīkato rājā samhā raṭṭhā nirajjati.

[1084] Athettha vattati saddo tumulo bheravo mahā
dānena taṁ nīharanti puna dānaṁ dadāti so 4 .
1 Ma. -vibhūsitā. 2 Ma. āḷārapamhā. pamhanti akkhigaṇḍo. 3 Ma. kaṁspadhāraṇā.
4 Sī. Ma. puna dānaṁ adā tuvaṁ.

[1085] Te su mattā kilantāva sampatanti vanibbakā
nikkhamante mahārāje sivīnaṁ raṭṭhavaḍḍhane.

[1086] Āmantayittha rājānaṁ sañjayaṁ dhammikaṁ 1 varaṁ
avaruddhasi maṁ deva vaṅkaṁ gacchāmi pabbataṁ.
Ye hi keci mahārāja bhūtā ye ca bhavissare
atittāyeva kāmehi gacchanti yamasādhanaṁ.
Sohaṁ sake abhisasiṁ yajamāno sake pure
sivīnaṁ vacanatthena samhā raṭṭhā nirajjahaṁ
aghantaṁ paṭisevissaṁ
vane vāḷamigākiṇṇe khaggadīpinisevite
ahaṁ puññāni karomi tumhe paṅkamhi sīdatha.