[1057] Athettha 2 vattati saddo tumulo bheravo mahā
hatthināge padinnamhi khubbhittha nagaraṁ tadā.
Athettha vattati saddo tumulo bheravo mahā
1 Ma. opavayhaṁ. 2 idaṁ gāthādvayaṁ Sī. potthakeyeva dissati.
Hatthināge padinnamhi sivīnaṁ raṭṭhavaḍḍhane.

[1058] Uggā ca rājaputtā ca vesiyānā ca brāhmaṇā
hatthārohā anīkaṭṭhā rathikā pattikārakā
kevalo cāpi nigamo siviyo cāpi 1 samāgatā
disvā nāgaṁ niyyamānaṁ te rañño paṭivedayuṁ.
Vidhamaṁ deva te raṭṭhaṁ putto vessantaro tava
kathaṁ no hatthinaṁ dajjā nāgaṁ raṭṭhassa pūjitaṁ.
Kathaṁ no kuñjaraṁ dajjā īsādantaṁ uruḷhavaṁ
khettaññuṁ sabbayuddhānaṁ sabbasetaṁ gajuttamaṁ.
Paṇḍukambalasañchannaṁ pabhinnaṁ sattumaddanaṁ
dantiṁ savālavījaniṁ setaṁ kelāsasādisaṁ.
Sasetacchattaṁ supattheyyaṁ 2 sāthabbanaṁ sahatthipaṁ
aggayānaṁ rājavāhiṁ brāhmaṇānaṁ adā dānaṁ 3 .

[1059] Annaṁ pānañca so 4 dajjā vatthasenāsanāni ca
etaṁ kho dānapaṭirūpaṁ etaṁ kho brāhmaṇārahaṁ.
Ayaṁ te vaṁsarājā no sivīnaṁ raṭṭhavaḍḍhano 5
kathaṁ vessantaro putto gajaṁ bhājeti sañjaya.
Sace tvaṁ na karissasi sivīnaṁ vacanaṁ idaṁ
maññe taṁ saha puttena sivihatthe 6 karissare.
1 Ma. sivayo ca. 2 Ma. saupādheyyaṁ. 3 Ma. gajaṁ. Sī. Yu. dhanaṁ. 4 Ma.
yo. 5 Sī. raṭṭhavaḍḍhanaṁ. Yu. raṭṭhavaḍḍhana. 6 Ma. sivī hatthe.

[1060] Kāmaṁ janapado māsi raṭṭhañcāpi vinassatu
nāhaṁ sivīnaṁ vacanā rājaputtaṁ adūsakaṁ
pabbājeyyaṁ sakā raṭṭhā putto hi mama oraso.
Kāmaṁ janapado māsi raṭṭhañcāpi vinassatu
nāhaṁ sivīnaṁ vacanā rājaputtaṁ adūsakaṁ
pabbājeyyaṁ sakā raṭṭhā putto hi mama atrajo.
Na cāhaṁ tasmiṁ dubbheyyaṁ ariyasīlavato hi so
asilokopi me assa pāpañca pasave bahuṁ
kathaṁ vessantaraṁ puttaṁ satthena ghātayāmase.

[1061] Mā naṁ daṇḍena satthena na hi so bandhanāraho
pabbājehi ca naṁ raṭṭhā vaṅke vasatu pabbate.

[1062] Eso ce sivīnaṁ chando chandaṁ na panudāmase
imaṁ so vasatu rattiṁ kāme ca paribhuñjatu.
Tato ratyā vivasane suriyassuggamanaṁ pati 1
samaggā siviyo 2 hutvā raṭṭhā pabbājayantu naṁ.

[1063] Uṭṭhehi katte taramāno gantvā vessantaraṁ vada
siviyo deva te kuddhā negamā ca samāgatā
uggā ca rājaputtā ca vesiyānā ca brāhmaṇā.
Hatthārohā anīkaṭṭhā rathikā pattikārakā
1 Ma. sūriya---. ito paraṁ īdisameva 2 Ma. sabbattha sivayo.
Kevalo cāpi nigamo siviyo cāpi samāgatā.
Asmā ratyā vivasane suriyassuggamanaṁ pati
samaggā siviyo hutvā raṭṭhā pabbājayanti taṁ.

[1064] Sa kattā taramānova sivirājena pesito
āmuttahatthābharaṇo suvattho candanapphosito 1
sīsaṁ nhāto udake so āmuttamaṇikuṇḍalo
upāgami puraṁ rammaṁ vessantaranivesanaṁ.
Tatthaddasa kumāraṁ so ramamānaṁ sake pure
parikiṇṇaṁ amaccehi tidasānaṁ va vāsavaṁ.

[1065] So tattha gantvā taramāno kattā vessantaraṁ bravi
dukkhante vedayissāmi mā me kujjha rathesabha.
Vanditvā rodamāno so kattā rājānamabravi
bhattā mesi mahārāja sabbakāmarasāharo
dukkhante vedayissāmi tattha assāsayantu maṁ.
Siviyo deva te kuddhā negamā ca samāgatā
uggā ca rājaputtā ca vesiyānā ca brāhmaṇā.
Hatthārohā anīkaṭṭhā rathikā pattikārakā
kevalo cāpi nigamo siviyo cāpi samāgatā.
Asmā ratyā vivasane suriyassuggamanaṁ pati
samaggā siviyo hutvā raṭṭhā pabbājayanti taṁ.
1 Ma. candanabhūsito.

[1066] Kismiṁ me siviyo kuddhā yo na passāmi dukkaṭaṁ
taṁ me katte viyācikkha kasmā pabbājayanti maṁ.