[1037] Ajeyyamesā tava hotu mittī 3
1 Sī. Yu. mā heṭhayi. 2 Ma. irandhatiṁ. 3 ma metti.
Bhariyāya kaccāna piyāya saddhiṁ
ānandacitto 1 sumano patīto
datvā maṇiṁ mañca nayindapattaṁ.

[1038] Sa puṇṇako kurūnaṁ kattuseṭṭhaṁ
nisīdayi purato āsanasmiṁ
ājaññamāruyha anomavaṇṇaṁ
pakkāmi vehāyasamantalikkhe 2 .
Mano manussassa yathāpi gacche
tatopissa khippataraṁ ahosi
sa puṇṇako kurūnaṁ kattuseṭṭhaṁ
upānayi nagaraṁ indapattaṁ.

[1039] Etindapattaṁ nagaraṁ padissati
rammāni ca ambavanāni bhāgaso
ahañca bhariyāya samaṅgibhūto
tuvañca pattosi sakaṁ niketaṁ.

[1040] Sa puṇṇako kurūnaṁ kattuseṭṭhaṁ
oropayitvā dhammasabhāya majjhe
ājaññamāruyha anomavaṇṇo
1 Ma. anandi vitto. 2 idaṁ pādadvayaṁ Sī. Ma. potthakesu na dissati. ādāya
kattāramanomapaññaṁ upānayi nagaraṁ indapattanti tattheva dissati.
Pakkāmi vehāyasamantalikkhe.
Taṁ disvā rājā paramappatīto
uṭṭhāya bāhāhi palissajitvā
avikampayaṁ dhammasabhāya majjhe
nisīdayi pamukhaṁ āsanasmiṁ.

[1041] Tvaṁ no vinetāsi rathaṁva naṭṭhaṁ 1
nandanti taṁ kuruyo dassanena
akkhāhi me pucchito etamatthaṁ
kathaṁ pamokkho ahu māṇavassa.

[1042] Yaṁ māṇavotyābhivadi janinda
na so manusso naravīraseṭṭha
yadi te suto puṇṇako nāma yakkho
rañño kuverassa hi so sajibbo.
Bhūmindharo varuṇo nāma nāgo
brahā sucī vaṇṇabalūpapanno
tassānujaṁ dhītaraṁ kāmayāno
irandatī nāma sā nāgakaññā.
Tassā sumajjhāya piyāya hetu
patārayittha maraṇāya mayhaṁ
so ceva bhariyāya samaṅgibhūto
1 Ma. naddhaṁ.
Ahañcānuññāto maṇi ca laddho.

[1043] Rukkho hi mayhaṁ gharadvāre jāto 1
paññākkhandho sīlamayassa sākhā
atthe ca dhamme ca ṭhito nipāko
gavapphalo hatthigavassachanno.
Naccagītaturiyābhinādite
ucchijja senaṁ 2 puriso ahosi
so no ayaṁ āgato sanniketaṁ
rukkhassimassāpacitiṁ karotha.
Yekeci vittā mama paccayena
sabbeva te pātukarontu ajja
tibbāni katvāna upāyanāni
rukkhassimassāpacitiṁ karotha.
Yekeci bandhā 3 mama atthi raṭṭhe
sabbeva te bandhanā mocayantu
yathevayaṁ bandhanasmā pamutto
evamete muñcare bandhanasmā.
Unnaṅgalā māsamimaṁ karontu
maṁsodanaṁ brāhmaṇā bhakkhayantu
amajjapā majjarahā pivantu
1 Ma. padvāre sujāto. 2 Sī. Yu. menaṁ. 3 Ma. baddhā.
Puṇṇāhi thālāhi palissutāhi.
Mahāpathaṁ nicca samavhayantu
tibbañca rakkhaṁ vidahantu raṭṭhe
yathāññamaññaṁ na viheṭhayeyyuṁ
rukkhassimassāpacitiṁ karotha.

[1044] Orodhā ca kumārā ca vesiyānā ca brāhmaṇā
bahuṁ annañca pānañca paṇḍitassābhihārayuṁ.
Hatthārohā anīkaṭṭhā rathikā pattikārakā
bahuṁ annañca pānañca paṇḍitassābhihārayuṁ.
Samāgatā jānapadā negamā ca samāgatā
bahuṁ annañca pānañca paṇḍitassābhihārayuṁ.
Bahujjano pasannosi disvā paṇḍitamāgate
paṇḍitamhi anuppatte celukkhepo pavattathāti.
Vidhurajātakaṁ navamaṁ.
--------
10 Vessantarajātakaṁ

[1045] Phussatī 1 varavaṇṇābhe varassu dasadhā vare
paṭhabyā cārupubbaṅgī yaṁ tuyhaṁ manaso piyaṁ.

[1046] Devarāja namo tyatthu kiṁ pāpaṁ pakataṁ mayā
rammā cāvesi maṁ ṭhānā vātova dharaṇīruhaṁ.