[1047] Na ceva te kataṁ pāpaṁ na ca me tvamasi appiyā
puññañca te parikkhīṇaṁ yena tevaṁ vadāmihaṁ 2 .
Santike maraṇaṁ tuyhaṁ vinābhāvo bhavissati
paṭiggaṇhāhi me ete vare dasa pavecchato.

[1048] Varañce me ado sakka sabbabhūtānamissara
sivirājassa bhaddante tattha assaṁ nivesane.
Nīlanettā nīlabhamū nīlakkhīva 3 yathā migī
phussatī nāma nāmena tattha assaṁ 4 purindada.
Puttaṁ labhetha varadaṁ yācayogaṁ amacchariṁ
pūjitaṁ paṭirājūbhi kittimantaṁ yasassinaṁ.
Gabbhaṁ me dhārayantiyā majjhimaṅgaṁ anuṇṇataṁ
kucchi anuṇṇato assa cāpaṁva likhitaṁ samaṁ.
Thanā me nappavatteyyuṁ palitā nassantu 5 vāsava
kāye rajo na limpetha vajjhañcāpi pamocaye.
Mayūrakoñcābhirude nārīvaragaṇāyute
1 Sī. Yu. phsati. ito paraṁ īdisameva. 2 Ma. vadāmahaṁ. 3 Ma. nilakkhī ca.
4 Ma. tatthapassaṁ. 5 Ma. na santu.
Khujjacelāvakākiṇṇe 1 sūdamāgadhavaṇṇite
citraggaḷerughusite surāmaṁsappabodhane
sivirājassa bhaddante tatthassaṁ mahesī piyā.

[1049] Ye te dasa varā dinnā mayā sabbaṅgasobhane
sivirājassa vijite sabbe te lacchasī vare.

[1050] Idaṁ vatvāna maghavā devarājā sujampati
phussatiyā varaṁ datvā anumodittha vāsavo.
Dasavaragāthā nāma.

[1051] Tato 2 cutā sā phussatī khattiye upapajjatha
jetuttaramhi nagare sañjayena samāgami.
Dasa māse dhārayitvā karontī pura padakkhiṇaṁ
vessānaṁ vīthiyā majjhe janesi phussatī mamaṁ.
Na mayhaṁ mattikaṁ nāmaṁ napi petikasambhavaṁ
jātomhi vessavīthiyā tasmā vessantaro ahuṁ.
Yadāhaṁ dārako homi jātiyā aṭṭhavassiko
tadā nisajja pāsāde dānaṁ dātuṁ vicintayiṁ
hadayaṁ dadeyyaṁ cakkhuṁ maṁsampi rudhirampica
dadeyyaṁ kāyaṁ sāvetvā yadi koci yācako mamaṁ.
1 Ma. khujjacelāpakākiṇṇe. 2 imā cha gāthāyo sīhaḷapotthakeyeva dissanti
na aññesu.
Sabhāvaṁ cintayantassa akampitamasaṇṭhitaṁ
akampi tattha paṭhavī sineruvanavaṭaṁsakā.

[1052] Paruḷhakacchanakhalomā paṅkadantā rajassirā
paggayha dakkhiṇaṁ bāhuṁ kiṁ maṁ yācanti brāhmaṇā.

[1053] Ratanaṁ deva yācāma sivīnaṁ raṭṭhavaḍḍhanaṁ
dadāhi pavaraṁ nāgaṁ īsādantaṁ uruḷhavaṁ.

[1054] Dadāmi na vikampāmi yaṁ maṁ yācanti brāhmaṇā
pabhinnaṁ kuñjaraṁ dantiṁ opaguyhaṁ 1 gajuttamaṁ.

[1055] Hatthikkhandhato oruyha rājā cāgādhimānaso
brāhmaṇānaṁ adā dānaṁ sivīnaṁ raṭṭhavaḍḍhano.

[1056] Tadāsi yaṁ bhiṁsanakaṁ tadāsi lomahaṁsanaṁ
hatthināge padinnamhi medanī samakampatha.
Tadāsi yaṁ bhiṁsanakaṁ tadāsi lomahaṁsanaṁ
hatthināge padinnamhi khubbhittha nagaraṁ tadā.
Samākulaṁ puraṁ āsi ghoso ca vipulo mahā
hatthināge padinnamhi sivīnaṁ raṭṭhavaḍḍhane.