[997] Avasiṁ ahaṁ tuyhaṁ tīhaṁ agāre
annena pānena upaṭṭhitosmi
mitto mamāsi visajjāmahaṁ taṁ
kāmaṁ gharaṁ uttamapañña gaccha.
Api hāyatu nāgakulassa 3 attho
alampi me nāgakaññāya hetu 4
so tvaṁ sakeneva subhāsitena
muttosi me ajja vadhāya pañña.
1 Ma. adubbhī. 2 Ma. nāgakulā. 3 Ma. hotu.

[998] Handa tuvaṁ yakkha mamampi nehi
sassuraṁ nu te 1 atthaṁ mayī carassu
ahampi nāgādhipatīvimānaṁ 2
dakkhemi 3 nāgassa adiṭṭhapubbaṁ.

[999] Yaṁ ve narassa ahitāya assa
na taṁ pañño arahati dassanāya
atha kena vaṇṇena amittagāmaṁ
tuvamicchasi uttamapañña gantuṁ.

[1000] Addhā pajānāmi ahampi etaṁ
na taṁ pañño arahati dassanāya
pāpañca me natthi kataṁ kuhiñci
tasmā na saṅke maraṇāgamāya.

[1001] Handa ca ṭhānaṁ atulānubhāvaṁ
mayā saha dakkhasi ehi katte
yathacchati 4 naccagītehi nāgo
rājā yathā vessavaṇo niḷiññaṁ 5 .
Taṁ nāgakaññā caritaṁ gaṇena
nikīḷitaṁ niccamaho ca rattiṁ
pahutamālyaṁ bahupupphachannaṁ
1 sasurantiketipi pāṭho. Ma. sasuraṁ te. 2 Ma. mayaṁ ca nāgādhipatiṁ vimānaṁ.
3 Ma. dakkhemu. 4 Ma. yatthacchati. 5 Ma. naḷiññaṁ.
Obhāsati vijjurivantalikkhe.
Annena pānena upetarūpaṁ
naccehi gītehi ca vāditehi
paripūraṁ kaññāhi alaṅkatāhi
upasobhati vatthapilandhanena.

[1002] So puṇṇako kurūnaṁ kattuseṭṭhaṁ
nisīdayi pacchato āsanasmiṁ
ādāya kattāramanomapaññaṁ
upānayi bhavanaṁ nāgarañño.
Patvāna ṭhānaṁ atulānubhāvaṁ
aṭṭhāsi kattā pacchato puṇṇakassa
sāmaggipekkhī pana 1 nāgarājā
pubbeva jāmātaramajjhabhāsatha.

[1003] Yaṁ nu tvaṁ agamā manussalokaṁ
anvesamāno hadayaṁ paṇḍitassa
kacci samiddhena idhānupatto
ādāya kattāramanomapaññaṁ.

[1004] Ayaṁ hi so āgato yaṁ tvamicchasi
dhammena laddho mama dhammapālo
taṁ passatha sammukhā bhāsamānaṁ
1 Ma. sāmaggi pekkhamāno.
Sukho have 1 sappurisehi saṅgamo.
Kālāgirikaṇḍaṁ nāma.

[1005] Adiṭṭhapubbaṁ disvāna macco maccubhayaṭṭito 2
byamhito nābhivādesi na idaṁ paññavatāmiva.

[1006] Na camhi byamhito nāga na ca maccubhayaṭṭito 3
na vajjho abhivādeyya vajjhaṁ vā nābhivādaye.
Kathaṁ nu 4 abhivādeyya abhivādāpayetha ve
yaṁ naro hantumiccheyya taṁ kammaṁ nupapajjati.