[987] So lambamāno narake papāte
mahabbhaye lomahaṁse vidugge
asantasanto kurūnaṁ kattuseṭṭho
iccabravi puṇṇakaṁ nāma yakkhaṁ.
Ariyāvakāsosi anarīyarūpo
asaññato saññatasannikāso
accāhitaṁ kammaṁ karosi luddaṁ 4
bhāve ca te kusalaṁ natthi kiñci.
Yaṁ maṁ papātasmiṁ papātumicchasi
ko nu tavattho maraṇena mayhaṁ
amānusasseva tavajja vaṇṇo
ācikkha me tvaṁ katamāsi devatā.

[988] Yadi te suto puṇṇako nāma yakkho
rañño kuverassa hi so sajibbo 5
1 Sī. Yu. ādiyissaṁ. 2 Ma. pabbatantarasmiṁ. 3 asamphutasmintipi pāṭho.
4 Ma. ludraṁ. 5 Sī. Yu. sajīvo.
Bhūmindharo varuṇo nāma nāgo
brahā sucī vaṇṇabalūpapanno.
Tassānujaṁ dhītaraṁ kāmayāmi
irandatī 1 nāma sā nāgakaññā
tassā sumajjhāya piyāya hetu
patārayiṁ tuyhaṁ vadhāya dhīra.

[989] Māheva te 2 yakkha ahosi moho
naṭṭhā bahū duggahitena lokā 3
kinte sumajjhāya piyāya kiccaṁ
maraṇena me iṅgha suṇomi 4 sabbaṁ.

[990] Mahānubhāvassa mahoragassa
dhītukāmo ñātibhatohamasmi 5
taṁ yācamānaṁ sasuro avoca
yathāmamaññiṁsu sukāmanītaṁ.
Dajjemu kho te sutanuṁ sunettaṁ
suvimhitaṁ 6 candanalittagattaṁ
sace tuvaṁ dahayaṁ paṇḍitassa
dhammena laddhā idhamāharesi.
Etena vittena kumāri labbhā
nāññaṁ dhanaṁ uttari patthayāma
1 Ma. irandhatī. 2 Ma. tvaṁ. 3 Ma. loke. 4 Sī. Yu. suṇoma. 5 Yu.
ñātigato. 6 Ma. sucimhitaṁ.
Evaṁ na muḷhosmi suṇohi katte.
Na cāpi me duggahitatthi kiñci
hadayena te dhammaladdhena nāgā
irandatiṁ 1 nāgakaññaṁ dadanti.
Tasmā ahaṁ tuyhaṁ vadhāya yutto
evaṁ mamattho maraṇena tuyhaṁ
idheva taṁ narake pātayitvā
hantvāna taṁ hadayaṁ ānayissaṁ.

[991] Khippaṁ mamaṁ uddhara kātiyāna
hadayena me yadi te atthi kiccaṁ
yekeci me sādhu narassa dhammā
sabbeva te pātukaromi ajja.

[992] So puṇṇako kurūnaṁ kattuseṭṭhaṁ
nagamuddhani khippaṁ patiṭṭhapetvā
assatthamāsīnaṁ samekkhiyāna
paripucchi kattāramanomapaññaṁ.
Samuddhato mesi tuvaṁ papātā
hadayena te ajja mamatthi kiccaṁ
yekeci te sādhu narassa dhammā
sabbeva me pātukarohi ajja.
1 Ma. irandhatiṁ.

[993] Samuddhato tyasmi ahaṁ papātā
hadayena me yadi te atthi kiccaṁ
yekeci me sādhu narassa dhammā
sabbeva te pātukaromi ajja.

[994] Yātānuyāyī ca bhavāhi māṇava
allañca pāṇiṁ parivajjayassu
mā cassu mittesu kadāci dubbhī
mā ca vasaṁ asatīnaṁ nigacche.

[995] Kathaṁ nu yātaṁ anuyāyī hoti
allañca pāṇiṁ dahate kathaṁ so
asatī ca kā ko pana mittadubbho
akkhāhi me pucchito etamatthaṁ.

[996] Assatthataṁ 1 nopica diṭṭhapubbaṁ
yo āsanenāpi nimantayeyya
tasseva atthaṁ puriso kareyya
yātānuyāyīti tamāhu paṇḍitā.
Yassekarattimpi ghare vaseyya
yatthannapānaṁ puriso labhetha 2
na tassa pāpaṁ manasāpi cintaye
1 asanthutantipi pāṭho. 2 Ma. labheyya.
Allañca 1 pāṇiṁ dahate mittadubbho.
Yassa rukkhassa chāyāya nisīdeyya sayeyya vā
na tassa sākhaṁ bhañjeyya mittadubbho hi pāpako.
Puṇṇampi cemaṁ paṭhaviṁ dhanena
dajjitthiyā puriso sammatāya
laddhā khaṇaṁ atimaññeyya tampi
tāsaṁ vasaṁ asatīnaṁ na gacche.
Evaṁ kho yātaṁ anuyāyī hoti
allañca pāṇiṁ dahate punevaṁ
asatī ca sā so pana mittadubbho
so dhammiko hohi jahassu adhammaṁ.
Sādhunaradhammakaṇḍaṁ nāma.