[967] Mātāpetibharo 2 assa kule jeṭṭhāpacāyiko
saṇho sakhilasambhāso 3 sa rājavasatiṁ vase.
Vinīto sippavā danto katatto niyato mudu
appamatto suci dakkho sa rājavasatiṁ vase.
Nivātavutti vuḍḍhesu sappatisso sagāravo
surato sukhasaṁvāso sa rājavasatiṁ vase.
Ārakā parivajjeyya sañhituṁ 4 pahitaṁ janaṁ
bhattāraññevudikkheyya na ca aññassa rājino.

[968] Samaṇe brāhmaṇe cāpi sīlavante bahussute
sakkaccaṁ payirupāseyya sa rājavasatiṁ vase.
Samaṇe brāhmaṇe cāpi sīlavante bahussute
sakkaccaṁ anuvāseyya sa rājavasatiṁ vase.
Samaṇe brāhmaṇe cāpi sīlavante bahussute
1 Ma. balyaṁ. 2 Ma. mātāpettibharo. 3 Sī. hiriottappasampanno. 4 Ma. sahituṁ.
Tappeyya annapānena sa rājavasatiṁ vase.
Samaṇe brāhmaṇe cāpi sīlavante bahussute
āsajja paññe sevetha ākaṅkhaṁ vuḍḍhimattano.

[969] Dinnapubbaṁ na hāpeyya dānaṁ samaṇabrāhmaṇe
na ca kiñci nivāreyya dānakāle vanibbake.
Paññavā buddhisampanno vidhānavidhikovido
kālaññū samayaññū ca sa rājavasatiṁ vase.
Uṭṭhātā kammadheyyesu appamatto vicakkhaṇo
susaṁvihitakammanto sa rājavasatiṁ vase.

[970] Khalaṁ sālaṁ pasuṁ khettaṁ gantvā cassa abhikkhaṇaṁ
mitaṁ dhaññaṁ nidhāpeyya mitaṁ ca 1 pācaye ghare.
Puttaṁ vā bhātaraṁ saṁ vā sīlesu asamāhitaṁ
anaṅgāva 2 hi te bālā yathā petā tatheva te.
Coḷañca nesaṁ piṇḍañca āsīnānaṁ padāpaye
dāse kammakare pose 3 sīlesu susamāhite
dakkhe uṭṭhānasampanne ādhipaccasmi ṭhāpaye.

[971] Sīlavā ca alobho 4 ca anuvatto 5 ca rājino
āvī raho hito tassa sa rājavasatiṁ vase.
Chandaññū rājino cassa cittaṭṭho cassa 6 rājino
asaṅkusakavuttissa sa rājavasatiṁ vase.
1 Ma. mitaṁ va. 2 Ma. anaṅgavā. 3 Ma. pesse. 4 Ma. alolo ca. 5 Ma.
anurakkho. Sī. Yu. anuratto. 6 Ma. assa.
Acchādane ca nahāpane 1 dhove pāde adhosiraṁ
āhatopi na kuppeyya sa rājavasatiṁ vase.

[972] Kumbhiñhi pañjaliṁ kayirā 2 cātaṁ 3 cāpi padakkhiṇaṁ
kimeva sabbakāmānaṁ dātāraṁ dhīramuttamaṁ.
Yo deti sayanaṁ vatthaṁ yānaṁ āvasathaṁ gharaṁ
pajjunnoriva bhūtānaṁ 4 bhogehi abhivassati.
Eseyyā rājavasatī vattamāno yathā naro
ārādhayati rājānaṁ pūjaṁ labhati bhattusu.
Rājavasatī nāma.
[5]-

[973] Evaṁ samanusāsitvā ñātisaṅghaṁ vicakkhaṇo
parikiṇṇo suhajjehi 6 rājānamupasaṅkami.
Vanditvā sirasā pāde katvā ca naṁ padakkhiṇaṁ
vidhuro avaca rājānaṁ paggahetvāna añjaliṁ.
Ayaṁ maṁ māṇavo neti kattukāmo yathāmatiṁ
ñātīnatthaṁ pavakkhāmi taṁ suṇohi arindama.
Putte ca me udikkhesi yañcamaññaṁ ghare dhanaṁ
yathā pacchā 7 na hāyetha ñātisaṅgho mayī gate
yatheva khalati bhūmyaṁ bhūmyāyeva patiṭṭhati
evetaṁ khalitaṁ mayhaṁ etaṁ passāmi accayaṁ.
1 Ma. ucchādaye ca nhāpaye. 2 Ma. kumbhampañjaliṁ kariyā. 3 Sī. Yu. vāyasaṁ vā.
cātoti ekā sakuṇajāti. 4 Ma. bhūtāni. 5 Ma. antarapeyyāla. 6 Ma. suhadehi.
7 Ma. pecca.

[974] Sakkā na gantuṁ iti mayhaṁ hoti
chetvā 1 vadhitvā idha kātiyānaṁ
idheva hohi iti mayhaṁ ruccati
mā tvaṁ agā uttamabhūripañña.

[975] Mā hevadhammesu 2 manaṁ paṇīdahi
atthe ca dhamme ca yutto bhavassu
dhiratthu kammaṁ akusalaṁ anariyaṁ
yaṁ katvā pacchā nirayaṁ vajeyya.
Nevesa dhammo na puneti kiccaṁ
ayiro hi dāsassa janinda issaro
ghātetu jhāpetu athopi hantuṁ
na ca mayhaṁ kodhatthi vajāmi cāhaṁ.

[976] Jeṭṭhaputtaṁ upaguyha vineyya hadaye daraṁ
assupuṇṇehi nettehi pāvisi so mahāgharaṁ.