[957] So ca putte amacce ca ñātayo suhadajjane
alīnamanasaṅkappo vidhuro etadabravi.
Ethayyā 5 rājavasatiṁ nisīditvā suṇātha me
yathā rājakulaṁ patto yasaṁ poso nigacchati.

[958] Na hi rājakulaṁ patto aññāto labhate yasaṁ
nātisūro nātidummedho 6 nappamatto kudācanaṁ.
Yadāssa sīlaṁ paññañca soceyyañcādhigacchati
atha vissāsate tamhi guyhañcassa na rakkhati.

[959] Tulā yathā paggahitā samadaṇḍā sudhāritā
ajjhiṭṭho na vikampeyya sa rājavasatiṁ vase.
Tulā yathā paggahitā samadaṇḍā sudhāritā
sabbāni abhisambhonto sa rājavasatiṁ vase.
1 Ma. samāsanā. 2 Ma. va. 3 Ma. samāsano. 4 Sī. pekkhaṇakaṇḍaṁ.
5 Ma. ethayyo. 6 Ma. nāsūro nāpi dummedho.

[960] Divā vā yadi vā rattiṁ rājakiccesu paṇḍito
ajjhiṭṭho na vikampeyya sa rājavasatiṁ vase.
Divā vā yadi vā rattiṁ rājakiccesu paṇḍito
sabbāni abhisambhonto sa rājavasatiṁ vase.
Yo cassa sukato maggo rañño supaṭiyādito
na tena vutto gaccheyya sa rājavasatiṁ vase.

[961] Na rañño samakaṁ bhuñje kāmabhoge kudācanaṁ
sabbattha pacchato gacche sa rājavasatiṁ vase.
Na rañño sadisaṁ vatthaṁ na mālaṁ na vilepanaṁ
ākappaṁ sarakuttiṁ vā na rañño sadisamācare
aññaṁ kareyya ākappaṁ sarājavasatiṁ vase.

[962] Kīḷe rājā amaccehi bhariyāhi parivārito
nāmacco rājabhariyāsu bhāvaṁ kubbetha paṇḍito.
Anuddhato acapalo nipako saṁvutindriyo
manopaṇidhisampanno sa rājavasatiṁ vase.

[963] Nāssa bhariyāhi kīḷeyya na manteyya rahogato
nāssa kosā dhanaṁ gaṇhe sa rājavasatiṁ vase.
Na niddaṁ bahu maññeyya na madāya suraṁ pive
nāssa dāye mige haññe sa rājavasatiṁ vase.
Nāssa pīṭhaṁ na pallaṅkaṁ na kocchaṁ na nāvaṁ rathaṁ
Sammatomhīti ārūyhe sa rājavasatiṁ vase.
Nātidūre bhaje 1 rañño nāccāsanne vicakkhaṇo
samekkhañcassa 2 tiṭṭheyya sandissanto sabhattuno.
Na me 3 rājā sakhā hoti na rājā hoti methuno
khippaṁ kujjhanti rājāno sukenakkhīva ghaṭṭitaṁ.
Na pūjito maññamāno medhāvī paṇḍito naro
pharusaṁ paṭimanteyya rājānaṁ parisaṁ gataṁ.

[964] Laddhadvāro labhe dvāraṁ 4 neva rājūsu vissase
aggiva saṁyato tiṭṭhe 5 sa rājavasatiṁ vase.
Puttaṁ vā bhātaraṁ saṁ vā sampaggaṇhāti khattiyo
gāmehi nigamehi vā raṭṭhehi janapadehi vā
tuṇhībhūto upekkheyya na bhaṇe chekapāpakaṁ.

[965] Hatthārohā anīkaṭṭhā rathikā pattikārakā 6
tesaṁ kammāpadānena 7 rājā vaḍḍheti vettanaṁ
na tesaṁ antarā gacche sa rājavasatiṁ vase.
Cāpova oname 8 dhīro vaṁso vāpi pakampaye
paṭilomaṁ na vatteyya sa rājavasatiṁ vase.
Cāpovūnūdaro assa macchovassa ajivhatā 9
appāsī nipako sūro sa rājavasatiṁ vase.
1 Sī. Yu. bhave. 2 Ma. sammukhañcassa. 3 Ma. ve. 4 Yu. laddhavāro labhe
vāraṁ. 5 Sī. Yu. aggīva yato tiṭṭheyya. 6 Ma. hatkārohe anīkaṭṭhe rathike
pattikārake. 7 Ma. kammāvadānena. 8 Ma. cāpovūnudaro. 9 Ma. ajivhavā.

[966] Na bāḷhaṁ itthiṁ gaccheyya samphassaṁ tejasaṅkhyaṁ
kāsaṁ sāsaṁ daraṁ bālyaṁ 1 khīṇamedho nigacchati.
Nātivelaṁ pabhāseyya na tuṇhī sabbadā siyā
avikiṇṇaṁ mitaṁ vācaṁ patte kāle udīriye.
Akkodhano asaṅghaṭṭo sacco saṇho apesuṇo
samphaṁ giraṁ na bhāseyya sa rājavasatiṁ vase.