พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน
Suttantapiṭake khuddakanikāyassa jātakaṁ dutiyo bhāgo (เล่ม 28)

[977] Sālāva sampamadditā 3 mālutena pamadditā
senti puttā ca dārā ca vidhurassa nivesane.
Itthīsahassaṁ bhariyānaṁ dāsīsattasatāni ca
bāhā paggayha pakkanduṁ vidhurassa nivesane.
Orodhā ca kumārā ca vesiyānā ca brāhmaṇā
bāhā paggayha pakkanduṁ vidhurassa nivesane.
1 ghatvātipī. 2 Ma. hevamadhammesu. 3 Ma. sammapatitā.
Hatthārohā anīkaṭṭhā rathikā pattikārakā
bāhā paggayha pakkanduṁ vidhurassa nivesane.
Samāgatā jānapadā negamā ca samāgatā
bāhā paggayha pakkanduṁ vidhurassa nivesane.
Itthīsahassaṁ bhariyānaṁ dāsīsattasatāni ca
bāhā paggayha pakkanduṁ kasmā no vijahissasi.
Orodhā ca kumārā ca vesiyānā ca brāhmaṇā 1
bāhā paggayha pakkanduṁ kasmā no vijahissasi.
Hatthārohā anīkaṭṭhā rathikā pattikārakā 2
bāhā paggayha pakkanduṁ kasmā no vijahissasi.
Samāgatā jānapadā negamā ca samāgatā 3
bāhā paggayha pakkanduṁ kasmā no vijahissasi.

Suttantapiṭake khuddakanikāyassa jātakaṁ dutiyo bhāgo (เล่ม 28)

[978] Katvā gharesu kiccāni anusāsitvā sakaṁ janaṁ
mittāmacce ca bhacce 4 ca puttadāre ca bandhave.
Kammantaṁ saṁvidhetvāna ācikkhitvā ghare dhanaṁ
nidhiñca iṇadānañca puṇṇakaṁ etadabravi.
Avasī tuvaṁ mayha tīhaṁ agāre
katāni kiccāni gharesu mayhaṁ
anusāsitā puttadārā mayā ca
karomi kiccāni 5 yathāmatinte.
1-2-3 Ma. dāsisattasatāni ca. 4 Yu. suhajje. 5 Ma. karoma kaccāna.

Suttantapiṭake khuddakanikāyassa jātakaṁ dutiyo bhāgo (เล่ม 28)

[979] Sace hi katte anusāsitā te
puttā ca dārā anujīvino ca
handehidāni taramānarūpo
dīgho hi addhāpi ayaṁ puratthā.
Asambhītova 1 gaṇhāhi ājānīyassa 2 vāladhiṁ
idaṁ pacchimakaṁ tuyhaṁ jīvalokassa dassanaṁ.

Suttantapiṭake khuddakanikāyassa jātakaṁ dutiyo bhāgo (เล่ม 28)

[980] Sohaṁ kissānubhāyissaṁ 3 yassa me natthi dukkaṭaṁ
kāyena vācā manasā yena gaccheyya duggatiṁ.

Suttantapiṭake khuddakanikāyassa jātakaṁ dutiyo bhāgo (เล่ม 28)

[981] So assarājā vidhuraṁ vahanto
pakkāmi vehāyasamantalikkhe
sākhāsu selesu asajjamāno
kāḷāgiriṁ khippamupāgamāsi.

Suttantapiṭake khuddakanikāyassa jātakaṁ dutiyo bhāgo (เล่ม 28)

[982] Itthīsahassaṁ bhariyānaṁ dāsīsattasatāni ca
bāhā paggayha pakkanduṁ
yakkho brāhmaṇavaṇṇena vidhuraṁ ādāya gacchati.
Orodhā ca kumārā ca vesiyānā ca brāhmaṇā
bāhā paggayha pakkanduṁ
yakkho brāhmaṇavaṇṇena vidhuraṁ ādāya gacchati.
Hatthārohā anīkaṭṭhā rathikā pattikārakā
bāhā paggayha pakkanduṁ
1 Ma. achambhitova. 2 Ma. ājāneyyassa. 3 Ma. ...kissa nu bhāyissaṁ.
Yakkho brāhmaṇavaṇṇena vidhuraṁ ādāya gacchati.
Samāgatā jānapadā negamā ca samāgatā
bāhā paggayha pakkanduṁ
yakkho brāhmaṇavaṇṇena vidhuraṁ ādāya gacchati.
Itthīsahassaṁ bhariyānaṁ dāsīsattasatāni ca
bāhā paggayha pakkanduṁ paṇḍito so kuhiṁ gato.
Orodhā ca kumārā ca vesiyānā ca brāhmaṇā
bāhā paggayha pakkanduṁ paṇḍito so kuhiṁ gato.
Hatthārohā anīkaṭṭhā rathikā pattikārakā
bāhā paggayha pakkanduṁ paṇḍito so kuhiṁ gato.
Samāgatā jānapadā negamā ca samāgatā
bāhā paggayha pakkanduṁ paṇḍito so kuhiṁ gato.

Suttantapiṭake khuddakanikāyassa jātakaṁ dutiyo bhāgo (เล่ม 28)

[983] Sace so sattarattena paṇḍito nāgamissati
sabbe aggiṁ pavissāma 1 natthattho jīvitena no.

Suttantapiṭake khuddakanikāyassa jātakaṁ dutiyo bhāgo (เล่ม 28)

[984] Paṇḍito ca viyatto ca vibhāvī ca vicakkhaṇo
khippaṁ mocesi attānaṁ mā bhāyitthāgamissati 2 .
Antarapeyyālaṁ nāma.

Suttantapiṭake khuddakanikāyassa jātakaṁ dutiyo bhāgo (เล่ม 28)

[985] So tattha gantvāna vicintayanto
uccāvacā cetanakā bhavanti
nayimassa jīvena mamatthi kiñci
1 Ma. pavekkhāma. 2 Sī. Yu. khippaṁ mocessatattānaṁ mā bhātha āgamissati.
Hantvānimaṁ hadayaṁ ānayissaṁ 1 .

Suttantapiṭake khuddakanikāyassa jātakaṁ dutiyo bhāgo (เล่ม 28)

[986] So tattha gantvā pabbatamantarasmiṁ 2
anto pavisitvāna paduṭṭhacitto
asaṁvutasmiṁ 3 jagatippadese
adhosiraṁ dhārayi kātiyāno.