[947] Evañce no so vivarittha 5 pañhaṁ
dāsohamasmi na ca khosmi ñāti
gaṇhāhi kaccāna varaṁ dhanānaṁ
ādāya yenicchasi tena gaccha.
Akkhakaṇḍaṁ nāma.

[948] Vidhura vasamānassa gahaṭṭhassa sakaṁ gharaṁ
khemā vutti kathaṁ assa kathannu assa saṅgaho.
Abyāpajjhaṁ kathaṁ assa saccavādī ca māṇavo
1 Ma. sayampi heke upayanti dāsā. 2 Ma. paṇunnāpi. 3 Ma. ayaṁ. 4-5 Ma. vivarettha.
Asmā lokā paraṁ lokaṁ kathaṁ pecca na socati.

[949] Taṁ tattha gatimā dhitimā matimā atthadassimā
saṅkhātā sabbadhammānaṁ vidhuro etadabravi.
Na sādhāraṇadārassa na bhuñje sādhumekako 1
na seve lokāyatikaṁ netaṁ paññāya vaḍḍhanaṁ.
Sīlavā vattasampanno appamatto vicakkhaṇo
nivātavutti atthaddho surato sakhilo mudu.
Saṅgahetā ca mittānaṁ saṁvibhāgī vidhānavā
tappeyya annapānena sadā samaṇabrāhmaṇe.
Dhammakāmo sutādhāro bhaveyya paripucchako
sakkaccaṁ payirupāseyya sīlavante bahussute.
Gharamāvasamānassa gahaṭṭhassa sakaṁ gharaṁ
khemā vutti siyā evaṁ evaṁ nu assa saṅgaho.
Abyāpajjho siyā evaṁ saccavādī ca māṇavo
asmā lokā paraṁ lokaṁ evaṁ pecca na socati.
Gharāvāsapañhā nāma.

[950] Ehi dāni gamissāma dinno no issarena me
mamevatthaṁ paṭipajja esa dhammo sanantano.

[951] Jānāmi māṇava tayāhamasmi
dinnohamasmi tava issarena
1 Ma. sādumekako.
Tīhañca taṁ vāsayemu agāre
yenaddhunā anusāsemu putte.

[952] Tamme tathā hotu vasemu tīhaṁ
kurutaṁ bhavaṁ ajja gharesu kiccaṁ
anusāsataṁ puttadāre bhavajja
yathā tayī pecca 1 sukhī bhaveyya.

[953] Sādhūti vatvāna pahūtakāmo
pakkāmi yakkho vidhurena saddhiṁ
taṁ kuñjarājaññahayānuciṇṇaṁ
pāvekkhi antepuramariyaseṭṭho.

[954] Koñcaṁ mayūrañca piyañca ketaṁ
upāgami tattha surammarūpaṁ
pahūtabhakkhaṁ bahuannapānaṁ
masakkasāraṁ viya vāsavassa.

[955] Tattha naccanti gāyanti avhayanti varāvaraṁ
accharā viya devesu nāriyo samalaṅkatā.
Samaṅgīkatvā pamadāhi yakkhaṁ
annena pānena ca dhammapālo
attatthamevānuvicintayanto 2
pāvekkhi bhariyāya tadā sakāse.
1 Sī. Yu. pacchā. 2 Ma. atthatthamevā-.
Taṁ candanagandharasānulittaṁ
suvaṇṇajambonadanikkhasādisaṁ
bhariyaṁ avaca ehi suṇohi bhoti
puttāni āmantaya tambanette.
Sutvāna vākyaṁ patino anojā 1
suṇisaṁ avaca tambanakhiṁ sunettaṁ
āmantaya cammadharāni 2 cete
puttāni indīvarapupphasāme.

[956] Te āgate muddhani dhammapālo
cumbitvā putte avikampamāno
āmantayitvāna avoca vākyaṁ
dinnohaṁ raññā idha māṇavassa.
Tassajjahaṁ attasukhī vidheyyo
ādāya yenicchati tena gacchati
ahañca vo anusāsituṁ āgatosmi
kathaṁ ahaṁ aparittāya gacche.
Sace vo rājā kururaṭṭhavāsī 3
janasandho puccheyya pahūtakāmo
kimābhijānātha pure purāṇaṁ
kiṁ vo pitā anusāse puratthā.
1 Ma. anujjā. 2 Ma. vammadharāni. 3 Sī. Yu. kurukhettavāsī.
Samānāsanā 1 hotha mayā ca 2 sabbe
ko nīdha rañño abbhatiko manusso
tamañjaliṁ kariya vadetha evaṁ
mā heva deva na hi esa dhammo
viyaggharājassa nihīnajacco
samānāsano 3 deva kathaṁ bhaveyya.
Lakkhakaṇḍaṁ 4