[927] Passa bherīmudiṅgā ca saṅkhā paṇavadendimā
sabbañca tālāvacaraṁ maṇimhi passa nimmitaṁ.
Sammatālañca vīṇañca naccagītaṁ suvāditaṁ
1 Ma. pathaddhiyo. 2 sūṇātipi pāṭho. Ma. sūnā. 3 Ma. naṭanāṭakagāyino.
Turiyatālitasaṅghuṭṭhaṁ maṇimhi passa nimmitaṁ.
Laṅghikā muṭṭhikā cettha māyākārā ca sobhiyā
vetālike ca jalle ca maṇimhi passa nimmitaṁ.

[928] Samajjā cettha vattanti ākiṇṇā naranāribhi
mañcātimañce bhūmiyo maṇimhi passa nimmitaṁ.
Passa malle samajjasmiṁ pothente 1 diguṇaṁ bhujaṁ
nihate nihatamāne ca maṇimhi passa nimmitaṁ.

[929] Passa pabbatapādesu nānāmigagaṇā bahū
sīhā byagghā varāhā ca acchakokataracchayo.
Palasatā gavajā ca mahiṁsā rohitā rurū
eṇeyyā sarabhā ceva gaṇino nikkasūkarā.
Kadalimigā bahū citrā viḷārā sasakaṇṇakā
nānāmigagaṇākiṇṇaṁ maṇimhi passa nimmitaṁ.

[930] Najjāyo supatitthāyo sovaṇṇavālukasanthatā
acchā savanti ambūni macchagumbanivesitā.
Kumbhilā makarā cettha suṁsumārā ca kacchapā
pāṭhīnā bahusā 2 macchā balajā muñjarohitā.
Nānādijagaṇākiṇṇā nānādumagaṇāyutā
veḷuriyaphalakarodāyo maṇimhi passa nimmitaṁ.
1 Ma. phoṭente. 2 Sī. Ma. pāvusā.

[931] Passettha pokkharaṇiyo suvibhattā catuddisā
nānādijagaṇākiṇṇā puthulomacchasevitā 1
samantodakasampannaṁ mahiṁ sāgarakuṇḍalaṁ
upetaṁ vanarājībhi maṇimhi passa nimmitaṁ.

[932] Purato videhe passa goyāniye ca pacchato
kuruyo jambūdīpañca maṇimhi passa nimmitaṁ.
Passa candañca suriyañca obhāsente catuddisā
sineruṁ anupariyāyante maṇimhi passa nimmitaṁ.
Sineruṁ himavantañca sāgarañca mahiddhiyaṁ 2
cattāro ca mahārāje maṇimhi passa nimmitaṁ.
Ārāme vanagumbe ca pāṭiye ca siluccaye
ramme kiṁpurisākiṇṇe maṇimhi passa nimmitaṁ.
Pārusakaṁ cittalataṁ missakaṁ nandanaṁ vanaṁ
vejayantañca pāsādaṁ maṇimhi passa nimmitaṁ.
Sudhammaṁ tāvatiṁsañca pārichattañca pupphitaṁ
erāvaṇaṁ nāgarājaṁ maṇimhi passa nimmitaṁ.
Passettha devakaññāyo nabhā vijjurivuggatā
nandane vicarantiyo maṇimhi passa nimmitaṁ.
Passettha devakaññāyo devaputtapalobhinī
1 Ma. puthulomanisevitā. 2 Ma. mahītalaṁ. Sī. Yu. mahiddhikaṁ.
Devaputte ramamāne 1 maṇimhi passa nimmitaṁ.

[933] Parosahassaṁ pāsāde veḷuriyaphalakasanthate
pajjalantena 2 vaṇṇena maṇimhi passa nimmitaṁ.
Tāvatiṁse ca yāme ca tusite cāpi nimmite
paranimmitavasavattino 3 maṇimhi passa nimmitaṁ.
Passettha pokkharaṇiyo vippasannodakā sucī
maṇḍālakehi sañchannā padumuppalakehi ca.

[934] Dasettha rājiyo setā dassanīyā 4 manoramā
cha piṅgalā paṇṇarasā haliddā ca catuddasa.
Vīsati tattha sovaṇṇā vīsati rajatāmayā
indagopakavaṇṇābhā tāva dissanti tiṁsati.
Dasettha kāḷiyo cha ca 5 mañjeṭṭhā pañcavīsati
missā bandhukapupphehi nīluppalavicittakā.
Evaṁ sabbaṅgasampannaṁ accimantaṁ pabhassaraṁ
odhisuṅkaṁ mahārāja passa tvaṁ dvipaduttama.
Maṇikaṇḍaṁ nāma.

[935] Upāgataṁ rāja upehi lakkhaṁ
netādisaṁ maṇiratanaṁ tavatthi
dhammena jiyyāma 6 asāhasena
jito ca no khippamavākarohi.
1 Sī. Yu. caramāne. 2 Ma. pajjalante ca. 3 Sī. Yu. paranimmitābhiratino.
4 Ma. dasanīlā. 5 Ma. chacca. 6 Ma. jissāma.

[936] Pañcāla paccuggata sūrasena
macchā ca maddā saha kekakebhi
passantu no te asathena yuddhaṁ
na no sabhāyaṁ na karonti kiñci.