[907] Tato so varuṇo nāgo nikkhamitvā nivesanā
puṇṇakāmantayitvāna idaṁ vacanamabravi.
Na dhanena na vittena labbhā amhaṁ irandatī
sace tuvaṁ dahayaṁ paṇḍitassa
dhammena laddhā idhamāharesi
etena vittena kumāri labbhā
nāññaṁ dhanaṁ uttariṁ patthayāma.

[908] Yaṁ paṇḍitotyeke vadanti loke
tameva bāloti punāhu aññe
Akkhāhi me vippavadanti ettha
kaṁ paṇḍitaṁ nāga tuvaṁ vadesi.

[909] Korabyarājassa dhanañjayassa 1
yadi te suto vidhuro nāma kattā
ānehi taṁ paṇḍitaṁ dhammaladdhā
irandatī paṭṭhacarāva 2 te hotu.

[910] Idañca sutvā varuṇassa vākyaṁ
uṭṭhāya yakkho paramappatīto
tattheva santo purisaṁ asaṁsi
ānehi ājaññamidheva yuttaṁ.
Jātarūpamayā kaṇṇā kācamhicamayā khurā
jambonadassa pākassa suvaṇṇassa uracchado.

[911] Devavāhavahaṁ yānaṁ assamāruyha puṇṇako
alaṅkato kappitakesamassu
pakkāmi vehāyasamantalikkhe.
So puṇṇako kāmarāgena 3 giddho
irandatiṁ nāgakaññaṁ jigiṁsaṁ
gantvāna taṁ bhūtapatiṁ yasassiṁ
iccabravi vessavaṇaṁ kuveraṁ.
Bhogavatī nāma mandire
1 Ma. dhanañcayassa. 2 Ma. padacarā. 3 Sī. Yu. kāmavegena.
Vāsā hiraññavatīti vuccati
nagare nimmite kāñcanamaye
maṇḍalassa uragassa niṭṭhitaṁ.
Aṭṭālakā oṭṭhagīviyo
lohitaṅgassa masāragallino
pāsādettha silāmayā
sovaṇṇaratanena chāditā.
Ambā tilakā ca jambuyo
sattapaṇṇā mucalindaketakā
piyaṅgukā 1 uddālakā sahā
pāribhaddakā sinduvāritā 2 .
Campeyyakā nāgamallikā
bhaginīmālā athettha koliyā
ete dumā pariṇāmitā
sobhayanti uragassa mandire 3 .
Khajjurettha silāmayā sovaṇṇadhuvapupphitā bahū
yattha vasatopapātiko
nāgarājā varuṇo mahiddhiko.
Tassa komārikā bhariyā
vimalā kāñcanavelliviggahā
1 Ma. piyaṅgu. 2 Ma. sinduvārakā. 3 Ma. mandiraṁ.
Kāḷā taruṇāva uggatā
pucimandatthanī 1 cārudassanā.
Lākhārasarattasucchavī
kaṇikārāva nivātapupphitā
tidivokkacarāva accharā
vijjuvabbhaghanāva nissaṭā.
Sā dohaḷinī suvimhitā
vidhurassa hadayaṁ dhaniyyati
taṁ nesaṁ dadāmi issara
tena te denti irandatiṁ mamaṁ.

[912] So puṇṇako bhūtapatiṁ yasassiṁ
āmantiya vessavaṇaṁ kuveraṁ
tattheva santo 2 purisaṁ asaṁsi
ānehi ājaññamidheva yuttaṁ.
Jātarūpamayā kaṇṇā kācamhicamayā khurā
jambonadassa pākassa suvaṇṇassa uracchado.
Devavāhavahaṁ yānaṁ assamāruyha puṇṇako
alaṅkato kappitakesamassu
pakkāmi vehāyasamantalikkhe.

[913] So agamā rājagahaṁ surammaṁ
1 picumaṇḍatthanītipi pāṭho. 2 Yu. santaṁ.
Aṅgassa rañño nagaraṁ durāsadaṁ 1
bahūtabhakkhaṁ bahuannapānaṁ
masakkasāraṁ viya vāsavassa.
Mayūrakoñcagaṇasaṅghuṭṭhaṁ
dijābhighuṭṭhaṁ dijasaṅghasevitaṁ
nānāsakuṇābhirudaṁ suvaṅgaṇaṁ 2
pupphābhikiṇṇaṁ himavaṁva pabbataṁ.
So puṇṇako vepulamābhiruyha 3
siluccayaṁ kiṁpurisānuciṇṇaṁ
anvesamāno maṇiratanaṁ uḷāraṁ
tamaddasa pabbatakūṭamajjhe.

[914] Disvā maṇiṁ pabhassaraṁ jātivantaṁ 4
dhanāharaṁ 5 maṇiratanaṁ uḷāraṁ
daddallamānaṁ yasasā yasassinaṁ
obhāsatī vijjurivantalikkhe.
Tamaggahī veḷuriyaṁ mahagghaṁ
manoharaṁ 5 nāma mahānubhāvaṁ
ājaññamāruyha anomavaṇṇo
pakkāmi vehāyasamantalikkhe.
1 SīṂa. durāyutaṁ. 2 Sī.Yu. subhaṅgaṇaṁ. 3 Ma. -bhiruhi. 4 Ma. jātimantaṁ.
5 Ma. manoharaṁ.

[915] So agamā 1 nagaraṁ indapattaṁ
oruyhupāgañchi sabhaṁ kurūnaṁ
samāgate ekasataṁ samagge
avhettha yakkho avikampamāno.
Konīdha raññaṁ varamābhijeti
kamābhijeyyāma varaddhanena
kamanuttaraṁ ratanavaraṁ jināma
ko vāpi no jeti varaddhanena.

[916] Kuhiṁ nu raṭṭhe tava jātibhūmi
na korabyasseva vaco tavedaṁ
abhītosi 2 no vaṇṇanibhāya sabbe
akkhāhi me nāmañca bandhave ca.