[887] Tato nikkhantamattantaṁ asipattanirayā 4 dumā 5
sampatitaṁ vetaraṇiṁ ko taṁ yāceyya taṁ dhanaṁ.

[888] Kharā khārodakā tattā duggā vetaraṇī nadī
ayopokkharasañchannā tikkhapattehi sandati.
1 Ma. sudaḍḍhagattaṁ. 2 Ma. kaṇṭakanicitā. 3 Ma. vidaḍḍhakāyaṁ. 4 Ma. asipattācitā.
5 Sī. Yu. dukhā.
Tattha sañchinnagattantaṁ vuyhantaṁ ruhiramakkhitaṁ
vetaraññe anālambe ko taṁ yāceyya taṁ dhanaṁ.

[889] Vedhāmi rukkho viya chijjamāno
disaṁ na jānāmi pamuḷhasañño
bhayānutappāmi mahāva 1 me bhayā
sutvāna gāthā 2 tava bhāsitā ise.
Āditte vārimajjhaṁ va dīpaṁvogherivaṇṇave 3
andhakāreva pajjoto tvannosi saraṇaṁ ise.
Atthañca dhammañca anusāsa maṁ ise
atītamaddhā aparādhitaṁ mayā
ācikkha me nārada suddhimaggaṁ
yathā ahaṁ no nirayaṁ pateyyaṁ.

[890] Yathā ahu dhataraṭṭho vessāmitto ca aṭṭhako
yamadatti 4 usinnaro(sivirājā 5 ) paricārikā 6 samaṇabrāhmaṇānaṁ
ete caññe ca rājāno ye saggavisayaṁ 7 gatā.
Adhammaṁ parivajjetvā dhammañcara mahīpati
annahatthā ca te byamhe ghosayantu pure tava.
Ko chāto ko ca tasito ko mālaṁ ko vilepanaṁ
nānārattānaṁ vatthānaṁ ko naggo paridahissati.
1 Ma. mahā ca. 2 Ma. kathā. 3 Ma. dīpaṁvoghe mahaṇṇave. 4 Sī. yamataggi.
Ma. yāmataggi. 5 Ma. usindaro cāpi sivī ca rājā. 6 Ma. paricārakā.
7 Sī. Yu. sakkavisayaṁ.
Ko panthe chattamādeti 1 pādukā ca mudū subhā
iti sāyañca pāto ca ghosayantu pure tava.
Jiṇṇaṁ posaṁ gavassañca māssu yuñja yathā pure
parihārañca dajjāsi adhikārakato balī.

[891] Kāyo te rathasaññāto manosārathiko lahu
avihiṁsāsāritakkho saṁvibhāgapaṭicchado.
Pādasaññamanemiyo hatthasaññamapakkharo
kucchisaññamanabbhanto vācāsaññamakūjano.
Saccavākyasamattaṅgo apesuññasusaññato
girāsakhilanelaṅgo mitabhāṇisilesito.
Saddhālobhasusaṅkhāro nivātañjalikubbaro
athaddhatānatīsāko sīlasaṁvaranaddhano.
Akkodhanamanugghāṭī dhammapaṇḍarachattako
bāhusaccamupālambo 2 ṭhiticittamupādhiyo.
Kālaññutācittasāro vesārajjatidaṇḍako
nivātavuttiyottaṅgo 3 anatimānayugo lahu.
Alīnacittasanthāro vuḍḍhisevirajohato 4
sati patodo dhīrassa dhiti yogo ca rasmiyo.
Mano dantaṁ pathaṁ neti samadantehi vājibhi 5
1 Ma. chattamāneti. 2 Ma. ..ṃapālambo. 3 Ma. ...yottako. 4 vuḍḍhisevī
rajohatotipi. 5 vāhibhītipi pāṭho.
Icchā lobho ca kummaggo ujumaggo ca saññamo.
Rūpe sadde rase gandhe vāhanassa padhāvato
paññā ākoṭanī rāja tattha attāva sārathi.
Sace etena yānena samacariyā daḷhā dhiti
sabbakāmaduho rāja na jātu nirayaṁ vajeti.

[892] Alāto devadattosi sunāmo āsi bhaddaji
vijayo sārīputtosi moggallānosi vījako.
Sunakkhatto licchaviputto guṇo āsi acelako
ānando sā rucā āsi yā rājānaṁ pasādayi.
Uruvelakassapo rājā pāpadiṭṭhi tadā ahu
mahābrahmā bodhisatto evaṁ dhāretha jātakanti.
Mahānāradakassapajātakaṁ aṭṭhamaṁ.
-------------
9 Vidhurajātakaṁ

[893] Paṇḍu kīsiyāsi dubbalā
vaṇṇarūpaṁ na tavedisaṁ pure
vimale akkhāhi pucchitā
kīdisī tuyhaṁ sarīravedanā.

[894] Dhammo manujesu mātīnaṁ
dohaḷo nāma janinda vaccati
Dhammāhataṁ nāgakuñjara
vidhurassa hadayābhipatthaye.

[895] Candaṁ kho tvaṁ vimale dohaḷāyasi
suriyaṁ vā athavāpi mālutaṁ
dullabhaṁ 1 hi vidhurassa dassanaṁ 2
ko vidhuraṁ idhamānayissati.

[896] Kinnu tāta tuvaṁ pajjhāyasi
padumaṁ hatthagataṁva te mukhaṁ
kinnu dummanarūposi issara
mā tvaṁ soci amittatāpana.