[877] Ito cuto 2 dakkhasi tattha rāja
kākolasaṅghehi vikassamānaṁ 3
taṁ khajjamānaṁ niraye vasantaṁ
kākehi gijjhehi ca soṇakehi 4
1 Yu. akammasīlo. 2 Sī. Yu. gato. 3 Sī. Yu. kākoḷasaṅghehipi kaḍḍhamānaṁ.
4 Ma. senakehi.
Sañchinnagattaṁ ruhiraṁ savantaṁ
ko codaye paraloke sahassaṁ.

[878] Andhatamaṁ tattha na candasuriyā
nirayo sadā tumulo ghorarūpo
sā neva ratti na divā paññāyati
tathāvidhe ko vicare dhanatthiko.

[879] Savalo ca sāmo ca duve suvāṇā
pavaḍḍhakāyā balino mahantā
khādanti dantehi ayomayehi
ito panuṇṇaṁ paraloke patantaṁ 1 .
Taṁ khajjamānaṁ niraye vasantaṁ
luddehi vāḷehi aghammigehi
sañchinnagattaṁ ruhiraṁ savantaṁ
ko codaye paraloke sahassaṁ.

[880] Usūhi sattīhi [2]- sunissitāhi
hananti vijjhanti ca paccāmittā
kālūpakālā nirayamhi ghore
pubbe naraṁ dukkaṭakammakāriṁ.
Taṁ haññamānaṁ niraye vajantaṁ
kucchismiṁ passasmiṁ vipphālitūdaraṁ
1 Ma. paralokapattaṁ. 2 Ma. ca.
Sañchinnagattaṁ ruhiraṁ savantaṁ
ko codaye paraloke sahassaṁ.

[881] Sattī usū tomarabhiṇḍivālā
vividhāvudhaṁ vassati tattha devo
patanti aṅgāramivaccimanto
sīlāsanī vassati luddakamme.
Uṇho ca vāto nirayamhi dussaho
na tamhi sukhaṁ labhati 1 ittaraṁpi
tantaṁ vidhāvantamalenamāturaṁ
ko codaye paraloke sahassaṁ.

[882] Sandhāvamānaṁpi 2 rathesu yuttaṁ
sañjotibhūtaṁ paṭhaviṁ kamantaṁ
patodalaṭṭhīhi sucodayantaṁ 3
ko codaye paraloke sahassaṁ.

[883] Tamāruhantaṁ khurasañcitaṁ giriṁ
vibhiṁsanaṁ pajjalitaṁ bhayānakaṁ
sañchinnagattaṁ ruhiraṁ savantaṁ
ko codaye paraloke sahassaṁ.

[884] Tamāruhantaṁ pabbatasannikāsaṁ
aṅgārarāsiṁ jalitaṁ bhayānakaṁ
1 Ma. labbhati. 2 Sī. Yu. sandhāvamānaṁ taṁ. 3 Sī. Yu. sucodiyantaṁ.
Sandaḍḍhagattaṁ 1 kapaṇaṁ rudantaṁ
ko codaye paraloke sahassaṁ.

[885] Abbhakūṭasamā uccā kaṇṭakāhi citā 2 dumā
ayomayehi tikkhehi naralohitapāyibhi.
Tamāruhanti nāriyo narā ca paradāragū
coditā sattihatthehi yamaniddesakāribhi.
Tamāruhantaṁ niraye simbaliṁ ruhiramakkhitaṁ
vidaddhakāyaṁ 3 vitacaṁ āturaṁ gāḷhavedanaṁ.
Passasantaṁ muhuṁ uṇhaṁ pubbakammāparādhikaṁ
dummagge vitacaṁ gattaṁ ko taṁ yāceyya taṁ dhanaṁ.

[886] Abbhakūṭasamā uccā asipattacitā dumā
ayomayehi tikkhehi naralohitapāyibhi.
Tamāruhantaṁ asipattapādapaṁ
asīhi tikkhehi ca chijjamānaṁ
sañchinnagattaṁ ruhiraṁ savantaṁ
ko codaye paraloke sahassaṁ.