[857] Vedehassa vaco sutvā rucā pitaramabravi
sabbametaṁ mahārāja labbhatissarasantike.
Suve paṇṇaraso dibyo sahassaṁ āharantu me
yathā dinnañca dassāmi dānaṁ sabbavaṇīsvahaṁ.

[858] Rucāya vacanaṁ sutvā rājā aṅgatimabravi
bahuṁ vināsitaṁ vittaṁ niratthaṁ aphalaṁ tayā.
Uposathe vasaṁ niccaṁ annapānaṁ na bhuñjasi
niyatetaṁ abhuttabbaṁ natthi puññaṁ abhuñjato
vijakopi hi sutvāna tadā kassapabhāsitaṁ
1 Ma. sateratā. 2 Sī. Yu. suvaṇṇavikate. 3 Ma. muhuṁ. 4 Ma. kuḍḍamukhī.
5 Ma. candasamamhipi.
Passasanto muhuṁ uṇhaṁ rudaṁ assūni vattayi.
Yāva ruce jīvamānā 1 mā bhattamapanāmayi
natthi bhadde paro loko kiṁ niratthaṁ vihaññasi.

[859] Vedehassa vaco sutvā rucā ruciravaṇṇinī
jānaṁ pubbāparaṁ dhammaṁ pitaraṁ etadabravi.
Sutameva pure āsi paccakkhaṁ 2 diṭṭhamidaṁ mayā
bālūpasevī yo hoti bālova samapajjatha.
Muḷho hi muḷhamāgamma bhiyyo mohaṁ nigacchati
paṭirūpaṁ alātena vījakena ca muyhituṁ.

[860] Tvañca devāsi sappañño dhīro atthassa kovido
kathaṁ bālehi sadiso hīnadiṭṭhimupāgami.
Sace hi saṁsārapathena sujjhati
niratthiyā pabbajjā guṇassa
kīṭova aggiṁ jalitaṁ apāpataṁ
āpajjati mohamuḷho 3 naggabhāvaṁ.
Saṁsārasuddhīti pure niviṭṭhā
kammaṁ vidūsenti bahū ajānaṁ
pubbe kali duggahitova attho 4
dummocayo balisā ambujova.

[861] Upamante karissāmi mahārāja tavatthiyā
1 Sī. Yu. jīvasino. 2 Ma. sakkhi. 3 Sī. Yu. momuho. 4 kalī duggahitā
vanatthātipi.
Upamāyapidhekacce atthaṁ jānanti paṇḍitā.
Vāṇijānaṁ yathā nāvā appamāṇabhārā garu
atibhāraṁ samādāya aṇṇave avasīdati.
Evameva naro pāpaṁ thokaṁ thokampi ācinaṁ
atibhāraṁ samādāya niraye avasīdati.
Na tāva bhāro paripūro alātassa mahīpati
ācināti ca taṁ pāpaṁ yena gacchati duggatiṁ.
Pubbevassa kataṁ puññaṁ alātassa mahīpati
tasseva deva nissando yañceso labhate sukhaṁ.
Khīyatevassa taṁ puññaṁ tathāhi aguṇe rato
ujumaggaṁ avahāya kummaggaṁ anudhāvati.
Tulā yathā paggahitā ohite tulamaṇḍale
unnameti tulāsīsaṁ bhāre oropite sati.
Evameva naro puññaṁ thokaṁ thokampi ācinaṁ
saggātimāno dāsova vījako sātave rato.
Yamajja vījako dāso dukkhaṁ passati attani
pubbevassa kataṁ pāpaṁ tameso paṭisevati.
Khīyatevassa taṁ pāpaṁ tathāhi vinaye rato
kassapañca samāpajja māhevuppathamāgamā.

[862] Yaṁ yaṁ hi rāja bhajati santaṁ vā yadivā asaṁ
sīlavantaṁ visīlaṁ vā vasaṁ tasseva gacchati.
Yādisaṁ kurute mittaṁ yādisañcūpasevati
sopi tādisako hoti sahavāso hi tādiso.
Sevamāno sevamānaṁ saṁphuṭṭho saṁphusaṁ paraṁ
saro duṭṭho kalāpaṁva alittamupalimpati
upalepabhayā dhīro neva pāpasakhā siyā.
Pūtimacchaṁ kusaggena yo naro upanayhati
kusāpi pūtī vāyanti evaṁ bālūpasevanā.
Tagarañca palāsena yo naro upanayhati
pattāpi surabhī vāyanti evaṁ dhīrūpasevanā.
Tasmā pattapuṭasseva ñatvā sampākamattano
asante nūpaseveyya sante seveyya paṇḍito
asanto nirayaṁ nenti santo pāpenti sugatiṁ.

[863] Ahampi jātiyo satta sare saṁsaritattano
anāgatepi satteva yā gamissaṁ ito cutā.
Yā me sā sattamī jāti ahu pubbe janādhipa
kammāraputto magadhesu ahu rājagahe pure.
Pāpaṁ sahāyamāgamma bahu pāpaṁ kataṁ mayā
paradārassa heṭhentā carimhā amarā viya.
Taṁ kammaṁ nihitaṁ aṭṭhā bhasmācchannova pāvako
atha aññehi kammehi ajāyiṁ vaṁsabhūmiyaṁ.
Kosambiyaṁ seṭṭhikule iddhe phīte mahaddhane
ekaputto mahārāja niccaṁ sakkatapūjito.
Tattha mittaṁ asevissaṁ sahāyaṁ sātave rataṁ
paṇḍitaṁ sutasampannaṁ so maṁ atthe nivesayi.
Cātuddasiṁ pañcadasiṁ bahuṁ rattimupāvisiṁ
taṁ kammaṁ nihitaṁ aṭṭhā nidhīva udakantike.
Atha pāpānaṁ kammānaṁ yametaṁ magadhe kataṁ
phalaṁ pariyāgataṁ 1 pacchā bhutvā duṭṭhavisaṁ yathā.
Tato cutāhaṁ vedeha roruve niraye ciraṁ
sakammunā apacissaṁ taṁ saraṁ na sukhaṁ labhe.
Bahuvassagaṇe tattha khepayitvā bahuṁ dukkhaṁ
bhinnāgate 2 ahu rāja chakalo 3 uddhatapphalo.

[864] Sātaputtā mayā vuḷhā piṭṭhiyā ca rathena ca
tassa kammassa nissando paradāragamanassa me.
Tato cutāhaṁ vedeha kapi āsiṁ brahāvane
niluñcitaphaloyeva yūthapena pagabbhinā
tassa kammassa nissando paradāragamanassa me.
Tato cutāhaṁ vedeha dasannesu pasu ahuṁ
1 Ma. pariyāga maṁ. 2 Sī. Yu. bheṇṇākate. 3 Ma. chagalo.
Niluñcito javo bhadro yoggaṁ vuḷhaṁ ciraṁ mayā
tassa kammassa nissando paradāragamanassa me.
Tato cutāhaṁ vedeha vajjīsu kulamāgamā
nevitthī na pumā āsiṁ manussatte sudullabhe
tassa kammassa nissando paradāragamanassa me.
Tato cutāhaṁ vedeha ajāyiṁ nandane vane
bhavane tāvatiṁsāhaṁ accharā kāmavaṇṇinī.
Vicitravatthābharaṇā āmuttamaṇikuṇḍalā
kusalā naccagītassa sakkassa paricārikā.
Tattha ṭhitāhaṁ vedeha sarāmi jātiyo imā
anāgatepi satteva yā gamissaṁ ito cutā.
Pariyāgatantaṁ kusalaṁ yaṁ me kosambiyaṁ kataṁ
deve ceva manusse ca sandhāvissaṁ ito cutā.
Satta jaccā 1 mahārāja niccaṁ sakkatapūjitā
itthībhāvā 2 na muccissaṁ chaṭṭhāva gatiyo 3 imā.
Sattamī ca gati deva devaputto mahiddhiko
pumā devo bhavissāmi devakāyasmimuttamo.
Ajjāpi santānamayaṁ mālaṁ ganthenti nandane
devaputto javo nāma yo me mālaṁ paṭicchati.
Muhutto viya so dibyo idha vassāni soḷasa
1 Ma. jacco. 2 Ma. thībhāvā. 3 Ma. chaṭṭhā nigatiyo.
Rattindivo ca so dibyo mānusiṁ saradosataṁ.
Iti kammāni anventi asaṅkheyyāpi jātiyo
kalyāṇaṁ yadi vā pāpaṁ na hi kammaṁ vinassati 1 .

[865] Yo icche puriso hotuṁ jātiṁ jātiṁ punappunaṁ
paradāraṁ vivajjeyya dhotapādova kaddamaṁ.
Yā icche puriso hotuṁ jātiṁ jātiṁ punappunaṁ
sāmikaṁ apacāyeyya indaṁva paricārikā.
Yo icche dibbabhogañca dibbamāyuṁ yasaṁ sukhaṁ
pāpāni parivajjetvā tividhaṁ dhammamācare.
Kāyena vācā manasā appamatto vicakkhaṇo
attano hoti atthāya itthī vā yadivā pumā.
Yekecime manujā jīvaloke
yasassino sabbasamantabhogā
asaṁsayaṁ tehi pure suciṇṇaṁ
kammassakāse puthu sabbasattā.
Iṅghānucintesi sayampi deva
kutonidānā te imā janinda
yā te imā accharasannikāsā
alaṅkatā kāñcanajālachannā.
Iccevaṁ pitaraṁ kaññā rucā tosesi aṅgatiṁ
1 Sī. Yu. panasasati.
Muḷhassa maggamācikkhi dhammamakkhāsi subbatā.

[866] Athāgamā brahmalokā nārado mānusiṁ pathaṁ
jambūdīpaṁ avekkhanto addasa 1 rājānamaṅgatiṁ.
Tato patiṭṭha pāsāde vedehassa purakkhato 2
tañca disvā anuppattaṁ rucā isimavandatha.