[837] Sunāmassa vaco sutvā vijayo etadabravi
sabbe kāmā mahārāja niccaṁ tava upaṭṭhitā.
Na hete dullabhā deva tava kāmehi modituṁ
sadāpi kāmā labbhanti 3 netaṁ cittamataṁ mama.
Samaṇaṁ brāhmaṇaṁ vāpi upāsemu bahussutaṁ
yo najja vinaye kaṅkhaṁ atthadhammavidū ise.

[838] Vijayassa vaco sutvā rājā aṅgatimabravi
yathā vijayo bhaṇati mayhaṁ petaṁva ruccati.
Samaṇaṁ brāhmaṇaṁ vāpi upāsemu bahussutaṁ
yo najja vinaye kaṅkhaṁ atthadhammavidū ise.
Sabbeva santā karotha matiṁ kaṁ upāsemu paṇḍitaṁ
yo 4 najja vinaye kaṅkhaṁ atthadhammavidū ise.

[839] Vedehassa vaco sutvā alāto etadabravi
1 Ma. paccatthā. 2 Ma. naccagīte suvādite. 3 Ma. sulabhā. 4 sī Yu. ko.
Atthāyaṁ migadāyasmiṁ acelo dhīrasammato.
Guṇo kassapagottāyaṁ suto citrakathī gaṇī
taṁ deva payirupāsemu so no kaṅkhaṁ vinessati.

[840] Alātassa vaco sutvā rājā codesi sārathiṁ
migadāyaṁ gamissāma yuttaṁ yānaṁ idhānaya.

[841] Tassa yānaṁ ayojesuṁ dantaṁ rūpiyapakkharaṁ.
Sukkamaṭṭhaparivāraṁ paṇḍaraṁ dosinā mukhaṁ.
Tatrāsuṁ kumudāyuttā cattāro sindhavā hayā
anilūpamasamuppātā sudantā suvaṇṇamālino.
Setacchattaṁ setaratho setassā setavījanī
vedeho sahamaccehi nīyaṁ candova sobhati.
Tamanuyāyiṁsu bahavo indikhaggadharā 1 balī
assapiṭṭhigatā vīrā narā naravarādhipaṁ.
So muhuttaṁva yāyitvā yānā oruyha khattiyo
vedeho sahamaccehi patti guṇamupāgami.
Yepi tattha tadā āsuṁ brāhmaṇibbhā samāgatā
na te apanayi rājā akataṁ bhūmimāgate.

[842] Tato so mudukā bhisiyā muducittakasanthate
mudupaccatthate rājā ekamantaṁ upāvisi.
Nisajja rājā sammodi kathaṁ sārāṇiyaṁ tato
1 Sī. indakhaggadharā. Yu. iṭṭhikhaggadharā.
Kacci yāpanīyaṁ bhante vātānamaviyattatā.
Kacci akasirā vutti labhasi piṇḍiyāpanaṁ 1
appābādho 2 casi kacci cakkhu na parihāyati.

[843] Taṁ guṇo paṭisammodi vedehaṁ vinaye rataṁ
yāpanīyaṁ mahārāja sabbametaṁ tadūbhayaṁ.
Kacci tuyhaṁpi vedeha paccantā na balīyare
kacci arogaṁ yoggante kacci vahati vāhanaṁ
kacci te byādhiyo natthi sarīrassupatāpiyā 3 .

[844] Paṭisammodito rājā tato pucchi anantarā
atthaṁ dhammañca ñāyañca dhammakāmo rathesabho.
Kathaṁ dhammañcare macco mātāpitūsu kassapa
kathañcare ācariye puttadāre kathañcare.
Kathañcareyya vuḍḍhesu kathaṁ samaṇabrāhmaṇe
kathañca balakāyasmiṁ kathaṁ janapade care.
Kathaṁ dhammañcaritvāna pecca 4 gacchanti suggatiṁ
kathañceke adhammaṭṭhā patanti nirayaṁ adho.

[845] Vedehassa vaco sutvā kassapo etadabravi
suṇohi me mahārāja saccaṁ avitathaṁ padaṁ.
Natthi dhammacaritassa phalaṁ kalyāṇapāpakaṁ
1 Ma. piṇḍayāpanaṁ. 2 Ma. apābādho. 3 Sī. Yu. sarīrassupatāpikā.
4 Ma. maccā.
Natthi deva paraloko 1 ko tato hi idhāgato.
Natthi deva pitaro vā kuto mātā kuto pitā
natthi ācariyo nāma adantaṁ ko damessati.
Samatulyāni bhūtāni natthi jeṭṭhāpacāyikā
natthi balaṁ viriyaṁ vā kuto uṭṭhānaporiso 2 .
Niyatāni hi bhūtāni yathā goṭaviso tathā
laddheyyaṁ labhate macco tattha dānaphalaṁ kuto.
Natthi dānaphalaṁ deva avaso devavīriyo
bālehi dānaṁ paññattaṁ paṇḍitehi paṭicchitaṁ
avasā denti dhīrānaṁ bālā paṇḍitamānino.

[846] Sattime sassatā kāyā acchejjā avikopino
tejo paṭhavī āpo ca vāyo sukhadukkhañcime.
Jīve ca sattime kāyā yesaṁ chettā na vijjati
natthi hantā va chettā vā haññare vāpi kocinaṁ 3 .
Antareyeva 4 kāyānaṁ satthāni vītivattare
yo cāyaṁ 5 siramādāya paresaṁ nisitāsinā
na so chindati te kāye tattha pāpaphalaṁ kuto.
Cullāsītimahākappe sabbe sujjhanti saṁsaraṁ
anāgate tamhi kāle saññatopi na sujjhati.
Caritvāpi bahuṁ bhadraṁ neva sujjhanti nāgate
1 Ma. paro loko. 2 Ma. -porisaṁ. 3 Ma. haññe yevāpi koci naṁ.
4 Ma. antareneva. 5 Ma. cāpi.
Pāpañcepi bahuṁ katvā taṁ khaṇaṁ nātivattare.
Anupubbena no suddhi kappānaṁ cullāsītiyā
niyatiṁ nātivattāma velantamiva sāgaro.