[827] Bahukā tava dinnā ābharaṇā uccāvacā subhaṇitamhi
muttā maṇi veḷuriyā etante pacchimakaṁ dānaṁ.

[828] Yesaṁ pubbe khandhesu phullā mālāguṇā vivattiṁsu
tesajjapi sunisito 1 nettiṁso vivattissati khandhesu.
Yesaṁ pubbe khandhesu cittā mālāguṇā vivattiṁsu
tesajjapi sunisito 1 nettiṁso vivattissati khandhesu.
Acirā vata nettiṁso vivattissati rājaputtānaṁ khandhesu
atha mama hadayaṁ na phalati tāva daḷhabandhanañca me āsi.
Kāsikasucivatthadharā kuṇḍalino aggalucandanavilittā
niyyātha candasuriyā yaññatthāya ekarājassa.
Kāsikasucivatthadharā kuṇḍalino aggalucandanavilittā
niyyātha candasuriyā mātu katvā hadayasokaṁ.
Kāsikasucivatthadharā kuṇḍalino aggalucandanavilittā
niyyātha candasuriyā janassa katvā hadayasokaṁ.
Maṁsarasabhojanā nhāpakasunhātā kuṇḍalino aggalucandanavilittā
niyyātha candasuriyā yaññatthāya ekarājassa.
Maṁsarasabhojanā nhāpakasunhātā kuṇḍalino aggalucandanavilittā
niyyātha candasuriyā mātu katvā hadayasokaṁ.
Maṁsarasabhojanā nhāpakasunhātā kuṇḍalino aggalucandanavilittā
1 Sī. Yu. pītanisito. 2 Ma. aciraṁ.
Niyyātha candasuriyā janassa katvā hadayasokaṁ.

[829] Sabbasmiṁ upakkhatasmiṁ nisīdite candasuriyasmiṁ 1 yaññatthāya
pañcālarājadhītā pañjalikā sabbaparisantaramanupariyāsi 2 .
Yena saccena khaṇḍahālo pāpakammaṁ karoti dummedho
etena saccavajjena samaṅginī sāmikena homi.
Ye idhatthi amanussā yāni ca yakkhabhūtabhabyāni
karontu me veyyāvaṭikaṁ samaṅginī sāmikena homi.
Yā devatā idhāgatā yāni ca sabbabhūtabhabyāni 3
saraṇesiniṁ anāthaṁ tāyatha maṁ yācāmi vo patimāhaṁ ajeyyaṁ.

[830] Taṁ sutvā amanusso ayokuṭaṁ paribbhamitvāna
bhayamassa janayanto rājānaṁ idamavoca.
Bujjhassu kho rājakali mā tehaṁ matthakaṁ nitāḷesiṁ
mā jeṭṭhaputtaṁ avadhi adūsakaṁ sīhasaṅkāsaṁ.
Ko te diṭṭho rājakali puttabhariyāyo haññamānāyo
seṭṭhī ca gahapatayo adūsakā saggakāmā hi.

[831] Taṁ sutvā khaṇḍahālo rājā ca abbhūtamidaṁ disvāna
sabbesaṁ bandhanāni mocesuṁ yathā taṁ anupaghātaṁ 4 .
Sabbesu vippamuttesu ye tattha samāgatā tadā āsuṁ
sabbe ekekaleḍḍumadaṁsu esa vadho khaṇḍahālassa.
1 Ma. candasmiṁ. 2 Ma. sabbaparisāya samanapariyāyi. 3 Ma. yakkhabhūtabhabyāni.
4 Sī. apāpānaṁ.

[832] Sabbe paviṭṭhā 1 nirayaṁ yathā taṁ pāpakammaṁ karitvāna
na hi pāpakammaṁ katvā labbhā sugati 2 ito gantuṁ.

[833] Sabbesu vippamuttesu ye tattha samāgatā tadā āsuṁ
candaṁ abhisiñciṁsu samāgatā rājapurisā 3 ca.
Sabbesu vippamuttesu yā 4 tattha samāgatā tadā āsuṁ
candaṁ abhisiñciṁsu samāgatā rājakaññāyo.
Sabbesu vippamuttesu ye tattha samāgatā tadā āsuṁ
candaṁ abhisiñciṁsu samāgatā devapurisā 5 ca.
Sabbesu vippamuttesu yā 4 tattha samāgatā tadā āsuṁ
candaṁ abhisiñciṁsu samāgatā devakaññāyo.
Sabbesu vippamuttesu ye tattha samāgatā tadā āsuṁ
celukkhepamakaruṁ samāgatā rājapurisā 3 ca.
Sabbesu vippamuttesu yā 4 tattha samāgatā tadā āsuṁ
celukkhepamakaruṁ samāgatā rājakaññāyo.
Sabbesu vippamuttesu ye tattha samāgatā tadā āsuṁ
celukkhepamakaruṁ samāgatā devapurisā 5 ca.
Sabbesu vippamuttesu yā 4 tattha samāgatā tadā āsuṁ
celukkhepamakaruṁ samāgatā devakaññāyo.
Sabbesu vippamuttesu bahū ānandino ahu 6
1 Sī. patīsu. Yu. patitvā. 2 Ma. sugatiṁ. 3 Ma. rājaparisā. 4 Ma. ye.
5 Ma. devaparisā. 6 Ma. bahū ānanditā ahuṁ.
Vādiṁsu nandippavesanagaraṁ 1 bandhanā mokkho aghositthāti.
Candakumārajātakaṁ sattamaṁ.
-----------
8 Mahānāradakassapajātakaṁ

[834] Ahu rājā videhānaṁ aṅgati nāma khattiyo
pahutayoggo dhanimā anantabalaporiso.
So ca paṇṇarase 2 rattiṁ purime yāme anāgate
cātumāsā komudiyā amacce sannipātayi.
Paṇḍite sutasampanne mitapubbe vicakkhaṇe
vijayañca sunāmañca senāpatiṁ alātakaṁ.
Tamanupucchi vedeho paccekaṁ brūtha saṁ ruciṁ
cātumāsā komudajja juṇhaṁ byapahataṁ tamaṁ
kāyajja ratiyā rattiṁ viharemu imaṁ utuṁ.

[835] Tato senāpati rañño alāto etadabravi
haṭṭhaṁ yoggaṁ balaṁ sabbaṁ senaṁ sannāhayāmase.
Niyyāma deva yuddhāya anantabalaporisā
ye te vasaṁ na āyanti vasaṁ upanīyāmase 3 .
Esā mayhaṁ sakā diṭṭhi ajitaṁ ojiyāmase 4
ramassu deva yuddhāya etaṁ cittamataṁ mama
1 Ma. nandiṁ pavesi nagaraṁ. 2 Ma. pannarasiṁ. 3 Ma. upanayāmase.
4 Ma. ojināmase.

[836] Alātassa vaco sutvā sunāmo etadabravi
sabbe tuyhaṁ mahārāja amittā vasamāgatā.
Nikkhittasatthā paccattā 1 nivātamanuvattare
uttamo ussavo ajja na yuddhaṁ mama ruccati.
Annapānañca khajjañca khippaṁ abhiharantu te
ramassu deva kāmehi naccagītesu vādite 2 .