[817] Kinnumā na ramāpeyyuṁ aññamaññaṁ piyaṁvadā
ghaṭṭikā uparikkhī ca pokkharaṇī ca gāyikā
candasuriyesu naccantiyo samā tāsaṁ na vijjati.

[818] Imaṁ mayhaṁ hadayasokaṁ paṭimuñcatu khaṇḍahāla tava mātā
yo mayhaṁ hadayasoko candasmiṁ vadhāya ninnīte.
Imaṁ mayhaṁ hayadasokaṁ paṭimuñcatu khaṇḍahāla tava mātā
yo mayhaṁ hadayasoko suriyasmiṁ vadhāya ninnīte.
Imaṁ mayhaṁ hadayasokaṁ paṭimuñcatu khaṇḍahāla tava jāyā
yo mayhaṁ hadayasoko candasmiṁ vadhāya ninnīte.
Imaṁ mayhaṁ hadayasokaṁ paṭimuñcatu khaṇḍahāla tava jāyā
yo mayhaṁ hadayasoko suriyasmiṁ vadhāya ninnīte.
Mā ca putte mā ca patiṁ addakkhi khaṇḍahāla tava mātā
yo ghātesi kumāre adūsake sīhasaṅkāse.
Mā ca putte mā ca patiṁ addakkhi khaṇḍahāla tava mātā
yo ghātesi kumāre apekkhite sabbalokassa.
1 Ma. - ca. 2 Ma. candavaraṁ. 3-4 Ma. rujjhanti.
Mā ca putte mā ca patiṁ addakkhi khaṇḍahāla tava jāyā
yo ghātesi kumāre adūsake sīhasaṅkāse.
Mā ca putte mā ca patiṁ addakkhi khaṇḍahāla tava jāyā
yo ghātesi kumāre apekkhite sabbalokassa.

[819] Mā no deva avadhi dāse no dehi khaṇḍahālassa
api nigaḷabandhakāpi hatthī asse ca pālema.
Mā no deva avadhi dāse no dehi khaṇḍahālassa
api nigaḷabandhakāpi hatthichakaṇāni ujjhema.
Mā no deva avadhi dāse no dehi khaṇḍahālassa
api nigaḷabandhakāpi assachakaṇāni ujjhema.
Mā no deva avadhi dāse no dehi khaṇḍahālassa
yassa honti tava kāmā api raṭṭhā pabbājitā
bhikkhācariyaṁ carissāma.
Dibyaṁ deva upayācanti puttatthikā daliddāpi
paṭibhāṇānipi hitvā putte na labhanti ekaccā
āsāsikāni 1 karonti puttā no jāyantu tato paputtā
atha no akāraṇasmā yaññatthāya deva ghātesi.
Upayācitakena puttaṁ labhanti mā tāta no aghātesi
mā kicchaladdhakehi puttehi yajittho imaṁ yaññaṁ.
Upayācitakena puttaṁ labhanti mā tāta no aghātesi
1 Ma. āsīsikāni.
Mā kapaṇaladdhakehi puttehi ammāya no vippavāsesi.

[820] Bahudukkhaṁ 1 posiyā candaṁ amma tuvaṁ jīyase puttaṁ
vandāmi kho te pāde labhataṁ tāto paralokaṁ
handa ca maṁ upagūha 2 pāde te amma vandituṁ dehi
gacchāmidāni pavāsaṁ yaññatthāya ekarājassa.
Handa ca maṁ upagūha 3 pāde te amma vandituṁ dehi
gacchāmidāni pavāsaṁ mātu katvā hadayasokaṁ.
Handa ca maṁ upagūha 4 pāde te amma vandituṁ dehi
gacchāmidāni pavāsaṁ janassa katvā hadayasokaṁ.

[821] Handa ca padumapattānaṁ moliṁ bandhassu gotamiputta
campakadalamissāyo esā te porāṇikā pakati.
Handa ca vilepanante pacchimakaṁ candanaṁ vilimpassu
yehi ca suvilitto sobhasi rājaparisāyaṁ.
Handa ca mudukāni vatthāni pacchimaṁ kāsikaṁ nivāsehi
yehi ca sunivattho sobhasi rājaparisāyaṁ.
Muttāmaṇikanakavibhūsitāni gaṇhassu hatthābharaṇāni
yehi ca hatthābharaṇehi sobhasi rājaparisāyaṁ.

[822] Na hi nūnāyaṁ raṭṭhapālo bhūmipati janapadassa dāyādo
lokissaro mahanto putte sinehaṁ janayati.
1 Ma. badudukkhā. 2-3-4 Ma. upaguyha.

[823] Mayhaṁ piyā 1 puttā athopi piyā 2 tumhe ca bhariyāyo
saggañca patthayamāno 3 tenāhaṁ ghātayissāmi.

[824] Maṁ paṭhamaṁ ghātehi mā me hadayaṁ dukkhaṁ aphālesi
alaṅkato sundarako putto deva tava sukhumālo.
Handayya maṁ hanassu sasokā 4 candakena 5 hessāmi
puññaṁ karassu vipulaṁ vicarāma ubho paraloke.

[825] Mā tvaṁ cande rucci (maraṇaṁ) bahukā tava devarā visālakkhi
te taṁ ramayissanti yiṭṭhasmiṁ gotamiputte.

[826] Evaṁ vutte candā attānaṁ hanti hatthatalakehi
alamettha 6 jīvitena pissāmi visaṁ marissāmi.
Na hi nūnimassa rañño ñātimittā 7 ca vijjare
suhadā yena vadanti rājānaṁ mā ghātayi orase putte
na hi nūnimassa rañño ñātimittā 7 ca vijjare
suhadā yena vadanti rājānaṁ mā ghātayi atraje putte.
Ime tepi mayhaṁ puttā guṇino kāyuradhārino
rājā tehipi yajassu yaññaṁ atha muñcatu gotamiputte.
Vilasatampi maṁ katvā yajassu sattadhā mahārāja
mā jeṭṭhaputtaṁ avadhi adūsakaṁ sīhasaṅkāsaṁ.
Vilasatampi maṁ katvā yajassu sattadhā mahārāja
1 Ma. mayhampi. 2 attāpi piyotipi pāṭho. Ma. attā ca piyo. 3 Ma. patthayāno.
4 Ma. paraloke. 5 Sī. Yu. candiyena. 6 Sī. Yu. alamatathu. 7 Ma. mittāmaccā ca.
Mā jeṭṭhaputtaṁ avadhi apekkhitaṁ sabbalokassa.